02-20-2014, 05:40 PM
|
#1
|
|
|
سمحة الصلاة الموصولة وعن سيدنا الرسول قلوبنا ما مشغولة
سمحة الصلاة الموصولة عن ** سيدنا الرسول قلوبنا ما مشغولة
صلى على الرسول
يا من قال كن فيكون *** صحى نفوسنا هدى جنونه
صحى نفوسنا هدى جنونا *** نمدح طه سيد ميمونه
صلي على الرسول
ثنيت بالرسول يا أخويه *** جاب قرآنه مسنونه
يوم النار وألقى هبونه *** لينا إحامى وآدم أبونه
صلى على الرسول
الصلاة على الرسول دى مجابة** عدِد ليها غير حسابه
لى جنات عدن تتشابة *** معانة الرسول وأصحابه
صلى على الرسول
الصلاة على الرسول دى عظيمة**سوت للرخيص القيمه
سيب الدنيا أصلها شينة **** أكوى ابليس وفش الضيمه
صلى عل الرسول
صلاة على الرسول دى الغاية** عدِد ليها غير نهايه
سوى اورادك ليك محايه *** من النار ليك حمايه
صلى على الرسول
سيب الدنيا واترك ناسا **** سوى السبحه ليك وناسه
تشرب من لذيذ الكاسا **** خيل الغيب تجيك حرباسه
صلى على الرسول
واترك للكسل والنومه **** شيل السبحة طول اليومه
تشرب من لذيذ القومه **** ختماً البرير والتومه
صلى على الرسول
آخر الليلى جانى كلامه ***** من الروضه فاح نسامه
سهل لى مع الأقوامه ***** أخش الحضرة واشيل أعلامه
صلى على الرسول
دايما صلى ياذا المني ***** لى سيدى الرسول السنى
من كل الشرور أضمنى ***** فى المديح أنوع فنى
صلى على الحبيب
|
|
عزيزنا الزائر لن تتمكن من مشاهدة التوقيع إلاَّ بتسجيل
دخولك
قم بتسجيل الدخول أو قم بالتسجيل من هنا |
|