نادى ايا آل النبى تداركوا من صار بين مرابض الاساد
يا آل بيت الميرغنى ترحموا لاتشمتوا بى مبغضى حساد
هل يا أباعثمان تسمح بالمنى لمغوثٍ دون الحجاب ينادى
هل يا اباعثمان صفحاً عن خطا ماسور وجدٍ فيك من اجدادى
هل يا ابا عثمان تجلو ظلمةً حاطت بقلبى يالها من صادى
يابهجة الدارين ياعين المنى ياذا المحامد عُدتى وعمادى
يا منادى لى سيدى الحسن *** دهب التاكا المؤتمن
شىء لله ياصاحب الزمن *** داخل حاشاى حبك سكن
ضاقت بى حال قيدى انقرن *** انظرنى يا سيدى الحسن
فى التاكا يا سمح البنا *** وسيد المقام زاهد الدنا
بوارقو لايحة مطمينة *** إنت الأمير سيدى الحسن
فى الحضرة كم ولى وحكم *** ساد الرجال رفع العلم
من طار لى قصورو انهدم *** ادركنى يا سيدى الحسن
الهمه لى دارك وصل *** والخالفك بعد انفصل
عاقدين عليك كل الأمل *** اتحفنا يا سيدى الحسن
ادركنا بى فرجات كرب *** وادرك عدائى سهمك لهب
ان شالله يلزمنا الأدب *** عند بابو دخرينا الحسن
كان كنت فى ضيق فى وحل * شىء لله قول وأعنى الجبل
بجيك خيول دافرات هبل *** أركز وهز قول يا حسن
نرجوك يا سمح الأصل *** حبيلا بيكم اتصل
نحن العقاب وإنت الأصل*** فوقك نهز سيدى الحسن
سيد الضريح سمح الشيم*** سمح النوال عالى الهمم
الكفو كم اغنى العدم *** أكرمنا يا سيدى الحسن
نيلك دفق خصب محل *** فى التاكا ركازة الجبل
أصل الكرام كرمك جلل *** استاذى نبراسى الحسن
ما هب ريح وغيث هطل *** صلاة وسلام انا ليك يصل
للنادر الشايل جبل *** يلهج نهج سيدى الحسن