وكتبت الأُستاذة نُسيبة جعفر سالم في موقع البركل...
الحاجه نورا بت سالم نشأت فى بيت خلافه للساده المراغنه فنجدهم ابناء (سالم صالح) واحفادهم يحملون احترام وحب لهم .وهذه واحده من روائع الحاجه نظمتها فى احدى زيارات السيد محمد عثمان الميرغنى للشماليه...
(الحابو قلبى )
مرحبا بالحابو قلبى ... الشريف الجدو النبى
قلت بإسم الله إبتديت ... بالرسول الغالى ثنيت
فوق عظيم الحضرة غنيت ... طيب الاخلاق الوهيط
انتو اهل البيت البخيت ... والمعاديكم مساخيط
سيدى عثمان نسل الامين ... يعرفه الله والعارفين
انت ملجأ المستجيرين ... شوفته تفرح قلبا حزين
جدكم ختم المرسلين ... منه ابعدو يامنكرين
شن بقربكم للخزين ... يا الفترتو وجيتو صادين
سيدى عثمان عالى القدر ... ضوه نورك خافى البدر
نورُو ضوه الحى والكتر ... من قديم انتواهل النصر
ابوك (على ) الطاعوه الكفُر ... سيدى عثمان مابيتقدر
ديل اهل الرأى والفكر ... اهل التوسل والذكر
لى ختمنا جليس الخضر ... المريد يسقوه بالسر
سيدى عثمان مين يقدرو ... دا البطل الرباه ابو
سيدى عثمان قمرا منير ... انت جبلا ماب يستلين
مابيهمك قول البغير ... انت فى عين كل زول كبير
انت لاك مأمور لاك وزير ... وشرفك من الحى القدير
سيدى عثمان حبك جلب ... من صعيد لى دار العرب
كامل الاوصاف مؤدب ... والبحبك يا القوس كسب
الصلاة وتسليم بالالوف ... عدد القلم ماجرجر حروف
عدد النظر ماإمتد بالشوف ... ترضى احمدساكن ام قوف
يوم تقيف الناس بالصفوف ... ويجرى دمع العاصى مكسوف
لى تطمن وتأمن الخوف...
__________________
نسأل الله أن يطمنك ويُدخلك في شفاعة نبينا محمد العمومية والخصوصية ياااارب...