أُمنا الحاجة نفيسة بت اميميني بت حمد
 

خلال تجوالي في الشبكة العنكبوتية عثرت علي هذه الصورة المباركة لأمنا الشاعرة المجيدة والفذة "نفيسة عثمان القويضي" المعروفة ببت اميميني وللأمانة هي من موسوعة التوثيق الشامل وقد أنزلها شخص إسمه حسن عثمان العليش ولإعجابي الشديد بهذه المحبة الصادقة صاحبة الكلمات الصادقة أحببت ان أضمنها في صفحات هذه الدوحة المباركة.

http://up.khatmiya.com/uploads/13435681501.jpg

الله الله لينا
متين يالميرغني السلطان تجينا


قت بسم الله في اول بدايا
وثنيت بالنبي الحل الجدايا
رسول الله مساح الخطايا
ودا الطلب الاله انزلو آية
يقول مساوي في ضلي وضرايا
الخليفة ارباب يكوركلو وينادي
ويقولك ياحسن طرق الرشادي
ياحسن قول لينا دار تكبر زيادي
تصل عبد العزيز وتفوتوغادي
الخليفة ارباب يدفر بي حصانو
ململم ناسو رب العزة عانو
منضف قلبو ينطق بي لسانو
ولا ابليس اللعين في مرة خانو
الخليفة ارباب يكورك للجماعة
كدي اجتمعوا الرجال في ربع ساعة
حقيقة بلدنا اولادك شجاعة
يخافوا من الله طايعين ليهو طاعة
صغير البيت يصلي مع الجماعة
ولاد ود شيخنا جملة جو بي عصيهم
وقدل مقنع نفيسة مرق عليهم
هو قال خلوني للمتحدي فيهم
في الكير الغريق ممكن رميهم
يا ناس الشرق جاتكم امانة
متين كان من زمان نازلين معانا
تقولوا علي الجزيري محاددانا
دي فلتت منكم تتعد خيانة
الصلاة وتسليم عليك ياأحمد نبيا
نبات الارض ناشفة على طرية
كمان ريش الطيور حتى الحدية
تراب الارض ماتفضل حصية
تقبل مني ويبقى ثوابا ليَّا

رد: امنا نفيسة بت اميميني بت حمد
 

رد: أُمنا الحاجة نفيسة بت اميميني بت حمد
 

مشكور اخونا السقادي ، رحمها الله و غفر لها و جعل البركة في ابنها حسن و اخوته .

رد: أُمنا الحاجة نفيسة بت اميميني بت حمد
 

يا مرحبا بالأخ أبو الحسين والأخ الكريم الهاشمي
نعم هي أمنا في المحبة والولاء والطاعة لأهل البيت الطاهرين أسأل الله أن يجعل في قبرها الضياء والنور والسعة والسرور من يومنا هذا إلي يوم النشور

رد: أُمنا الحاجة نفيسة بت اميميني بت حمد