غير مسجل أهلاً ومرحباً بكم

العودة   منتديات الختمية > الأقسام العامة > المنتدى العام

المنتدى العام لقاء الأحبة في الله لمناقشة جميع المواضيع

لو مشينا فُوق الدِّريب دا... بي نصل إن شاء الله...

المنتدى العام

إضافة رد
 
أدوات الموضوع إبحث في الموضوع انواع عرض الموضوع
قديم 12-17-2013, 09:38 PM   #1
أبو الحُسين
شباب الميرغني
الصورة الرمزية أبو الحُسين



أبو الحُسين is on a distinguished road

إرسال رسالة عبر Skype إلى أبو الحُسين
Wink لو مشينا فُوق الدِّريب دا... بي نصل إن شاء الله...


أنا : أبو الحُسين




الإخوة الكرام... السلام عليكم ورحمة الله وبركاته...
قصة عجيبة إستوقتني من تاريخنا العظيم الذي يجب أن نُباهي ونُفاخِر به الأُمم...
يجب أن ندرسها ونعلمها لأبنائنا لما فيها من مكارم للأخلاق والإيثار وبيع الدُنيا الفانية مُقابل الآخرة...
تقول القصة في ما معناها:
شاب يتيم جاء لي سيدنا النبي صلى الله عليه وآله وسلم... شكالُو من جارُو (بالتَقْنَتْ) عندو حيطة داير يبنيها عتَّرَتْلُو تمرة من إنقاية جارُو مشاتري لا برَّة... الولد اليتيم طلب من صاحب التمرة يبيعها ليهو ولة يدِّيها ليهو ساكت... رفض تَبْ... "كان داير تقُول كُعُوبيي قول... كان داير تقول حق وحقوق قول"... المُهم في الآخر رفض...
الوليد اليتيم رفع شكواهُو لي سيدنا النبي صلى الله عليه وآله وسلم...
طلب المُصطفى من الرجل أن يهب النخلة لجاره اليتيم أو يبيعها له... فرفض في الحالتين...
أكَّد له الحبيب بأن مقابل هذه الصفقة ربحاً كبيراً... (نخلة في الجنة يسير الراكب تحت ظلها مائة عام)!!! برضُو رفض... وقال بس تمرتي دي ماني داير غيرها!!!
الصحابة الكرام (رضوان الله عنهم) كانُوا حضوراً لهذا الحوار... فيهم واحد من سُعداء الدُنيا والآخرة... يقال له (أبو الدحداح)... قال لي حضرة النبي لو أنا إشتريت هذه النخلة ووهبتها لليتيم يكون لي مثلها في الجنة؟؟؟ قال له الحبيب صلى الله عليه وآله وسلم نعم...
قام براااااحة بارَى سيد التمرة مرَق وراهُو... قال ليهو يا اخوي تعرف بستان أبو الدحداح؟؟؟ قال لي منو الماب يعرفُو... دَحِينْ دا مُو ياهُو الفيهو 600 تمرة وقصْراً سمممممح وبيراً حلوي وحيطاناً عالااااات... وكل التجار يبيعُو ويشتروا منو؟؟؟ قال ليهو ياهُو بالحيييييل...
أها نان السيرة دي لي شنو؟؟؟
قال ليهو تبادلني بي بستاني دا وتديني التمرة الجنب واطات اليتيم؟؟؟ قال ليهو التمرة طايري... وبي قلبُو قال: "أرِيتَا دي تمُرْةَ السرور الاتْقَلَبت الهُوبَا وبَدَل ما كان تحُشَّلها كِيلَة جابَتْلها ساقِي من قَعَرَها"!!! أنا راضي ويلاَّكَا علي سيدنا النبي النسجل البيعة دي... وصدُّوا بي دَرِبُن لقُو مجلس سيدنا النبي لليلي ما اتفرتَكْ... وسجلو البيعة... ووثَّقُوها...
وعلى طُول سيدنا أبو الدحداح وهَب النخلة للشاب اليتيم...
وجاء راجع لي سيدنا النبي... متسائلاً عن نخلته في الجنة... فأجابه الحبيب المصطفى بأن ليس له أي نخلة في الجنة!!! ولكنه استطرد سريعاً صلى الله عليه وآله وسلم مُبشراً هذا الصحابي العظيم: (كم من عذق رداح لأبي الدحداح في الجنة،، كم من عذق رداح "مليئ بالثمار" لأبي الدحداح في الجنة)... يعني بدل بستانُ ودا... فاز بي بساتين مُثمرة في الجنة حلالي بيهُو...
أها القصة وين ساعتُو المشى لي مرتُو... قال ليها يا حاجة لمي عِدَادِك وامُرقَاكي من القصر دا..
علي وين يا حاج؟؟؟
قال ليها خلاص بعناهُو...
فرحت كعادتها... عشان عارفي راجلها تاجراً شاطر... أكيد راقِد ليهو فوق بيعة مااااااااها هيني... أها بعتُو بي كم؟؟؟
- والله بعتُو بي تمرةً عرييييييييييشي في الجنة... أسرع حصان ما يقطع ضُلَّها في مية سني...
إيه يا يابة الواطة في خشمك... هسع عليك الله ماب تخجَل تمرق وليداتك من بيتُن... وتمُرن المِتْهَادي دا في سهَلْةَ الله سااااااااكت... بالله دا جنْسُو كلام دا... الشكيي لاب إيداً قويي!!! هسع نودِّي وشينا من الجيران وين يقُولُو باعُو حقَّهُنْ وبيتُن الساكنين فيهُو!!! وهسع مستقبل الولاد ديل شنُو... لا ضُل حيطة ولا راكُوبْةً ينضارُو فيها!!!
الكلام دا كان حا تقولو واحدي من حقاتنا ديل... لكن أُم الدحداح حاشاها والله...
قالت ليهو... (ربح البيع أبو الدحداح، ربح البيع)...
وبس تاني ما اتْلَفَتَت علي قَفَاهَا... من وقفتها دي وعلي الباب عِدِل... حتى سبحان الله كان في واحد من وليداتها... ياكُلُّو في تمرايِي قَلَعتها من خشيمُو مرقتها... قالتْلُو دا تاني بقى مااااااهُو حقَّنا يا ولدي...
مُتابعتي لهذه القصة وما يحدث الآن من جشع وهلع أصاب الكثيرين منا وكأنا في غابة وحوش... من يجد فرصة في أخيه يغتنمها... "ولو يسقِّط حجرو"... يجعلني أجزم بأن مُدارسة قصص الصالحين -كهذه- تهدي إلى الفلاح... فيجب على علمائنا الكرام إبراز مثل هذه الدروس والعِبَر بدلاً من الصراعات التي في الغالب تُزيد الهُوَّة بين المسلمين... وفي خضمها تضيع مثل هذه القيم الجميلة...
نتمنى أن نرى بيننا الكثير ممن ينوي المسير على نهج سيدنا أبي الدحداح... وغيره من أئمة الهدى والصلاح... فبِأيِّهِم إقتدينا، إهتدَيْنا... أو كما قال صلى الله عليه وآله وسلم...

أبو الحُسين غير متواجد حالياً  
عزيزنا الزائر لن تتمكن من مشاهدة التوقيع إلاَّ بتسجيل دخولك
قم بتسجيل الدخول أو قم بالتسجيل من هنا
رد مع اقتباس
قديم 12-17-2013, 09:57 PM   #2
bet alkhalifa
المُراقب العام
الصورة الرمزية bet alkhalifa



bet alkhalifa is on a distinguished road

Unhappy رد: لو مشينا فُوق الدِّريب دا... بي نصل إن شاء الله...


أنا : bet alkhalifa




شكراجزيلا جميلا أبو الحسين قصة جميله ورائعة ونعم التذكرة هذه ربح البيع ربح البيع إن شاء الله وصلى الله على سيدنا الحبيب المصطفى صاحب الحكمة الحليم الرؤف الرحيم بالمؤمنين ورضي الله عن أبو الدحداح الصحابى الجليل وزوجته القنوع الرضية ..ابوالحسين سردك للقصة بالشايقى ممتع وشيق الحقيقة الكليمات ديل ما ما بوفنها حقها خلينى امشى واجيك راجعى اقعد ليها قعده خاصة إن شاء الله لك التحايا النواضر ودمت بخير مديرنا الفاضل

bet alkhalifa غير متواجد حالياً  
عزيزنا الزائر لن تتمكن من مشاهدة التوقيع إلاَّ بتسجيل دخولك
قم بتسجيل الدخول أو قم بالتسجيل من هنا
رد مع اقتباس
قديم 12-18-2013, 06:07 AM   #3
أبو الحُسين
شباب الميرغني
الصورة الرمزية أبو الحُسين



أبو الحُسين is on a distinguished road

إرسال رسالة عبر Skype إلى أبو الحُسين
Icon15 رد: لو مشينا فُوق الدِّريب دا... بي نصل إن شاء الله...


أنا : أبو الحُسين




اقتباس : المشاركة الأصلية كتبت بواسطة bet alkhalifa [ مشاهدة المشاركة ]
شكراجزيلا جميلا أبو الحسين قصة جميله ورائعة ونعم التذكرة هذه ربح البيع ربح البيع إن شاء الله وصلى الله على سيدنا الحبيب المصطفى صاحب الحكمة الحليم الرؤف الرحيم بالمؤمنين ورضي الله عن أبو الدحداح الصحابى الجليل وزوجته القنوع الرضية ..ابوالحسين سردك للقصة بالشايقى ممتع وشيق الحقيقة الكليمات ديل ما ما بوفنها حقها خلينى امشى واجيك راجعى اقعد ليها قعده خاصة إن شاء الله لك التحايا النواضر ودمت بخير مديرنا الفاضل

أُستاذة بت الخليفة الطاهر... السلام عليكم ورحمة الله وبركاته...
أهلاً بيك في هذه المساحة الطيبة من حب الخير للآخرين والشوق لجنات عرضها السموات والأرض مُقابل إنقايي ولة إنقايتين في الدنيا الزائلة...

حقيقي يا بت الخليفة مثل هذه القصص لو بدأنا نغرسها في نفوس جيل اليوم لأخرجنا شباب مُؤْسِر ومُؤَثِّر... همه الآخرة ويسخر الله له الدنيا...

أما حكاية سردها بالشايقي... أمس كُنا قاعدين نتعشى... أها حكيت القصة دي بي نفس الطريقة دي لي ضيفي المَعاي... فقامت استهوتني الحكايي دي... قُلت ما أقوم أصيغا بي طريقتنا... يمكن تكون فيها تشويق في القرايي وقد حصل...

شكراً لمرورك الكريم... وربنا يهدينا والجميع إلى طريق سيدنا أبو الدحداح ويلزمك وبناتنا الكرام قناعة أُم الدحداح ويجمعنا جميعاً في إحدى بساتينهم في الجنة ياااااااااارب...

أبو الحُسين غير متواجد حالياً   رد مع اقتباس
قديم 12-18-2013, 08:51 AM   #4
محمد عبده
مُراسل منتديات الختمية
الصورة الرمزية محمد عبده



محمد عبده is on a distinguished road

إرسال رسالة عبر Skype إلى محمد عبده
افتراضي رد: لو مشينا فُوق الدِّريب دا... بي نصل إن شاء الله...


أنا : محمد عبده




جميلة يا الحبيب القصة ... سرد ممتع وشيق ...

ربنا يعيننا على أن نؤثر على أنفسنا ولو كان بنا خصاصة ...

محمد عبده غير متواجد حالياً  
عزيزنا الزائر لن تتمكن من مشاهدة التوقيع إلاَّ بتسجيل دخولك
قم بتسجيل الدخول أو قم بالتسجيل من هنا
رد مع اقتباس
قديم 12-18-2013, 11:37 AM   #5
أبو الحُسين
شباب الميرغني
الصورة الرمزية أبو الحُسين



أبو الحُسين is on a distinguished road

إرسال رسالة عبر Skype إلى أبو الحُسين
Icon15 رد: لو مشينا فُوق الدِّريب دا... بي نصل إن شاء الله...


أنا : أبو الحُسين




اقتباس : المشاركة الأصلية كتبت بواسطة محمد عبده [ مشاهدة المشاركة ]
جميلة يا الحبيب القصة ... سرد ممتع وشيق ...

ربنا يعيننا على أن نؤثر على أنفسنا ولو كان بنا خصاصة ...

تسلم حبيبنا محمد عبدو...
وحقيقي في تأمُّل قصصهم الفلاح والنجاح... لو كنا نعلم...

أبو الحُسين غير متواجد حالياً   رد مع اقتباس
قديم 12-18-2013, 09:00 PM   #6
عصام عابدين محمد

الصورة الرمزية عصام عابدين محمد



عصام عابدين محمد is on a distinguished road

افتراضي Re: لو مشينا فُوق الدِّريب دا... بي نصل إن شاء الله...


أنا : عصام عابدين محمد




تعرف يا مولانا ابوالحسين الناس ديل شافو نور النبى عليه الصلاة والسلام ( وهو النور الذى أشرقت به الدنيا كلها ) .. فصارت الدنيا وما فيها لا تساوى عندهم جناح بعوضة .. روى أبو سعيد الخدرى رضى الله عنه عن رسول الله صلى الله عليه وسلم أن رجلا قال له يا رسول الله طوبى لمن رآك وآمن بك قال طوبى لمن رآنى وآمن بى ثم طوبى ثم طوبى ثم طوبى لمن آمن بى ولم يرنى قال له رجل وما طوبى قال شجرة فى الجنة مسيرة مائة عام ثياب أهل الجنة تخرج من أكمامها ... والحديث فى مسند الامام أحمد ( باقى مسند المكثرين ) اه

عصام عابدين محمد غير متواجد حالياً  

التعديل الأخير تم بواسطة عصام عابدين محمد ; 12-19-2013 الساعة 03:00 AM.
عزيزنا الزائر لن تتمكن من مشاهدة التوقيع إلاَّ بتسجيل دخولك
قم بتسجيل الدخول أو قم بالتسجيل من هنا
رد مع اقتباس
قديم 12-19-2013, 07:07 AM   #7
أبو الحُسين
شباب الميرغني
الصورة الرمزية أبو الحُسين



أبو الحُسين is on a distinguished road

إرسال رسالة عبر Skype إلى أبو الحُسين
افتراضي رد: Re: لو مشينا فُوق الدِّريب دا... بي نصل إن شاء الله...


أنا : أبو الحُسين




اقتباس : المشاركة الأصلية كتبت بواسطة عصام عابدين محمد [ مشاهدة المشاركة ]
تعرف يا مولانا ابوالحسين الناس ديل شافو نور النبى عليه الصلاة والسلام ( وهو النور الذى أشرقت به الدنيا كلها ) .. فصارت الدنيا وما فيها لا تساوى عندهم جناح بعوضة .. روى أبو سعيد الخدرى رضى الله عنه عن رسول الله صلى الله عليه وسلم أن رجلا قال له يا رسول الله طوبى لمن رآك وآمن بك قال طوبى لمن رآنى وآمن بى ثم طوبى ثم طوبى ثم طوبى لمن آمن بى ولم يرنى قال له رجل وما طوبى قال شجرة فى الجنة مسيرة مائة عام ثياب أهل الجنة تخرج من أكمامها ... والحديث فى مسند الامام أحمد ( باقى مسند المكثرين ) اه

هلا بيك يا هندسة...
كلامك مية المية... وحقيقي لو سرنا على نهجهم لأفلحنا في الدارين...

إستوقتني مقولة عظيمة لسيدنا أبي الدرداء (رضي الله عنه) رداً على شيبيي بعضنا لي فوق... في ما معنى كلامه يا الحبيب:
أهل القروش ياكلُو ونحن ناكل زييييييييييييييهم.. ويشربُو ونحن نشرب زييييييييييييهم...
هُم عندهم فايِض من القروش يعايْنُولُو ونحن نعايِلُّو معاهُم...
لكن يتحاسبُوبُو برااااااااهُم...
شفت الحكم دي يا م. عصام... بس منو اليخُت اليقين في قلبو...
نسأل الله أن يكسينا وإياكم بثوبه...

أبو الحُسين غير متواجد حالياً   رد مع اقتباس
قديم 12-19-2013, 08:57 AM   #8
عصام عابدين محمد

الصورة الرمزية عصام عابدين محمد



عصام عابدين محمد is on a distinguished road

افتراضي Re: رد: Re: لو مشينا فُوق الدِّريب دا... بي نصل إن شاء الله...


أنا : عصام عابدين محمد




جزاك الله خيرا سيدى وكثر الله من أمثالك .. والله كلامك سمح بالحيل .. زادنا الله جميعا ايمانا ويقينا واكرمنا بشوفة الحبيب ونوره الضاوى الما بيقيف قدامه ضلام آمين

عصام عابدين محمد غير متواجد حالياً   رد مع اقتباس
قديم 12-22-2013, 01:04 AM   #9
عيدابي


الصورة الرمزية عيدابي



عيدابي is on a distinguished road

B16 رد: لو مشينا فُوق الدِّريب دا... بي نصل إن شاء الله...


أنا : عيدابي




الحبيب ابو الحسين بارك الله فيك وجعل ذلك في ميزان حسناتك
وجعلها موعظة للغافلين عبُاد الدنيا والمال
اللهم اجعلنا من ..من يستمعون الى القول فيتبعون احسنه
واحشرنا في زمرة رسول الله صلى الله عليه وسلم واصحابه الغر الميامين
درس لين له الحجر فما بالك بقلب البشر
دمت بالف خير اخي ابو الحسين

عيدابي غير متواجد حالياً  

التعديل الأخير تم بواسطة عيدابي ; 12-22-2013 الساعة 04:16 AM.
رد مع اقتباس
قديم 01-03-2014, 06:09 PM   #10
حسن مساوي
شباب الختمية بالجامعات
الصورة الرمزية حسن مساوي



حسن مساوي is on a distinguished road

افتراضي رد: لو مشينا فُوق الدِّريب دا... بي نصل إن شاء الله...


أنا : حسن مساوي




سرد ممتع وبأسلوب ولغه أهلنا الشايقيه تسلم ابو الحسين
وبالجد لو مشينا في الدرب دا فرد عوجه تاني مافي

حسن مساوي غير متواجد حالياً  
عزيزنا الزائر لن تتمكن من مشاهدة التوقيع إلاَّ بتسجيل دخولك
قم بتسجيل الدخول أو قم بالتسجيل من هنا
رد مع اقتباس
قديم 01-04-2014, 12:53 PM   #11
حسن الخليفه احمد

الصورة الرمزية حسن الخليفه احمد



حسن الخليفه احمد is on a distinguished road

إرسال رسالة عبر Skype إلى حسن الخليفه احمد
افتراضي رد: لو مشينا فُوق الدِّريب دا... بي نصل إن شاء الله...


أنا : حسن الخليفه احمد




ياسلآم عليك يااستاذنا قصة جليلة القدر بارك الله فيك

حسن الخليفه احمد غير متواجد حالياً  
عزيزنا الزائر لن تتمكن من مشاهدة التوقيع إلاَّ بتسجيل دخولك
قم بتسجيل الدخول أو قم بالتسجيل من هنا
رد مع اقتباس
قديم 01-26-2014, 09:40 AM   #12
محمد الحسن محمد محمدأحمد

الصورة الرمزية محمد الحسن محمد محمدأحمد



محمد الحسن محمد محمدأحمد is on a distinguished road

افتراضي رد: لو مشينا فُوق الدِّريب دا... بي نصل إن شاء الله...


أنا : محمد الحسن محمد محمدأحمد




أما حكاية سردها بالشايقي... أمس كُنا قاعدين نتعشى... أها حكيت القصة دي بي نفس الطريقة دي لي ضيفي المَعاي... فقامت استهوتني الحكايي دي... قُلت ما أقوم أصيغا بي طريقتنا... يمكن تكون فيها تشويق في القرايي وقد حصل...

يعلم الله يا ابو الحسين طعمت القصة بالحيل ...

محمد الحسن محمد محمدأحمد غير متواجد حالياً  
عزيزنا الزائر لن تتمكن من مشاهدة التوقيع إلاَّ بتسجيل دخولك
قم بتسجيل الدخول أو قم بالتسجيل من هنا
رد مع اقتباس
قديم 10-16-2016, 12:24 PM   #13
أبو الحُسين
شباب الميرغني
الصورة الرمزية أبو الحُسين



أبو الحُسين is on a distinguished road

إرسال رسالة عبر Skype إلى أبو الحُسين
Icon15 رد: Re: رد: Re: لو مشينا فُوق الدِّريب دا... بي نصل إن شاء الله...


أنا : أبو الحُسين




اقتباس : المشاركة الأصلية كتبت بواسطة عصام عابدين محمد [ مشاهدة المشاركة ]
جزاك الله خيرا سيدى وكثر الله من أمثالك .. والله كلامك سمح بالحيل .. زادنا الله جميعا ايمانا ويقينا واكرمنا بشوفة الحبيب ونوره الضاوى الما بيقيف قدامه ضلام آمين



الله يكرمك في الدارين يا حبوب...
ولا تنسانا من صالح دعواتكم...
وليك مدة ما ظهرت يا حبيب عساك طيب...

أبو الحُسين غير متواجد حالياً   رد مع اقتباس
قديم 12-18-2016, 11:39 AM   #14
أبو الحُسين
شباب الميرغني
الصورة الرمزية أبو الحُسين



أبو الحُسين is on a distinguished road

إرسال رسالة عبر Skype إلى أبو الحُسين
افتراضي رد: لو مشينا فُوق الدِّريب دا... بي نصل إن شاء الله...


أنا : أبو الحُسين




اقتباس : المشاركة الأصلية كتبت بواسطة عيدابي [ مشاهدة المشاركة ]
الحبيب ابو الحسين بارك الله فيك وجعل ذلك في ميزان حسناتك
وجعلها موعظة للغافلين عبُاد الدنيا والمال
اللهم اجعلنا من ..من يستمعون الى القول فيتبعون احسنه
واحشرنا في زمرة رسول الله صلى الله عليه وسلم واصحابه الغر الميامين
درس لين له الحجر فما بالك بقلب البشر
دمت بالف خير اخي ابو الحسين

تقبل الله دعواتك حبيبنا أبو أحمد...
ونسأل الله أن يلزمنا وإياكم طريق القُرب والصلاح...



أبو الحُسين غير متواجد حالياً   رد مع اقتباس
قديم 12-20-2016, 12:49 PM   #15
وائل محجوب الخليفة الخير

الصورة الرمزية وائل محجوب الخليفة الخير



وائل محجوب الخليفة الخير is on a distinguished road

افتراضي رد: لو مشينا فُوق الدِّريب دا... بي نصل إن شاء الله...


أنا : وائل محجوب الخليفة الخير




يا سلام وربح البيع

قصة تدعو لكل القيم الجميلة تسلم يا مولانا

وائل محجوب الخليفة الخير غير متواجد حالياً  
عزيزنا الزائر لن تتمكن من مشاهدة التوقيع إلاَّ بتسجيل دخولك
قم بتسجيل الدخول أو قم بالتسجيل من هنا
رد مع اقتباس
إضافة رد

مواقع النشر (المفضلة)
كاتب الموضوع أبو الحُسين مشاركات 14 المشاهدات 2837  مشاهدة صفحة طباعة الموضوع | أرسل هذا الموضوع إلى صديق | الاشتراك انشر الموضوع


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 01:06 PM


Powered by vBulletin® Copyright ©2000 - 2017, Jelsoft Enterprises Ltd.
::×:: هذا المُنتدى لا يمثل الموقع الرسمي للطريقة الختمية بل هُو تجمُّع فكري وثقافي لشباب الختمية::×::

تصميم: صبري طه