|
رد: حمونا الشب
لا تآخذني يا شيخي ويا مولايا حتي ضريحك المعلوم كان دايرين عشان ( موقف ) يحيلوهو ( لصالح عام ). ........... لا تآخذني يا شيخي جيت دُغشيه للميدان مبلل بي مطر أحزان جيت مغبون وجع معجون رماد مصرور في ورقة لف لقيت ( الثورة ) فوق الرف لا واقفين جموع بالصف ولا تاوق عليها زبون . ........... وجات ( زاجل ) توشوش في أضان الحيرة والأسفلت ءاترامت خبر من فوق علي الميدان ووسط السوق ما ركّت علي ساحل . وكان مرسال بصوت ماهل - بقول ليكم من الأُمة رسالة وصية في الذمة ......... |
رد: حمونا الشب
أنا الشعب ...........ما داير أكون عكاز في ءايد ديكا أو ءايد ديل ولا ( كورة ) و ( ماسورة ) ولا ثورات أموت فيها وتبور في الرف ولا عايز ( شهادة قيد ) في هم الناس كضب بالشف ولا ورقاً في ءايد أحزاب يكون للضغط ولا ( منسي ) وكت ( مذكور ) ولا ( مرفوع ) وكت ( مجرور) ولا لعبة وتِفِل بالضبط ............ - بقول ليكم من الأُمة رسالة وصية في الذمة ............ - أنا الشعب .......... اتعلمت من تاريخي والتنكيل أكون داير أصير واقع ما تمثيل اكون ريس ووالي عديل وسِيِد نفسي وأمير النيل . |
رد: حمونا الشب
ما داير أكون مرجيحة بين الوالي والحاشية وبين السادة والخُلفاء وتيم الأُمرا والمافيا . ما عايز أكون ملخوم ولا ( مرسوم ) ولا ( تعديل ) وما داير أقول يائس - ماااافي بدييييل ........... من جوايا طالع جيل من زيت غبنو بتوهج سراج قنديل . ديل السادة يوم بكره ونور الفكرة والقادة بره الدايره والعادة عِرْفو القصة والحصة وكسْر اللفة والرصة جيل سالم وطن نادي يصحصح أُمة محتاجه ويعيد الروح لقلب النيل . ........... |
رد: حمونا الشب
ياسيدي ويامولايا أبو جنزير وانت العابد الزاهد وانت خبير لا تعاتبني ءان بَرَزَت ضلوع العير وصام يوم داكا ناي ونفير ولا فهْمت - علي الميدان - عيون الوالي والخُلفا شنو الحاصل شنو التغيير ولا انبهلت عقول الحُكما بالأمثال وبالتفسير ........... لا تآخذني يا شيخي ناس ما شايفه غير روحها ولا معترفه بي تقصير ولا فاهمة هي ( لو دامت لما آلت ) ومهما تعيش كان عُمراً وكان نعمه وكان كرسي وكان والي وكان توزير كلو يزول مصيرو أُفول ومهما يطول برضو قصير ............ . |
رد: حمونا الشب
لا تآخذني يا سيدي ويا مولايا أبو جنزير أنا الشعب ( ترا الوطن الشرب روحي ضِهب في لفة التاريخ كبر ضيقي صبح باقي المسافة مسيخ ) . .......... ءالا الثورة طالعة عديل من بين عيون الجيل بدون والي بدون سادة وماضي قيادة دون ( مرسوم ) ولا ( تعديل ) ............. ............. جيل يحصد ثمار صبرو ويشق دربو بي ءابداعو من نَفْسو ويدق صدرو ويقول للنيل - انحنا بديل ............ يا شيخي يا مولايا وانت الزاهد الداري بشوف برقاً شلع ( صاري ) بطول ( المولد الجاري ) اتحرر من الاعلان من الاذعان من التجريح من الادمان من التأليه من التمثيل من التبجيل صّحا الجذوة والامكان وثار لكرامة الانسان ............. مرق من عصرة التاريخ علي فجراً وسيع وفسيح . .............. .............. |
رد: حمونا الشب
ماني شايف في الدارة يا مولايا أبوجنزير عكازاً أمد ءايدي أقبُض فيهو بي عزمي أبشّر بيهو فوق ريسين بنات أهلي ........... ولا حاري الوهم مطراً ينز من كوم سحاب مسموم يبل حلقي . 20/3/2011 |
رد: حمونا الشب
عمل رائع ..... قال احدهم:
حليلك بتسرق سفجة وملاية فى غيرك بيسرق خروف السماية فى واحد بيسرق (تصدق) ولاية |
رد: حمونا الشب
احييك يا اخي
|
رد: حمونا الشب
الله يكرمك يا مولانا على القصيده الجميله ده
|
رد: حمونا الشب
اخوانى ابو شوك والأموى وعلى الخليفة شكرا للمرور |
رد: حمونا الشب
يا اخوانا الجوة الموية كيف؟؟ لسه ما ادوكم شب |
رد: حمونا الشب
|
رد: حمونا الشب
http://im8.gulfup.com/2011-07-21/1311269804691.jpg
دي حال الموية في الخرطوم .... والله يكون في العون ... |
رد: حمونا الشب
اقتباس:
وكان الموية صبحت طين يقولولك ده من امريكا والعملا حمونا الشب ولاد الكلب. |
رد: حمونا الشب
اقتباس:
نسأل الله السلامة... وحسبنا الله ونعم الوكيل... والله حرام عليهم الناس ديل؟؟؟؟ يا ربي هسع المسئولين مويتهم زي دي؟؟؟ |
رد: حمونا الشب
|
رد: حمونا الشب
اقتباس:
الله يكون في العون ..... |
رد: حمونا الشب
اقتباس:
محمد عبده السلام عليكم . غايتو مويتكم ما شاء الله روى وشبع (( نشبع مما نشرب)) |
| الساعة الآن 02:08 PM |
Powered by vBulletin® Copyright ©2000 - 2025, Jelsoft Enterprises Ltd.
دعم وتطوير نواف كلك غلا