القبول يا رب - شباب الطريقة الختمية بدائرة ود ابراهيم بأم بدة
مجموعة مدائح ختمية.. شباب الطريقة الختمية بمسجد السيد علي الميرغني ببحري
|
|||||||
| المنتدى العام لقاء الأحبة في الله لمناقشة جميع المواضيع |
 |
|
|
أدوات الموضوع | إبحث في الموضوع | انواع عرض الموضوع |
01-16-2014, 10:14 AM
|
#41 |
|
 
 |
Re: رد: الشيخ على ود حليب مادح رسول الله صلى الله عليه وسلم
أحبتي الكرام أُستاذ حسن والمرور الكريم... نهاركم سعيد... أدعوكم في هذه الزاوية للتأمل في هذه القصيدة... من حيث المعنى والمضمون... فهي من قصائد الشاعر المادح علي ود حليب... انظروا إخوتي الكرام إلى قافية الجيم النادرة جداً في بحور الشعر العربي القديم والحديث... أُنظروا كيف طوَّعها هذا الشاعر ليأتي بهذه القصيدة... قصتها إخوتي الكرام... زماااااااان قالو الشعراء يتباروا يعني كان أنا شاعر في المقل وسمعت بي شاعر في حجر العسل ولة أُمدرمان... أسافر وأهاجر أمشي ليهو نتواقف أنا وياهو... يعني كانت منافسة عجيبة في الشعر وحتى في المديح النبوي... فقالو الشيخ علي ود حليب طبعاً كان في ساقتنا الفي المقل (قُصاد مساوي والكُنَيسة - حي الصفاء حالياً) وكان مع الترابلة يحفروا في (كُوديق) للساقي... قام جاء راجل من مُدَّاح الصعيد سِمِع بي الشيخ علي ود حليب جاهو من الصعيد عشان يواقفو (في شكل مُبارزة شعرية)... فقالو جاء وسأل منو قالو لو فوق الساقي يحفرولُم في كوديق... فالمادح نزل تحت لقاهو آخر واحد من علي البحر من شدة تواضعو وهمتو مع الناس... فقالو وقف فوق قيف البحر وقال ليهم وينو علي ود حليب... قالولو يي دة... فقالو الراجل الضيف بس قال كلمة (قَج) لإختيار أصعب قافية في بحور الشعر العربي... فسبحان الله شاعرنا علي ود حليب فوق بحرو دا... قال... وااااشوقي علي طيبة اُم نخيلاً قج... نعمة الزار حبيبو ووافى يوم الحج... وواصل في هذه القصيدة... الراجل قالو من شدة الدهشة سكت ساااااكت بدون أي كلام... ضيفوهو التلاتة يوم ورجع بدون أي مبارزة شعرية ومن غير ما يوري إنو هو جايي لي شنو لكن طبعاً أمرو معروف لأنه هو أيضاً من المُداح بتاعين الصعيد... وإليكم إخوتي الكرام القصيدة كاملة لتتأملو جمالها وتحليلها التحليل اليليق بيها... واشوقي علي طيبة اُم نخيلاً قَج نِعمة الزار حبيبو ووافى يوم الحج... بسم الله بادي القول بتلهَّج... بالرفع السماوات ما معاهو اركَجْ... جبار الكسير الناقص الأعرج... إن حاسب وإن عفانا ما عليهو حرج... ثنيت بالعرج ناجى وأتى متوَّج... ما لِبس الحرير العالي ما اتخَوَّج... لي مال الإلوف ما رِكِب وجوج.. أرباباً عدِل لا جار ولا اتعوَّج... من يوم ما وُضِع لينا الهموم فرَّج... طاح صنم النجوس إتساقط إنْدَهَّج... شاع طلع الخبر والوادي كُلو اتْخَج... وخلى ولاد قريش ممغوسة تتبَعَّج... مربوعاً جميل وجهو الحسين يبهج... بدراً في ظلام الليل بان لجلج... كيف غُرر الكنار مايقو الكحيل وادعج... برَّاق الثنايا الناير الأفلج... وصفك غلَّب الفاني العليك لهَّج... ونورك خافي لي ضي الصباح الفَج... جودك وابل القبلة ام سحاباً مجْ... وكفَّك يخمُد النار اُم حموياً وَجْ... جبريل ساق محمد ناجا ربو عرج... طرفة عين مِتِل لمح البروق واروج... في الجنة الحسان شارفالُو تتفرَّج... فراحة يزَغْرِدِن لي سيد مقام الحج... أب جهل التعيس رايو البليد وادلج... لامِن مات طريقو المايل الأعوج... يوم في النوُق يعالج ما عِرف مخرَج... زي تيس الغنيم الهامل الأصنج... شد الليث علي الضرغام صميم وأبلج... فوق ميمونو شال خلَّ الأرض تِتْرج... شارفات خيل مخارج منو تِتْلاوج.. شافو الفارس اب سيفاً يقلِّم سج... بولاد الحديد الصافي مو مدبْلج... يدخل عُوق دريس جنب طاستو تتبالج.. حين أذَّن بلال جاب الشريف ألهج... نسوان النجوس الحاملة تتزالج... يوم روَّح لزينب جابها في الهودج... قال للكافرين شوت واحد اتخمَّج... في اولاد النجوس أسد الله كم دمَّج... راقدين في المحاص وارمين تقول عنبج... من شدَّ الكناني الزارق الأدرج... مراً بالركوب ومراً يتَكْرِن دَج... بالليل والنهار باري القطار ينهج... فوق قيف القصير ختَّ الحمول بلَّج... جات ام دير هناك مال الفلوس خرَّج... قال رصو العِداد رُبَّانا ما عاوج... تَقْمُز في مشيها السعي تتماجج... مشتاقين نزور سيد ام نخيلاً قج... قال ليك ود حليب قافِي العليك لهَّج... الخير في حِماك يا البيكا نِتْحَجَّج... قطِّعني الصراط يا واسط المخرج... قول أبشر جزاك في الحور وتمشي الفج... صلى الله علي اْبْ مايقاً كحيل وادعج... بي عدد الأرِض قيزان رمال ورتَجْ... ما قام النبات قارسيق وقام علَّج... وما روى في الشراب وشال العُشَر نبَّج... وصلى اللهم وبارك على سيدنا محمد وعلى آله وصحبه وسلم... ورحم الله الشيخ المادح علي ود حليب وأسكنه الجنة مع الأبرار... وانت ماك عارف المديح قاع يسوي فوقي شنو .؟؟؟؟؟؟ جزاك الله خير ... وصاحب البوست الجميل دا بس نسيت لي شي .... ( كوديق ) دي الجاي يعرفها ليك هني منو ..؟؟؟ قرقرقققرقررقرقرقر |
|
|
|
01-23-2014, 03:04 PM
|
#42 | |
|
شباب الميرغني
 
|
رد: Re: رد: الشيخ على ود حليب مادح رسول الله صلى الله عليه وسلم
يا سلام ... يا سلام ... والله يا ابو الحسين ... الراجل الزين .... دخلتني الليلي المدحة دي وانت ماك عارف المديح قاع يسوي فوقي شنو .؟؟؟؟؟؟ جزاك الله خير ... وصاحب البوست الجميل دا بس نسيت لي شي .... ( كوديق ) دي الجاي يعرفها ليك هني منو ..؟؟؟ قرقرقققرقررقرقرقر هلا بيك حبيبنا عبد العظيم الطاهر... ياخي والله نورت الموقع بي جنباتُو... وعشان تاخُدلك كمان تلَّة وهوشة في المكتب هاك دي... يا حلاَّل سجُوني... الشيخ علي ود حليب... أداء أولاد ود حليب (الجاراب)... عليك الله شوف حلاوةَ التَلَّة دي كان من المداحين ولة المِنْهَرِد في الحلقة دا... كدي عليك الله فسر لينا الكُودِيق والكَادِّقْ
|
|
|
|
|
|
05-11-2014, 03:53 PM
|
#43 |
|
شباب الميرغني
|
رد: الشيخ على ود حليب مادح رسول الله صلى الله عليه وسلم (توثيق)
الجزء الأول من حلقة تدشين ديوان الشيخ علي ود حليب (رضي الله عنه) بمنزل الخليفة عبد الكريم الطاهر أبو جديري... |
|
|
|
|
05-11-2014, 07:44 PM
|
#44 | |
|
المُراقب العام
|
رد: الشيخ على ود حليب مادح رسول الله صلى الله عليه وسلم (توثيق)
الجزء الأول من حلقة تدشين ديوان الشيخ علي ود حليب (رضي الله عنه) بمنزل الخليفة عبد الكريم الطاهر أبو جديري...
*********** شكرا جزيلا أبو الحسين بارك الله فيك .. |
|
|
|
|
|
| مواقع النشر (المفضلة) |
| كاتب الموضوع | حسن الكدوس | مشاركات | 43 | المشاهدات | 23721 |
|  |
| انشر الموضوع |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
العرض العادي
