انت بدر الدجا في السحر بيك طبنا وطاب الدهر
الشوق لي رسولي متى أصل
بسم الله بديت الكلام ثنيت بطه الختام
يا رسولي تم المرام أراك لو كان في المنام
وفي رسولنا حار الوصف دا بحرنا المنو الغرف
عن طريقك لا ننعطف لي ثمارك نقطف قطف
يا حليل زمن السهر والجلوس في وقت السحر
يا نبينا زيل الكدر نقيم الليل بلا فتر
يا رسولنا يا طب القلوب في حماك يا كاشف الكروب
في طريقك نسلك دروب لي منهاجك وفي هواك نذوب
شوقي ليك ياطه البشير حبي ليه القمر المنير
صحابتو الجدو المسير في حماكم من السعير
يا حبيبنا متين الوصول لي حماك ياسيدي الرسول
حل لقيدي يا أبو البتول وأختم لي جواز القبول
لي سوحك لمتين أصل بي غرامك فكري انشغل
يا نبينا زيل الكسل وأسقينا صافي العسل
يا صفينا يا سيد الكرام يا قمرنا يا بدر التمام
صفي لينا وزيل السقام وأهدي لينا حسن الختام
لي رسولنا بهدي والقصيد لي حبيبنا طه الرشيد
من خويدم طالبه المزيد والقبول في يوم الوعيد
ختام صلاتي ليك يا الحبيب يا رسولنا طه النجيب
لي حمايه من أم لهيب لي دعاي ي رب تجيب
آآآآآآآآآآآآآآآآآآمين ياالله ياسميع يا مجيب لها ولكل محب لك بجاه المصطفى سيدنا الطبيب