[د. سلوى الدابي]

اقتباس : المشاركة الأصلية كتبت بواسطة علي الشريف احمد [ مشاهدة المشاركة ]

كل عام وانتم بخير وتقبل الله منا ومنكم صيام وقيام رمضان وربنا يحفظ وينصر ساداتنا المراغنة اجمعين وخصوصآ سيدي محمد عثمان الميرغني ربنا يحقق ما يصبوا اليه اقيمت صلاة وشعائر عيد الفطر المبارك في جميع مساجد وساحات الطريقة السمحاء وامها جموع من المصلين على رأسهم ساداتنا المراغنة وخلفاء الطريقة ومريديها وعدد من مواطني بلادنا واليكم عدد من المشاهد من تلكم الصلوات المباركة

كما قال ود المتعارض
متين فوق جبال التاكا يربط غيم ....

يا منادى لى سيدى الحسن *** دهب التاكا المؤتمن
شىء لله ياصاحب الزمن *** داخل حاشاى حبك سكن
ضاقت بى حال قيدى انقرن *** انظرنى يا سيدى الحسن
فى التاكا يا سمح البنا *** وسيد المقام زاهد الدنا
بوارقو لايحة مطمينة *** إنت الأمير سيدى الحسن
فى الحضرة كم ولى وحكم *** ساد الرجال رفع العلم
من طار لى قصورو انهدم *** ادركنى يا سيدى الحسن
الهمه لى دارك وصل *** والخالفك بعد انفصل
عاقدين عليك كل الأمل *** اتحفنا... يا سيدى الحسن
ادركنا بى فرجات كرب *** وادرك عدائى سهمك لهب
ان شالله يلزمنا الأدب *** عند بابو دخرينا الحسن
كان كنت فى ضيق فى وحل * شىء لله قول وأعنى الجبل
بجيك خيول دافرات هبل *** أركز وهز قول يا حسن
نرجوك يا سمح الأصل *** حبيلا بيكم اتصل
نحن العقاب وإنت الأصل*** فوقك نهز سيدى الحسن
سيد الضريح سمح الشيم*** سمح النوال عالى الهمم
الكفو كم اغنى العدم *** أكرمنا يا سيدى الحسن
نيلك دفق خصب محل *** فى التاكا ركازة الجبل
أصل الكرام كرمك جلل *** استاذى نبراسى الحسن
ما هب ريح وغيث هطل *** صلاة وسلام انا ليك يصل
للنادر الشايل جبل *** يلهج نهج سيدى الحسن
للنادر ولك اخى على الشريف ولكل من يحب الحسن ان يلهج نهج سيدى الحسن ببركة جد الحسن وابا الحسن وام الحسن والسيد الحسن وكل عام والجميع بخير وصحة وعافية آآآآآآآآآمين

علي الشريف احمد معجب بهذا