[الأمين حسين بخيت]

يالانقاذ مصيبتك انتي من فتحت
اتلجيتي بالرشوات ومال السحت
بعد ماشبعت من ثدي الحرام ونتحت
بقيتي ملايكة يالانقاذ.. وجيتي نصحت
............
كل ما إنشق واحد راسو فيهو شقيقة
تهزَبو إنت لكن مابفكلو ضيقة
لميت التمور النية والدفيقة
معا تمر الهبوب المابفكلو ريقه
.............
وين مايو..ووين اب عاج.. وين عبود
ثورات بالكضب.. والصح مصيرو يعود
يالانقاذ شدرتك باقي فيها العود
اختمي بالشهادة.. ووحدي المعبود
.............
دا حال المؤتمرجية الجيوبه ملانه
قالو بسيطة.. نرشي فلان وندَي فلانه
قايلين بشتروهم بالفلوس والهانه
ما بياكلو الحرام لو يسكنو الجبانه
.........
فوق كم يا المؤتمرجي بلا فهم متنبر
لاك سيد في الخلا ولا في البحر متشير
قولك في مديح حالنا الصبح متعبر
زي القام بعد حرجم ضبيحتو.. يكبر
............
ما بنقلب الدرَاب ... ومانصدق الكضاب
و النطانا بالشباك مابنفتحلو خشم الباب
شوفو المؤتمرجي الماكر الملعاب
غير اسمو تاني...وجانا بالقرباب
............
السودان امانة.. ونيلو حقك وحقي
ممهور بي دمانا ومن قديم متسقي
ارادتو مزورة ومن ظلمهم متشقي
كان فرشوها..شعبنا في الضلمة ينقي
............

شكرا ود بادى