|
قصيدتي في مدح الخليفة عبد العزيز محمد الحسن امد الله في عمره
الآن أوانو أبو البركات راجح ميزانو دباغنا ... بديت بالواحد المنانو وبالمختار طه العدنانو جملة أهل الله مكان ما كانوا وبالحسنين احمد وعثمانو ... الفاق اقرانو فقه توحيد راجح ميزانو وآضح برهانو علوم القوم ساحتو وميدانو ... لابس تيجانو من التقوى حللو ونيشانو صاين لى زمانو صلا وآذان راتبو وقرانو ... نافع حيرانو علوم آداب اتحلوا وزانو مددو الهتانو على الأحباب دايرات كيسانو ... فاتح حيشانو وبالخيرات عامر ديوانو قدحو المليانو الهاش الباش يكرم ضيفانو ... فارس الكرانو أوعاك حاذر حرمو وسلطانو اعداه اتهانو سهام الليل جندو وقيمانو ... مولاى ندعوك برحيم رحمانو وبى طه المعظم شانو تبارك عمرو تزيد في زمانو في الصالحات تقل ميزانو ... صلا وتسليم للشاد اركانو حبيب الله صفوة نبيانو احمد يرجو وطالب عشمانو من الأسرار تملولو جنانو |
رد: قصيدتي في مدح الخليفة عبد العزيز محمد الحسن امد الله في عمره
نظم عظيم من قلب صادق الى عالم فريد جعله الله لنا همزة وصل لساداتنا المراغنة وجسر عبور لحضرة مولانا وسيدنا حبيب الله محمد -----
وقبلة مني على رأس الاستاذ أحمد --- تقبل الله منه وأمد الله في عمر العلامة الحبيب الخليفة عبدالعزيز --- اللهم آمين --اللهم آمين |
رد: قصيدتي في مدح الخليفة عبد العزيز محمد الحسن امد الله في عمره
|
رد: قصيدتي في مدح الخليفة عبد العزيز محمد الحسن امد الله في عمره
الشيخ عبد العزيز محمد الحسن أحد علماء الطريقة الأجلاء وقد أفنى عمره في خدمة الطريقة الختمية وأهلها ولا زال بيته مفتوحا تُقضى فيه الحوائج وتعان فيه الأخوان في الجوائح متعه الله بالصحة والعافية وأجزل لك الثواب أستاذ كرموش |
رد: قصيدتي في مدح الخليفة عبد العزيز محمد الحسن امد الله في عمره
أصاحبك أجلة باينين كالأهلة نورن ظاهرة: الواحد أقلة يوزن ليهو ملة من ناس منكرة
|
رد: قصيدتي في مدح الخليفة عبد العزيز محمد الحسن امد الله في عمره
من كراماتو علي طلبت منه الفاتحة عشان قرض في القاهرة أيام وأجي راجع أيام محنة الأنقاذ الأولي والحال إني شبه مفلس من النقود ولاأعرف أين إتجه فمن الله علي بالخليفة أحمد محجوب إبراهيم كدليل سياحي وإبن عمي شقيق زوجتي الذي حضر للسياحة وكل ذلك من غير تدبير وكانت من أجمل الأيام في قاهرة المعز.
ودامت مودتنا لكم ياأحبابنا. |
رد: قصيدتي في مدح الخليفة عبد العزيز محمد الحسن امد الله في عمره
يستحق الخليفة كل مدح وهو بحر في العلم وقمة في التواضع
|
رد: قصيدتي في مدح الخليفة عبد العزيز محمد الحسن امد الله في عمره
اللهم آمييييييين... صح لسانك أستاذي أحمد... ونسأل الله يبارك فيك ويعطيك مثلها وزيادة... |
رد: قصيدتي في مدح الخليفة عبد العزيز محمد الحسن امد الله في عمره
والله ما عاااارف أقول ليك شنو ..! |
| الساعة الآن 10:41 AM |
Powered by vBulletin® Copyright ©2000 - 2025, Jelsoft Enterprises Ltd.
دعم وتطوير نواف كلك غلا