القبول يا رب - شباب الطريقة الختمية بدائرة ود ابراهيم بأم بدة

مجموعة مدائح ختمية.. شباب الطريقة الختمية بمسجد السيد علي الميرغني ببحري


غير مسجل أهلاً ومرحباً بكم

العودة   منتديات الختمية > الأقسام المتخصصة > المنتدى الثقافي - الرياضي

المنتدى الثقافي - الرياضي المواضيع الثقافية والرياضية

خبر مبارأة الهلال والمريخ شنو؟؟؟ سؤال برئ!!!

المنتدى الثقافي - الرياضي

إضافة رد
 
أدوات الموضوع إبحث في الموضوع انواع عرض الموضوع
قديم 10-21-2012, 09:36 AM   #1
أبو الحُسين
شباب الميرغني
الصورة الرمزية أبو الحُسين



أبو الحُسين is on a distinguished road

إرسال رسالة عبر Skype إلى أبو الحُسين
Talking خبر مبارأة الهلال والمريخ شنو؟؟؟ سؤال برئ!!!


أنا : أبو الحُسين




سؤال برئ جداً موجه للزعيم محمد عبدهنقرتين لعرض الصورة في صفحة مستقلةنقرتين لعرض الصورة في صفحة مستقلة

أبو الحُسين غير متواجد حالياً  
عزيزنا الزائر لن تتمكن من مشاهدة التوقيع إلاَّ بتسجيل دخولك
قم بتسجيل الدخول أو قم بالتسجيل من هنا
رد مع اقتباس
قديم 10-21-2012, 04:14 PM   #2
محمد عبده
مُراسل منتديات الختمية
الصورة الرمزية محمد عبده



محمد عبده is on a distinguished road

إرسال رسالة عبر Skype إلى محمد عبده
افتراضي رد: خبر مبارأة الهلال والمريخ شنو؟؟؟ سؤال برئ!!!


أنا : محمد عبده




يا أبو الحسين بطل الحركات دي ... يعني ما تابعت الكورة ...

الهلال يلعب والمريخ يكسب ... 2/3

كانت مباراة رائعة ومفتوحة بين الجانبين أجتهد فيها الفريقان لاحراز نتيجة تؤهله للصدارة ، لأول مرة وفي الآونة الأخيرة تخرج قمة أمدرمان بهذا التنظيم ...

مبروووك للمريخ وهاردلك للهلال ... والجايات يا أبوالحسين أكتر ....

مستواكم بتاع أمبارح دا ما بيأهلكم للكأس ...

ونحن راجنكم باللفة ....

محمد عبده غير متواجد حالياً  
عزيزنا الزائر لن تتمكن من مشاهدة التوقيع إلاَّ بتسجيل دخولك
قم بتسجيل الدخول أو قم بالتسجيل من هنا
رد مع اقتباس
قديم 10-21-2012, 04:26 PM   #3
محمد عبده
مُراسل منتديات الختمية
الصورة الرمزية محمد عبده



محمد عبده is on a distinguished road

إرسال رسالة عبر Skype إلى محمد عبده
افتراضي رد: خبر مبارأة الهلال والمريخ شنو؟؟؟ سؤال برئ!!!


أنا : محمد عبده





محمد عبده غير متواجد حالياً   رد مع اقتباس
قديم 10-21-2012, 05:42 PM   #4
حسن الخليفه احمد

الصورة الرمزية حسن الخليفه احمد



حسن الخليفه احمد is on a distinguished road

إرسال رسالة عبر Skype إلى حسن الخليفه احمد
افتراضي رد: خبر مبارأة الهلال والمريخ شنو؟؟؟ سؤال برئ!!!


أنا : حسن الخليفه احمد




شكرا لكما بس انت يا استاذ ابو الحسن شكلك كدا زعلاااااان جدا من نصر المريخ

حسن الخليفه احمد غير متواجد حالياً  
عزيزنا الزائر لن تتمكن من مشاهدة التوقيع إلاَّ بتسجيل دخولك
قم بتسجيل الدخول أو قم بالتسجيل من هنا
رد مع اقتباس
قديم 10-22-2012, 11:09 AM   #5
أبو الحُسين
شباب الميرغني
الصورة الرمزية أبو الحُسين



أبو الحُسين is on a distinguished road

إرسال رسالة عبر Skype إلى أبو الحُسين
Talking رد: خبر مبارأة الهلال والمريخ شنو؟؟؟ سؤال برئ!!!


أنا : أبو الحُسين




اقتباس : المشاركة الأصلية كتبت بواسطة حسن الخليفه احمد [ مشاهدة المشاركة ]
شكرا لكما بس انت يا استاذ ابو الحسن شكلك كدا زعلاااااان جدا من نصر المريخ

قصدك المريخ + الحكم؟؟؟نقرتين لعرض الصورة في صفحة مستقلةنقرتين لعرض الصورة في صفحة مستقلةنقرتين لعرض الصورة في صفحة مستقلة

أبو الحُسين غير متواجد حالياً   رد مع اقتباس
قديم 10-22-2012, 12:27 PM   #6
محمد عبده
مُراسل منتديات الختمية
الصورة الرمزية محمد عبده



محمد عبده is on a distinguished road

إرسال رسالة عبر Skype إلى محمد عبده
افتراضي رد: خبر مبارأة الهلال والمريخ شنو؟؟؟ سؤال برئ!!!


أنا : محمد عبده




اقتباس : المشاركة الأصلية كتبت بواسطة أبو الحُسين [ مشاهدة المشاركة ]
قصدك المريخ + الحكم؟؟؟نقرتين لعرض الصورة في صفحة مستقلةنقرتين لعرض الصورة في صفحة مستقلةنقرتين لعرض الصورة في صفحة مستقلة

دي ما فيها أي كلام يا أبو الحسين الحكم تحامل على الهلال في ضربة الجزاء المشكوك في صحتها ...

لكن هدف مهند الطاهر التاني في الحضرى أمانة ما حاجة عجيبة ...

محمد عبده غير متواجد حالياً   رد مع اقتباس
قديم 10-22-2012, 12:50 PM   #7
حسن الخليفه احمد

الصورة الرمزية حسن الخليفه احمد



حسن الخليفه احمد is on a distinguished road

إرسال رسالة عبر Skype إلى حسن الخليفه احمد
افتراضي رد: خبر مبارأة الهلال والمريخ شنو؟؟؟ سؤال برئ!!!


أنا : حسن الخليفه احمد




مبارة سليمة جدا جدا بشهادة المراقبين مافيها تحزب لاحد نزيهة جدا بس شكلك زعلان من الغلب استاذ ابو الحسين

حسن الخليفه احمد غير متواجد حالياً   رد مع اقتباس
قديم 10-25-2012, 01:12 PM   #8
علي الشريف احمد
المُشرف العام
الصورة الرمزية علي الشريف احمد



علي الشريف احمد is on a distinguished road

Angry رد: خبر مبارأة الهلال والمريخ شنو؟؟؟ سؤال برئ!!!


أنا : علي الشريف احمد




المريخ السوداني


خواطر مريخيه/ عبد السلام حميدة
الثلاثه حاااااااااره ناااااار!!

حذرناكم ... استفزاز المريخ له ثمن.

حذرنا كثيرا من عواقب استفزاز الزعيم ولم يستبينوا النصح.

المريخ نادي كبير لا تهزه العوارض ولا تذله الازمات.

هذه هي شيمه الانديه الكبيره.

المريخ كبير مهما يصير.

الثلاثه حااااره نار.

واجمل ما فيها انها قضت على البوبار.

إتبوبري!

قالوا المباراه مضمونه.

وزعموا ان هزيمه المريخ اسهل من شربه ماء فسقاهم مر الحنظل بثلاثة رصاصات!

رصاصة ضُفريه .. ورصاصتان سكواهيه.. أدونا أحلي عيديه!

شكراً مريخنا الحبيب وأنت تمنحنا السعادة مع أيام العيد وبدل ما نفرح مره ..فرحتنا مرتين.

مباراة المريخ والبحارة!!
حقق المريخ مراده أمام البحارة، وفاز بثلاثة أهداف نظيفه، لكن أداءه شهد تبايناً مزعجاً في الحصة الثانية.

ظهر مريخ الحصة الأولى مارداً، وسيطر على الملعب طولاً وعرضاً وقدم السهل الممتنع، أجاد وأدى بسرعة ومهارة وانتشار وضغط على الخصم وهجوم مطر في الحصة الأولى.

وأجبر خصمه المجتهد على التراجع لحماية مرماه من الصواريخ المنهالة عليه من كل حدبٍ وصوب.

ثم تحول إلى البطء والتراخي والاستهتار وإهمال التغطية والتمرير للخصم في الحصة الثانية.

متى يؤدي لاعبو المريخ الشوطين بمستوىً واحد؟

ومتى يتخلصون من ظاهرة تراجع الأداء وبطء نقل الكرة في الشوط الثاني؟

أضاع المريخ أهداف مطر.

وتعظيم سلام لجمهور المريخ الذي تدافع بكثافة وشجع بحرارة.

حضر زلزال الملاعب وأدى دوره بالزيادة.

امتلأت المدرجات وعلا هدير الصفوة التي استحقت نجومية اللقاء بلا منازع.

إلي متى يظل مجلس المريخ يترك فريقه مكشوف الظهر في مواجهة حكام الترصد.

ظهر رمضان عجب بمستوى متواضع وكان عالة على الفريق.

ولعب سكواها بسلبية في مدارالشوطين ومارس الأنانية وهو يصر على التسديد العشوائي بينما كان زميله كليتشي في وضعٍ أفضل.

والحديث نفسه ينطبق على رمضان عجب.

البحارة غرقوا في الرد كاسل.

اللقاء المقبل مع هلال الجبال.. وبعون الله سننتصر بثلاثة أهداف!

نال هلال الساهل ثلاثة، وهلال الساحل ثلاثة، وهلال الجبال بإذن الله ثلاثة!

ثلاثيات وضرب اللون ثابت عند الزعيم.

شيل شيلتك يا هلال الجبال الثلاثة محمداك!

مع خالص حبي (أبو صفوة)!!




نقرتين لعرض الصورة في صفحة مستقلة

علي الشريف احمد غير متواجد حالياً  
عزيزنا الزائر لن تتمكن من مشاهدة التوقيع إلاَّ بتسجيل دخولك
قم بتسجيل الدخول أو قم بالتسجيل من هنا
رد مع اقتباس
قديم 10-25-2012, 01:16 PM   #9
علي الشريف احمد
المُشرف العام
الصورة الرمزية علي الشريف احمد



علي الشريف احمد is on a distinguished road

Lol رد: خبر مبارأة الهلال والمريخ شنو؟؟؟ سؤال برئ!!!


أنا : علي الشريف احمد




:: في السلك .. بابكر سلك .. ما بلبلتو بلبل حالو ::

·الدعايه والاعلان بدات تأخذ نصيبها في بلدنا كواحد من اهم عناصر التسويق
·وتطور فن الدعايه عندنا
·سوداني الرائعه لديها دعايه عن الانتر نت الذي يدهش العالم
·من بلاد كتيره
·كلها جميله
·لكن اعجبتني بتاعت سوريا
·الزول خاتي الخضار في الدرداقه
·طماطم وخيار
·زي بتاعت الولد التونسي
·الولد التونسي البو عزيزي
·المهم
·معروف عن الخضار الطازج انو بكون مندي جدا
·وبتكون عليهو حبيبات ماء
·ندي يعني
·خضار مندي
·دليل علي انو جديد وطازج
·بتاع الدرداقه السوري الفي الدعايه كان برش في الخضار بالمويه بايدو
·واثناء ذلك بقول
·يا بنضوره يا اووطه
·ما بلبلتو بلبل حالو
·وهو يبلبل فيهو لسه
·الزول ده هلالابي خلي بالك
·يغالطك في اسمك
·يغالطك في عينك
·الحيمودي واقع في واطات الله دي
·قالوا ما وقعتو وقع لحالو
·ما بلبلتو بلبل حالو
·طردة الثعلب اتحولت لي كندوره
·اتنين بقت اطناشر
·بدلوا المطرود من الثعلب لي كندوره
·وقالوا
·مابدلتو بدل حالو
·قالوا ما كندرتو ثعلب حالو
·ساكواها ده
·حاور بويا
·شنكلوهوا
·رموهوا في واطات الله دي
·الحكم عداها بلنت
·احتجوا
·قالوا ماشنكلتو شنكل حالو
·يغالطوك في اسمك
·قالوا لاراش زمان غلبهم امام الاهلي القاهري
·وقالوا في زول قال لي لا راش ليه غلبت الهلال ؟؟؟
·لاراش قال ليهو الجاب القون في شبكة الهلال منو ؟
·الزول قال لي لاراش جابو الثعلب
·لاراش قال للزول والثعلب ده ثيردباك منو ؟؟؟
·الزول قال لي لاراش الثعلب ده ثيردباك الهلال
·لاراش قال للزول
·يبقي ما غلبتو غلب حالو
·والكلام ده حا ينطبق قريب ده
·لما السيد بويا المقاتل يخلي البلنتيات المره دي
·ويجيب في الهلال قون عديل كده
·والهلال يطير
·ناس جوليبا يقولوا
·ماطيرتو طير حالو
·ده كلو خليهو
·البرنس ده تسعه شهور كنبوهو
·وقالوا
·ماكنبتو كنب حالو
·المهم
·امس شوهد زمبابوي في الكاملين
·بلنتيين في كوره واحده فيها (ان) حسب فهم ناس روشا
·يبقي (الان ) في الكاملين سبببها شنو !!!!
·روشا
·حسب فهمكم
·لو قابلكم جلكسي في شندي
·انا عارف سيدو
·ايها الناس
·العاجبني في الاهله انهم سواسيه
·كلهكم زي بعض
·كلهم ما بلبلتو
·وبلبلتو جايه من بلابل
·وبلابل تلاته
·هلال بورتسودان اخد تلاته
·زيو وزي هلال بلبل حالو
·وهلال كادوقلي في كوستي برضو
·ما بلبلتو حا يبلبل حالو
·المهم
·ايها الناس
·اليومين دي الخرفان كلهم بكوركوا باع باع
·والجرس بتعلق في الخروف الكبير
·عشان يدق جرس شديد
·قال جمال الوالي اتصور مع الحكم
·هو جمال ده صورتو هامله كده
·الامريكان قرروا يشيلوا صورة جورج واشنطن من الدولار
·يختوا محلها صورة جمال في الدولار
·ووافقوا علي الفكره
·بس في اختلاف بسيط
·مجلس الشيوخ قالوا يختوا صورة جمال بالعمه
·وناس الكونجرس قالوا صورة جمال تتخته في الدولار بالبدله
·تقول لي اتصور مع الحكم
·ايها الناس
·بيت ويني مانديلا تمه
·فرشناهوا من بره
·مافي شئ ناقص
·المطبخ مستورد ايطالي
·الجلوس من انجلترا
·غرفة النوم من خشب الصندل
·الصندل المختوم
·يعني كان حرقت لا قدر الله تتكيف
·مافي شئ ناقص
·حتي اللاب توب ده جبناهو
·الموبايل جبنا ليها جلكسي
·وفي الجلكسي
·جلكسي (ثري )
·باقي (ثري) دي عاجبانا شديد
·ثري زي الاخدها بلبلتو بورتسودان امس
·وزي الاخدها ما بلبلتو بلبل حالو بتاع السبت الفات
·بل
·شديد
·بلبلناهم كلهم
·فضل لينا الهلال الاحمر بس
·نبلبلو
·ونقول ما بلبلتو بلبل حالو
·جلكسي ده لو وقع في المويه ما بشرب
·يعني لو وقع منك في المويه ماتخاف تقول باظ
·وتقوم تنكر
·تقول ما وقع مني في المويه
·تقول ما بلبلتو بلبل حالو
·قول بلبلتو وبرضو شغال تش
·تجي خاشي البرنده عشان تعرف الحاصل
·قبال تسألو
·يقول ليك ده ما انا
·النوع ده بطلع هلالابي
·لما يكبر بقول ما بلبلتو بلبل حالو
·المهم
·مابلبلتو بتاعت النكران دي بتذكرني الشافع البنكر
·يكون في البرنده مثلا
·هاباش جدا
·يمسك الكبايه
·تقع منو تنكسر
·اها
·نجي لي شمارات الوالي
·كان شفت يا والينا
·قالوا في خروف صيني بي كرشتين
·يعني يطلع ام فتفتين وكمونيتين
·حقوا يا والينا
·الصيني ده تودوهوا دار فور
·عشان ناس اليوناميد قالوا عاملين ازمه في الكمونيه هناك
·وتجيبوا لينا من هناك السوداني ده
·ابو كرشه واحده
·والينا
·الخوف مامن الخروف
·ولا من سعر الخروف
·الخوف من الضباح
·السنه الفاتت الضباحين قالوا الضبحه بميه
·خالي قال ليهو السنه الفاتت قال للضباح ميه ليه ؟؟جراح انت ؟؟؟
·المهم الضباح يقول ليك بي ميه
·تقول ليهو ليه
·يقول ليك نحنا بنوضبو كويس
·مازي البكلفتو ديل
·وبعد ده يديك الصوف في اللحمه
·تلقي اللحمه زي جضم الزول النظرو ضعيف وحلق دقنو بدون مرايا
·حته لحمه وحته صوفه
·الخوف السنه دي يا والينا
·الضبحاين عايزين ميتين يقولوا لينا
·عشان كده سعروهم لينا
·الدارسين جراحه بي كده
·والدارسين فلسفه بي كده
·ولا خلونا نخنق الخروف برانا
·وكان فطس يا والينا
·بنقول ما خنقتو ,,,,خنق حالو
سلك كهربا
ننساك كيف وحق الضباح بدخل الخروف مستوصف خاص برعاية جراح كبير
والي لقاء

علي الشريف احمد غير متواجد حالياً   رد مع اقتباس
قديم 10-25-2012, 01:21 PM   #10
علي الشريف احمد
المُشرف العام
الصورة الرمزية علي الشريف احمد



علي الشريف احمد is on a distinguished road

03 رد: خبر مبارأة الهلال والمريخ شنو؟؟؟ سؤال برئ!!!


أنا : علي الشريف احمد




كبد الحقيقه|مزمل أبوالقاسم
ليه يا ضفر قون في الصميم بالعاجل؟
======================
ليوبار الكنغولي خصم شرس.. ونحيب الإعلام الأزرق يرفع معدل فرح الصفوة

الهلال حصل على 12 ركلة جزاء في بطولتي الكاف خلال أربع سنوات.. ومارنجي احتسب أشهر الركلات

--------------------------------------
* يعتبر فريق ليوبار الكنغولي (المتأهل لملاقاة المريخ في نصف النهائي) خصم لا يستهان به، بدليل أنه أطاح فرقاً كبيرة وخبيرة ببطولات الكاف، حيث تفوق على الصفاقسي التونسي وهارتلاند النيجيري والمغرب الفاسي في طريقه إلى دور المجموعات.

* بخلاف الأندية الثلاثة المتأهلة إلى نصف النهائي فقد شارك ليوبار في (الكونفدرالية) من بدايتها، وتفوق في الدور التمهيدي على نادي موكاف بطل إفريقيا الوسطى بالفوز في الكنغو بهدفين نظيفين، والتعادل بهدفين لكل طرف في لقاء

الإياب ببانغي.

* في الدور الأول أطاح فهود الكنغو خصماً قوياً وخبيراً ببطولات الكاف، وهو الصفاقسي التونسي.

* في اللقاء الأول والذي جرى بالكنغو فاجأ الصفاقسي خصمه بتسجيل هدفين سريعين في ربع الساعة الأولى، ونجح ليوبار في تقليص النتيجة، لكنه خرج خاسراً بهدف لاثنين، وظن الجميع أنه ودع البطولة، لكنه فاجأ الصفاقسي وهزمه بهدفين نظيفين على أرضه وبين جماهيره وتأهل إلى الدور الثاني.

* في دور الستة عشر الأول نجح ليوبار في التفوق على هارتلاند النيجيري القوي بالخسارة بهدفين لثلاثة في نيجيريا، والفوز بهدفين لواحد في الكنغو.

* في دور الستة عشر مكرر واجه ليوبار فريق المغرب الفاسي، وخسر اللقاء الأول بهدف نظيف، وشهد لقاء الإياب مهزلة كان بطلها الحكم الأنغولي روموندو روزيريو الذي طرد أربعة لاعبين من الفريق الضيف ومد المباراة حتى الدقيقة 110 ليمكن ليوبار من تحقيق الفوز بركلة جزاء مشكوك في صحتها رفعت النتيجة إلى هدفين نظيفين.

* بعد نهاية المباراة تحدث أنصار المغرب الفاسي عن تعرضهم لظلم تحكيمي فادح واعتداءات جماهيرية شملت اللاعبين والصحافيين.

* في دور المجموعات ابتدر ليوبار مشواره بثلاثة تعادلات، حيث تعادل مع الوداد في الكنغو بهدف لكل، ومع دجوليبا في مالي، ومع الملعب المالي بالنتيجة نفسها، قبل أن يقهر الملعب في الكنغو بهدف نظيف، وتلقى ليوبار خسارة كبيرة أمام الوداد بهدف لثلاثة في المغرب قبل أن يعلن تأهله إلى نصف النهائي بالفوز على بطل المجموعة بثلاثة أهداف نظيفة.

* الرصد المذكور يؤكد قوة فريق ليوبار الذي يمتلك طموحات كبيرة على الرغم من حداثة عهده بالبطولات الإفريقية وعدم بروزه فيها سابقاً، حيث ابتدر مشواره في كونفدرالية عام 2010 بالخروج من الدور الأول أمام القطن الكاميروني، ولعب مرة ثانية في البطولة نفسها العام الماضي وخرج للمرة الثانية من الدور الأول أمام إنتركلوب الأنغولي.

* على المريخ أن يحذر مغامرات خصمه، وعليه أن يحتاط لسوء الأرضية، وللأساليب الملتوية التي يستخدمها ليوبار في مبارياته الإفريقية.

نمات فرح
======
* يحاول إعلام الهلال إفساد فرحة الصفوة بثلاثية ضفر وسكواها التاريخية، ولكن هيهات.

* نواصل اليوم نشر نمات الفرح الحمراء ونبدأ بشاعر المريخ المجيد فاروق أبو حوة والذي جادت قريحته بأجمل الأبيات: (قهر الزعيم في القلعة بدري وصيفو.. تلاته اقوان حلال زادولو تاني نزيفو.. سكواها البطل بالملي كان تهديفو.. نطحة ضفر لي راسنا عدلت كيفو)!

* (أخدوها الصحاب أخوات تلاتة بلابل.. ليه يا ضفر قون في الصميم بالعاجل.. أحلي شية مظبوطة خل وتوابل.. لو ما ربك لطف كان الغلب بجلاجل)!

* إندّك الوصيف بالدانة والبازوكا.. صوقر يا كلس اعرض علي الدلوكا.. بي عرقك صدارة حاشا ما لزوكا.. ما فاتوك رجال زي الوصيف خلوكا)!

* (التحكيم نضبف سيبو الجرس و الدوشة.. نحن ما الناس البتكري الذمم بي قروشا.. نحن القبانيت جوة العيون مدروشة.. شن جاب لي جاب تفرق كبير يا روشا)!

* (العيد دخل و نحن بالوصيف ضحينا.. غير صمة خشم جوه الشبك قحينا.. غافلكم غصب من نومو كم صحينا

في كرسي الصدارة اتوهطنا ما زحينا)!

* (قدام الزعيم كان الوصيف باباح.. ضفر الغتيت سر النطح ما باح.. كم دقيقة وكان الوصيف قد راح.. إيداهور رحل وخلّف ضُفر ضباح)!

12 ركلة جزاء في أربع سنوات
=================

* وصلتني الرسالة التالية من الأخ الصديق خالد شيبا مشرف منتدى محبي المريخ، وجاء فيها ما يلي: الأخ الأستاذ مزمل تحية طيبة وبعد، في ما يلي رصد وافٍ لركلات الجزاء التي نالها فريق الهلال في بطولتي الكاف خلال الفترة من العام 2008 وحتى 2012، وسندع الأرقام تتحدث لتوضح حال من زعموا أن الحكام ساندوا المريخ لتحقيق الفوز عليهم.

* 1/ فى العام 2008 وفى بطولة ابطال افريقيا وفى دور ال 16 وأمام صن دوانز الجنوب افريقي منح الحكم الهلال ركلة جزاء مشكوك في صحتها لمصلحة النيجيري ايفياني، حقق بها الهلال التعادل بعد ان كان متأخراً بهدف لاثنين، ومن ثم فاز الهلال بأربعة أهداف لاثنين.

* 2/ فى نفس العام وفى المجموعات وأمام انييمبا النيجيري منح الحكم المصري أحمد عودة الهلال ركلة جزاء مثيل غير متقن لاحمد عادل الذي أسقط نفسه داخل منطقة الجزاء، وحقق الهلال التعادل بالركلة بعد ان كان خاسراً فى المباراة التي شهدت تالق وارغو، وفيها حقق الهلال الفوز بثلاثة أهداف لهدفين.

* العام 2009 كان موسم ركلات الجزاء التى احتسبت للهلال حيث بلغت أربعاً بمعدل ركلة جزاء فى كل مرحلة. * في العام 2009 وفى دور ال32 وأمام فريق تامبونايز بطل ريونيون احتسب الحكم الكيني ألفريد ندينيا ركلة جزاء للهلال من كرة لامست يد المدافع وهو ملقى على الارض فى حالة شبيهة إلى حد ما بالركلة التى احتسبها الحكم الزامبي للمريخ وفاز الهلال 3-1 !

4 * / في العام نفسه وبالتحديد دور ال16 وفي مواجهة فريق أول أغسطس الانغولي منح الحكم الزيمبابوي مارنجي كنياس الهلال ركلة جزاء غير صحيحة، وأهدرها مهند الطاهر فأعادها الحكم مرة اخرى ليفوز الهلال بهدفين نظيفين ويتاهل للمجموعات (المباراة استضافها استاد المريخ وشهد دمارا كبيرا لطابق شاخور على الرغم من أن المريخ لم يكن طرفا فيها وفتح ملعبه للهلال بكل أريحية).

* 5/ فى العام نفسه وفى دور المجموعات عاد الحكم الزيمبابوي مارنجي للظهور مجدداً فى مباريات الهلال (بعد 3 اشهر من مباراة أول اغسطس) ليدير مباراة أمام كانو بيلارز النيجيري وفيها احتسب الحكم ركلة جزاء للهلال من كرة اصطدمت بظهر المدافع النيجيري، وساعدت ركلة الجزاء الهلال في الفوز بهدفين نظيفين.

6/ فى عام ضربات الجزاء 2009 تواصل المد، وفى دور ال 4 وخلال مباراة الهلال ومازيمبي الشهيرة والتى شهدت حدثا غير مسبوق في ملاعبنا باختيار الكاف لطاقم تحكيم هجين (متعدد الجنسيات) احتسب الحكم المالي كوليبالي ركلة جزاء للهلال من كرة اصطدمت بيد المدافع من كرة ملعوبة من مسافة قريبة جدا (اقل من نصف متر) تقدم بها الهلال بهدفين لواحد قبل أن يهزمه مازيمبي بخماسية.

* 7/ في العام 2010 وفى دور ال 16 مكرر لبطولة الكونفدرالية وأمام كابس الزيمبابوي احتسب الحكم الجزائري جمال الحيمودي الهلال ركلة جزاء للهلال وفاز الأزرق بخماسية نظيفة.

* 8/ فى العام نفسه وبالتحديد فى دور مجموعات الكونفدرالية وأمام الاتحاد بليبيا منح الحكم البنيني كريسبين الهلال ركلة جزاء من تمثيلية غير متقنة لسادومبا أحرز منها هيثم مصطفى الهدف الاول قبل أن يسجل بشة الهدف الثاني ويفوز الهلال بهدفين لواحد.

* 9/ فى العام 2011 وفى دور المجموعات احتسب الحكم المالي عثمان كاريمبي ركلة جزاء للهلال أمام الرجاء المغربي من كرة اصطدمت بيد المدافع وهو ملقى على الأرض فى حالة شبيهة بركلة الجزاء الثانية التي احتسبت للمريخ في اللقاء الأخير، وبالركلة المذكورة حقق الهلال على الرجاء بهدف وحيد.

*10/ فى العام نفسه وخلال دور المجموعات وأمام القطن الكاميروني احتسب الحكم الجزائري محمد بنوزة ركلة جزاء للهلال وطرد لاعبين من الفريق الكاميروني، وحققت الركلة للهلال التعادل بعد أن كان متأخراً قبلها بهدف وفي النهاية حقق الهلال الفوز بهدفين لواحد.

* 11/ فى العام الحالي وفى دور ال16 وأمام بطل افريقيا الوسطى احتسب الحكم المغربي بوشعيب الاحرش ركلة جزاء للهلال وفاز بخمسة أهداف لواحد.

12/ في العام نفسه (2012) وفي دور المجموعات أمام الأهلي شندي احتسب حكم موريشوص شيشورن راجيندرا بارساد ركلة جزاء للهلال أضاعها مهند الطاهر!

* تؤكد الإحصائية أن الهلال نال 12 ركلة جزاء في بطولتي الكاف خلال أربع سنوات، معظمها وهمي ومن وحي خيال الحكام، ونعتقد أنه معدل غير مسبوق لركلات الجزاء في بطولات الكاف منذ إنشائها، ومع ذلك يجد بعض كتاب الأهلة في أنفسهم ما يكفي من جرأة للحديث عن ظلم التحكيم، وعن ركلات الجزاء غير الصحيحة بعد أن نهلوا منها حد الارتواء، وحققوا بها العديد من انتصاراتهم في بطولات الكاف.

* عش رجباً ترى عجباً!

نعم المستندات
=========
* انتظرنا ممن اتهموا المريخ برشوة الحكام أن يقدموا دليلاً واحداً يثبتون به صحة مزاعمهم، ويبدو أننا سننتظر طويلاً!

* أمس نشرت إحدى الصحف الزرقاء صورة من خطاب يحوي طلباً قدمته شركة أفراس (المملوكة لرئيس المريخ) لفتح صالة كبار الزوار بمطار الخرطوم لطاقم التحكيم الزامبي، واعتبرت ذلك دليلاً على الرشوة!

* لعلمهم، درج الاتحاد السوداني لكرة القدم وناديا المريخ والهلال على استقبال معظم حكام ومراقبي المباريات الإفريقية عبر صالة كبار الزوار، وليعلموا أن فتح الصالة المذكورة يتم حتى للأشخاص العاديين مقابل رسوم زهيدة لا تتعدى الأربعمائة جنيه سوداني لا غير!

* يستقبل الهلال نفسه معظم حكام مبارياته الإفريقية عبر الصالة المذكورة.

* كما أنه سبق وأن لجأ إلى شركة أفراس ليفتح عبرها صالة كبار الزوار لضيوفه وحكامه مراراً وتكراراً.

* وبموجب خطابات من أفراس تم استقبال الأرباب رئيس الهلال السابق في مطار الخرطوم عشرات المرات.

* إن كانت تلك هي مستنداتكم فعليكم أن تبلوها وتشربوا مويتها.

* زعموا أن الحكم سجل إقراراً بالأموال التي حملها عندما دخل السودان وأنه كان يمتلك 650 دولاراً ودون إقراراً آخر بما يزيد عن التسعة آلاف دولار عند المغادرة، وتلك لعمري أكذوبة تفضح غباء من شتلوها!

* ليس هناك ما يلزم الحكم بتقديم إقرار إذا كان يحمل المبالغ المذكورة.

* ونتحدى من نشروا هذه الشتلة غير المحسنة أن يبرزوا مستنداً يؤكد صحة حديثهم، ونطلب من سلطات الجمارك أن تفتح لهم مكاتبها ليسكنوا فيها على أمل يجدوا ما يثبت مزاعمهم الكاذبة!

* أطاشت الثلاثية صوابهم، وأخرجتهم من طورهم وجعلتهم يهرفون بما لا يعرفون.

* طيران ضفر مش معقول.. طيران ضفر يذهب بالعقول!

ظاهرة غريبة وعجيبة
============
* تعرض الهلال إلى هزيمة مرة بالثلاثة أمام المريخ.

* وأشارت مجريات اللقاء إلى وجود خلل كبير وخطير في أداء الفرقة الزرقاء عموماً، وفي توليفة وأداء خط الدفاع على وجه التحديد.

* سجل المريخ ثلاثة أهداف وأهدر عدداً مهولاً من الفرص.

* وكان بمقدوره أن ينزل بالهلال هزيمة تاريخية لو أحسن رماته ترجمة السوانح السهلة التي تهيأت لهم أمام مرمى جمعة جينارو.

* النتيجة الطبيعية للمباراة ثمانية أهداف حمراء على أقل تقدير!

* ومع ذلك كله لم يتطرق أي واحد من كتاب الهلال لهذه الجزئية.

* دفاع الهلال شوربة سبانخ، وإعلامه مشغول بالحكم الزامبي!

* مرمى الهلال مفتوح على مصراعيه مثل بوابة عبد القيوم، الدفاع عبارة عن شوارع معبدة تؤدي إلى اتجاه واحد، والإعلام الأزرق مستمر في المكابرة ومصر على أن يعمي عيونه عن الحقيقة الواضحة!

* عجيب وغريب.


قطع حسني كل خطيب
==============
* مساء أمس الأول استضافت قناة الجزيرة الرياضية المحلل التونسي خالد حسني وتحدث عن مجريات لقاء القمة، وأفتى بصحة ركلة الجزاء المريخية الأولى وقال إن مدافع الهلال بوي أعاق سكواها بوضوح.

* وذكر حسني أن ركلة المريخ الثانية لا غبار عليها لأن يد اللاعب احتجزت الكرة وغيرت مسارها، كما أفتى بصحة قرار الحكم في الحالة التي طالب فيها الأهلة بركلة جزاء وقال إن اللاعبين مدثر كاريكا وضفر كانا مندفعين ولم تحدث فيها أي عرقلة.

* قطع حسني قول خطيب.

* وهو تونسي الجنسية ولا ينتمي إلى المريخ ولا يعمل مع جمال الوالي ولا يعرفه أصلاً.

* انتهى البيان، لكن السكوهة متواصلة.

* وطيران ضفر مستمر في التحليق.

من أين يأتي سوار بالإحصائيات؟

* أورد الزميل سوار الذهب معلق قناة الجزيرة الرياضية العديد من الإحصائيات والأرقام خلال وصفه للقاء ثلاثية طيران ضفر، وزعم أن المريخ نقل 1223 تمريرة ورفع 29 كرة عرضية وأن الحضري صد 22 هجمة، وصدع رأسنا بالعديد من الأرقام ومل يوضح لنا مصدرها!

* زعم سوار لا فض فوه أن لاعب الهلال نزار حامد الأكثر ركضاً في الملعب، وادعى أن اللاعب المذكور قطع 65 كيلومتراً في خمس مباريات خاضها مع الهلال في دور المجموعات.

* بحسب ما زعم سوار يكون نزار قد ركض أكثر من 13 كيلومترا في كل مباراة، وهذا معدل خرافي لا يحدث حتى في الدوري الإسباني والدوري الإنجليزي!

* أثار الزميل المذكور حنق المريخاب عندما أصر على إبراز ميوله أثناء التعليق.

* ردد عبارة (ياااااااه) متحسراً على إهدار سانيه لإحدى الفرص، كما صاح بنبرة مليئة بالاستياء (أوووووووه) عندما أخفق جمعة في صد ركلة الجزاء الثانية من سكواها!

* علاوةً على كل ذلك سمح سوار لنفسه أن يتحول إلى خبير تحكيم وأفتى بعدم صحة ركلة الجزاء الثانية قبل أن يشاهد الإعادة، علماً أن معلقي الجزيرة الرياضية عادةً ما يتجنبون التعليق على القرارات التحكيمية المثيرة للجدل ويفضلون تركها لخبراء التحكيم الذين تعاقدت معهم الشبكة بمبالغ ضخمة ليقوموا بالعمل المذكور وعلى رأسهم المصري جمال الغندور والسوري جمال الشريف وغيرهما.

* أسوأ ما فعله سوار أنه طلب من جماهير الهلال أن تتناسى (الظلم التحكيمي) الذي حاق بفريقها، وذلك بعد نهاية المباراة مباشرةً

* خلال الأيام الماضية أمطر محبو المريخ البريد الإلكتروني لقناة الجزيرة الرياضية برسائل االاحتجاج على انحياز سوار للهلال وتحامله على المريخ في معرض تعليقه على لقاء القمة.

* نرجو من سوار أن يبتعد عن التعليق على لقاءات المريخ إن لا يستطيع أن يخفي ميوله ويضبط مشاعره.

آخر الحقائق
=======
* أمس خاض الأستاذي الدكتور محي الدين تيتاوي (رئيس اتحاد الصحافيين) مع الخائضين في أوحال الاتهامات غير المبررة، وسمح لنفسه باتهام المريخ برشوة الحكام تلميحاً وتصريحاً.

* كتب نقيب الصحافيين عن (تلقي الحكام لظروف)!

* وزعم أن هناك من أثر عليهم!

* أحترم الدكتور تيتاوي الذي درسني في الجامعة الإسلامية وأشرف على رسالة الماجستير التي أعددتها عن الوسائط المتعددة في الصحافة، لكن ما كتبه أمس لا يشبهه ولا يليق به.

* أمس راح مجلس الهلال في خبر كان بقرار من اللجنة التحكيمية لولاية الخرطوم.

* هزيمة ثلاثية أمام الزعيم، وصافة دولية وحل مجلس!

* المصائب لا تأتي فرادى!

* خلال لقاء القمة نجح نجم وسط المريخ سعيد السعودي في ضرب مصيدة التسلل التي نصبها دفاع الهلال، ومرر الكرة لنفسه بذكاء شديد ولحق بها وانفرد بالمرمى، لكن البرازيلي ليما زاحمه فيها وأفسد فرصة هدف مؤكد لأنه كان في موضع تسلل.

* السوداني فكر ونفذ والبرازيلي أفسد الهجمة بتصرف لا يشبه البرازيليين.

* وفي مطلع الحصة الثانية أهدر الشغيل على المريخ فرصة هدف سانح عندما رفض تمرير الكرة لسكواها المواجه للمرمى واختار أن يمرر للباشا الموجود على طرف الملعب.

* مرة أخرى نطالب الباشا أن يراجع أوراقه ويجتهد للتألق في مباريات القمة.

* هدف في الشباك الزرقاء يجعل الباشا أجمل وأكمل وأفضل.

* شباك الهلال مثقوبة بالثلاثة.

* ومجلسه في خبر كان وإخواتها.

* في الهلال الحال يغني عن السؤال.

* وفي المريخ الفرح متمدد، والتفاؤل سيد الموقف.

* اليوم سيحل الهلال ضيفاً على النيل، ونعتقد أنه سيجتهد لمداواة جرح الضفر بالاجتهاد لاصطياد التماسيح.

* أما المريخ فسيجتهد للفوز على البحارة على أمل أن يسمع خبراً مفرحاً من الكاملين.

* لسان حال الصفوة: الدوري في داهية المهم قورماهيا!

* السكوهة حاصلة والمعنويات في السماء السابعة.

* كلما ارتفع نحيب الإعلام الأزرق كلما زادت فرحة الصفوة أكثر!

* خير عاجل: الضفر طار وجمعة احتار!

* آخر خبر: لو سجل مهاجمو المريخ الفرص التي تهيأت لهم لأصبحت ترويسة كيد الحقيقة مثل صورة فرقة عقد الجلاد الموسيقية!






علي الشريف احمد غير متواجد حالياً   رد مع اقتباس
إضافة رد

مواقع النشر (المفضلة)
كاتب الموضوع أبو الحُسين مشاركات 9 المشاهدات 7847  مشاهدة صفحة طباعة الموضوع | أرسل هذا الموضوع إلى صديق | الاشتراك انشر الموضوع


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 03:43 PM


Powered by vBulletin® Copyright ©2000 - 2024, Jelsoft Enterprises Ltd.
::×:: هذا المُنتدى لا يمثل الموقع الرسمي للطريقة الختمية بل هُو تجمُّع فكري وثقافي لشباب الختمية::×::

تصميم: صبري طه