|
الزوج يُريد تغيير المدام!!!!
قالُو وينجينا الله من شر قالُو... واحد زوجتُو مزهِّجَاااااااااهُو وباقَالُو في رقَبْتُو دي... وما في أي طريقة خلاص منها... لأسباب يراها هُو... أها شافْ حكاية (الشعب يُريد تغيير النظام) في مصر جابت حقها... فقال كدي اللَّجَرِّب أنا يبقى تصدُق معايْ... أها جاء من لا برَّة يهتِف... (الزوج يُريد تغيير المدام)!!!http://www.khatmiya.com/vb/images/icons/icon10.gifhttp://www.khatmiya.com/vb/images/icons/icon10.gif نطَّت في حلقُو قالت ليهُو والله دا تغيير دا... كدي أول حاجة وقبل التغيير - بتاع الدُكان رسَّل ليك الورقة دي ديونك أمشي سددها... - والكهرباء قاطعة أغشى جيب ليك رصيد معاك... - ومُر علي الجزار التلاجة ليها إسبوعين معلِّمة الله من إسم اللحم... - والأولاد أمس رجعُوهُن من المدرسة عشان ما دفَعُو المصاريف... - وبتاع البلدية أمس جاء عمل شمطَة هنا عاوز حقُو... - وما تنسى تشوف ليك سُلفة ولة حاجة ما تخجلنا مع أهلنا نسافر نحضر عرس سُهير بت أختي في مدني... و... و... و.... فهتف الرجُل صادقاً هذه المرة (خصَّمتِك بالنبي كفى)... تحيا تحيا حكومة السَعْدْ... |
رد: الزوج يُريد تغيير المدام!!!!
تحيا تحيا حكومة السَعْدْ... ههههههههههه لك التحية حبيبنا جمال |
رد: الزوج يُريد تغيير المدام!!!!
اقتباس:
أمسِك في الشعار دا يا الحبيب ماب تجيك عوجي تَبْ!!!http://www.khatmiya.com/vb/images/icons/icon26.gif |
رد: الزوج يُريد تغيير المدام!!!!
اقتباس:
ههههههه |
رد: الزوج يُريد تغيير المدام!!!!
اقتباس:
|
رد: الزوج يُريد تغيير المدام!!!!
أمسِك في الشعار دا يا الحبيب ماب تجيك عوجي تَبْ!!!http://www.khatmiya.com/vb/images/icons/icon26.gif تحيا تحيا حكومة السَعْدْ... |
رد: الزوج يُريد تغيير المدام!!!!
ابو الحسين دا تطور كبير منك كدا الواحد بدا يشك فى انضمامك لحزب الشريف وكمان بمظاهرة حاشدة فت الشريف لى غادى الشريف داير اضيف واحدة تانية وانت داير تحذف وتضيف
|
رد: الزوج يُريد تغيير المدام!!!!
اقتباس:
___________ طريقَك عِدِل يا خليفة:061: لا هَكْمَة ولا دَكْمَة آب تلاقيكhttp://www.khatmiya.com/vb/images/icons/icon16.gifhttp://www.khatmiya.com/vb/images/icons/icon16.gifhttp://www.khatmiya.com/vb/images/icons/icon16.gif |
رد: الزوج يُريد تغيير المدام!!!!
اقتباس:
يا اخواننا شوفُولِي حلل من الراجل دا... أقول ليك قااالُو (وأردفت سريعاً) وينجِينا الله شر قالُوhttp://www.khatmiya.com/vb/images/icons/flaming.gif... تقول لي حزب الشريف علي؟؟؟!!!http://www.khatmiya.com/vb/images/icons/icon10.gifhttp://www.khatmiya.com/vb/images/icons/icon10.gifhttp://www.khatmiya.com/vb/images/icons/icon10.gif |
رد: الزوج يُريد تغيير المدام!!!!
الخواف ربى عيالو
|
رد: الزوج يُريد تغيير المدام!!!!
اقتباس:
|
رد: الزوج يُريد تغيير المدام!!!!
اقتباس:
المسالة عادية جداً .... ولا إنت مع تحيا حكومة السعد ..... " هنا في الخرطوم كان في كاريكاتير في الصحف ( الشعب يريد تغيير الطعام ) وراسمين قدرة فول كبيرة " ... على وزن الزوج يريد تغير المدام ... |
رد:الزوج يريد تغير المدام
يا جماعه انا من زمان قلت ليكم مديرنا رافع الرايه اتتنين من بناتنا ما رضن كلامى اها تانى شن القول
|
رد: الزوج يُريد تغيير المدام!!!!
اقتباس:
والله يا أبو الحسين...:j105: ده ظلم شديد على المدام.... المدام:j58: المفروض تغير النظام مش الزوج يغير المدام.:j44:. لأنو التغيير دائما يحصل لما يكن فى تقصير.. صاحبنا عايز يغير والديون دى كلها فى ضهروا:tears: تانى ماشى يسوى ليه كُبة سودى ويملاها عيال ويطير تانى يفتش لى التالته والرابعة..... وانت ماشى... لكن بين بينك حكومه قوية :sm1:لأنها صابرة على التقصير:sm1: ما طالبت بالتغير... لكن مسكتُ من ايدوا البتوجعو فعلا ليه حق يسلم.. ويهتف كل ثانية.. تحيا حكومة السعد ونحن نردد معاه تحيا دولة النساء.. تغيير مااااا فى ليكم ... الكلام ده واضح ما دايرلف ودوران ما تقعدوا تشرفوا فى اضنينكم :j21:....واحده الله يقدركم عليها يا معشر الرجال :012:.. |
رد: الزوج يُريد تغيير المدام!!!!
اقتباس:
تسلمي ياسيادة القائد والحاضر يكلم الغائب .. بالمناسبة اين رئيس حزب الدبل و ود الحاج ناس معبر رفا |
رد: الزوج يُريد تغيير المدام!!!!
اقتباس:
الرجال ديل خالينهم على كيفم ينططوا كده ليه ؟؟؟؟.. ولكن يا أمة الختم الكلام مسكو القائد ما فيش حاجه اسمه حزب الدبل... البيقول كانى.. مانى.. حا يتحاكم محاكمة رادعة.. نحن معاشر النساء مستعدين استعداد كامل لمحاربة الضرة والضرر.... صدر تحت توقيعى bet alkhalifa ..... |
رد: الزوج يُريد تغيير المدام!!!!
اقتباس:
بت الخليفة وأمة الختم .... ناس الدبل ديل خليهم ينططوا ساكت ، الكلام للشباب اللسا ما لمو في واحدة ... وزي ما بدافعو وتحاكمو للبقول كاني ماني بالمقابل يكون التحفيز للشباب ديل عشان تكون المعادلة متكافئة ... امة الختم مع الدفاع مع حزب الواحدة ، وبت الخليفة مع الدفاع لحزب الدبل ... ونشوف البيغلب رفيقو منو ... |
رد: الزوج يُريد تغيير المدام!!!!
اقتباس:
ياخى ديل طماعين... انا ما فاضل لي الأ:059: واخليهم كلهم يهتفوأ تعيش حكومة السعد.. وانا مع كل الشباب الفى المنتدى حا اقيف معاهم ولازم ناس حزب الدبل يغيروا افكارهم ويدعمو كم انتو .. طالما عندهم قروش ومحرقاهم وما عارفين يودوها وين... انا بعرف كيف اكمل لهم فهمن يامحمدعبده.. مافيش دبل ياناس الدبل خلو الطمع الكتير....صدر تحت توقيعى..... ورفعت الجلسة |
رد: الزوج يُريد تغيير المدام!!!!
اقتباس:
وكان كتروهو.. طوالي الزوجة تريد تغيير النظام... والميزانية بتاعة البيت.... |
رد: الزوج يُريد تغيير المدام!!!!
اقتباس:
تسلم يا أبو احميد إختصرت علي الطريق للجماعة ديل(http://www.khatmiya.com/vb/images/icons/icon10.gif) |
رد: الزوج يريد تغير المدام
اقتباس:
قصدك بيرق بي كَشْكُوشُو؟؟؟http://www.khatmiya.com/vb/images/icons/icon10.gif |
رد: الزوج يُريد تغيير المدام!!!!
اقتباس:
|
رد: الزوج يُريد تغيير المدام!!!!
والله يا جماعه وبالرغم من اننا الايامات دي غاتسين في ربيع لي اضنينا عسي يزيل البينا
الا انني سمعت باضاني نا بتقول حزب علي الشريف وما ادراك ما علي الشريف وبالرغم من اننا غيرنا الموضع ده من المنتدى وحولناهو ل ... لكن كدي يا ود الحسين قصتك دي ليها دلائل انه مثلا وما تنسى تشوف ...... في مدني... وعليه عرفنا الجاي من مدني في المنتدى والان هو بعيد منها منو وبالاماره جابو ليهو ولد سماهو على جدو (الحسين اذا في واحد بتكلم عن نفسو وسنواصل ان مد الله في العمر ان شاء الله وخليني النرجع لربيع الحبيب وما تشوشو علينا لان اليوم كان اوح الوضوع بضريح سيدي علي عجيييييييييييييييييييييييييب وبحضور صاحب السياده سيدي عثمان وعدد من البدور الميرغنيه ولفيف من الخلفاء والاخوان ولمزيد من التفاصيل ارجو الرجوع لبوست (( المولد النبوي من مسجد سيدي علي )) |
رد: الزوج يُريد تغيير المدام!!!!
سلام سليم للكل
ويا ابو الحسين ما تخلى البنات ديل يجيبوا لينا الهواء بت الخليف وامة الختم ما ناوين يجيبوها على بر دحين عشان ما نبقى في تغيير النظام ويهونا بي نصيبي تاني اعلم الانسحاب من المعركه دي وليبقى شعارنا (الراية البيضاء والوئااام) لانه شايف بت الخليفة بقت تهدد وكل شيء عللي التهديد عشان كدي اخير ندعم راي اخونا محمد عبده ويكون اسحاب من النصايب البي تجي من الدبل دمتم يابنات عز المنتدي والله واحد ومالو تاني |
رد: الزوج يُريد تغيير المدام!!!!
قال تعالى : (وَإِنْ خِفْتُمْ أَلاَّ تُقْسِطُواْ فِي الْيَتَامَى فَانكِحُواْ مَا طَابَ لَكُم مِّنَ النِّسَاء مَثْنَى وَثُلاَثَ وَرُبَاعَ فَإِنْ خِفْتُمْ أَلاَّ تَعْدِلُواْ (فَوَاحِدَةً )أَوْ مَا مَلَكَتْ أَيْمَانُكُمْ ذَلِكَ أَدْنَى أَلاَّ تَعُولُواْ )النساء3 جزاك الله خيراً أبوالحُسين فإنَّ في ديننا الحنيف مساحة للترفيه . وكلنا يعلم قصَّة المرأة العجوز مع سيِّدنا رسول الله صلَّى الله عليه وسلَّم حين قال لها إن الجنَّة لا تدخلها عجوز فصارت تبكي فأعلمها سيِّدنا رسول الله صلَّى الله عليه وسلَّم أنَّها تدخلها في سن الشَّباب ففرحت العجوز . الحديث:- حدثنا عبد بن حميد قال : حدثنا مصعب بن المقدام قال : حدثنا المبارك بن فضالة ، عن الحسن قال : أتت عجوز إلى النَّبي صلَّى الله عليه وسلَّم ، فقالت : يا رسولَ اللهِ ، ادع الله أن يدخلني الجنَّة ، فقال : « يا أم فلان ، إنَّ الجنَّة لا تدخلها عجوز » قال : فولت تبكي فقال : « أخبروها أنَّها لا تدخلها وهي عجوز » إنَّ الله تعالى يقول : ( إِنَّا أَنشَأْنَاهُنَّ إِنشَاء35 فَجَعَلْنَاهُنَّ أَبْكَاراً 36عُرُباً أَتْرَاباً36 )سورة الواقعة . |
رد: الزوج يُريد تغيير المدام!!!!
و الله يا جمال ضحكتونا و انستونا..كلام عجيب:j53:
|
رد: الزوج يُريد تغيير المدام!!!!
الله يديك العافية اخونا ابو الحسين دا الحاصل في السودان الله يعين
|
رد: الزوج يُريد تغيير المدام!!!!
اقتباس:
|
رد: الزوج يُريد تغيير المدام!!!!
اقتباس:
|
| الساعة الآن 10:25 AM |
Powered by vBulletin® Copyright ©2000 - 2025, Jelsoft Enterprises Ltd.
دعم وتطوير نواف كلك غلا