[الزبير بشير]

اخي الحبيب احمد

من الله علينا بملازمه مولانا شيخ علي في جميع سفرياته خارج السودان . الاولي في مصر و جلست معه 34 يوما ، و في الاردن 8 ايام ، في سوريا اول مره 12 يوم و ثاني مره 5 ايام . ان تحدثت عن شيخ علي فتحدث عن البحر الخضم و تحدث عن الاخلاق الراقيه و لآلي الحديث العذب و الدر المنظم . لا يفي القول في حقه شيئا . لقد حبب الينا حب السادة المراغنه . تواضع شيخ علي مع المراغنه يحير العقول .
لقد كتبت عن شيخ علي زين العابدين 55 قصه سمعتها من فيه ( ذي ما بقولوا سمعتها بي اضاني ) . ما يصح نشره فعلناه . و غير ذلك التلفون موجود .
حكي لنا مولانا شيخ علي بانو في يوم ، جاهو واحد قال ليه امس جاني في النوم السيد الحسن اب جلابيه و قال لي اعمل الاستغفار 70 الف مره . شيخ علي قال ليه يا اخي انت ده ما بتقدر عليه لان ( جسمك كلو رمله ) . انا حا اشفع ليك عن السيد الحسن اعفيك . الزول قال ليه ان حاجه من السيد الحسن بعملها . بعد يومين الزول جا قال لي شيخ علي امس في النوم شفت طير رهو يطير علي مستوي منخفض و لما ارجع الجناحين بجيب هواء حار . شيخ علي قال ليه نحن ما قلنا ليك انت ما بتقدر علي الاستغفار 70 الف يا زول انت موتك قرب اكان عندك ديون حلها و اكان عندك اهل بعيدين ودعهم . الزول بعد يومين ظهر ليهو سكري و تم قطع الارجل و زادت المضاعفات و انتقل الي رحمه مولاه في اليوم الخامس من بداية الاستغفار . شيخ علي علق علي الوضوع بانو العندو ايام في الحياه ما قصرها بي يده .
لكم مودتي