[أبو الحُسين]

اقتباس : المشاركة الأصلية كتبت بواسطة عبد العظيم الطاهر [ مشاهدة المشاركة ]

أها هاكم فقدتي في البوست اللذيذ دا ......

تلاتة أخوان رباطاب ... شالولن قماش ودوهو للترزي يخيط لهن جلاليب للعيد ..... الترزي قال لهن تجوا تشيلوها مني يوم الوقفة عشان انا مزحوم وفي ناس كتاااار قبالكم ... اها مشوا يوم الوقفة جابوا الجلاليب منو ودخلوا في الأوضة يجربوها ... لقوهن التلاتة طلعن قصار بالحيل ... يلا وقاموا يدعوا عليهو :-
الأول قال لو : أريتك بالقصر اليخليك تشابي للفنجان ما تلحقو.
الثاني قال لو : أريتك بالقصر اليخليك قاعد في البرش وكرعيك مدلدلات.
الثالث قال لو : أريتك بالقصر اليخليك ماشي وطاقيتك جارا بالواطة ....

يعني نمرة تلاتة دا داير يخليهُو أقصر من أبْ دِرِينْقَة؟؟ (أبو القَدَحْ)