القبول يا رب - شباب الطريقة الختمية بدائرة ود ابراهيم بأم بدة

مجموعة مدائح ختمية.. شباب الطريقة الختمية بمسجد السيد علي الميرغني ببحري


غير مسجل أهلاً ومرحباً بكم

العودة   منتديات الختمية > الأقسام المتخصصة > المنتدى الثقافي - الرياضي

المنتدى الثقافي - الرياضي المواضيع الثقافية والرياضية

قصيدة رجاء أنقذت ضباط المحاولة الإنقلابية

المنتدى الثقافي - الرياضي

إضافة رد
 
أدوات الموضوع إبحث في الموضوع انواع عرض الموضوع
قديم 04-27-2013, 05:04 PM   #1
عثمان عوض الكريم

الصورة الرمزية عثمان عوض الكريم



عثمان عوض الكريم is on a distinguished road

افتراضي قصيدة رجاء أنقذت ضباط المحاولة الإنقلابية


أنا : عثمان عوض الكريم




يا الريس سلام جيتك بجر النم وشفّاع في الرجال داير الصفوف تتلم
العشم الكبير الدايرو كان ينتم تبلعا من سكات خليها تتلملم...

سِكينة بَخِيت بيتا بيكون ستّارة ديل الساندوك يوم دقت النقارة
معروف يا اللزوم يوم الاسود غيّارةتلقاك نصهن ثابت صمود وجدارة

اخوانك ختو والخاتي مانا معاهو والدارالفراق غلطان علي خصماهو
الزول البقود والناس بتمشي وراهو بسترعورة الجاني وعديل بعفاهو

أصلو الناس بتعفا أعراسا وّالله طهورا ؟ ما بتعفا الامور البِدِموم ممهورة
الناس في الصعاب والروح عديل معقورة بتنادي الكرام شان يجبرو المكسورة

ياريس قبيل يوم شدة الكرار ويوم سالت دموم والعركة بَقَّتْ نار
مالقيتن تلوبا شبعوا الصقار وفرساناً اسود بتصاقع البتار ؟

ديل ياهن رفاقتك وانت ياكا الراس والزول الكبير ما بتبع الوسواس
ماتشَمِت عدوك ما تابع الخناس عفوك منتظر يا عترة العباس

أكان الزول وقع ياهو البشيلو رفيقو والاسد الجسور مااظن جناهو بعيقو
الناس في الامور دايما بضيقوا ويفيقوا والزول الكبير يوم صبرو ببلع ريقو

مين غير البشير يعفي ويقيل العترة مين غيرك جدير نديهو نِحْن الشكرة
غيرك في الحكم سارحين عليهم سكرة إلاَ بشوفك الواعي البصفي العكرة

يا ريس عرفتك في الرجال قدام وبعرف انو بحرك غرق العوام
اخوانك هديل القدموك قدام غلطانين عديل وين رحمة الاسلام؟

ديل الحررو الدارة وملوها حماسة ديل الثبتو الثورة وبنوها فراسة
ابليس اللعين دايما بغش الساسة ما بغشك اكيد انت البلد ماك راسا

اعف اخوانك السندوك وشدو الحيل اعف اخوانك الغر البقيموا الليل
اعف اخوانك الفرسان رجال الخيل أعفاهم جزم تعفي الهواد والنيل

أعفا الكان قبيل حياك بالتعظيم واداك الرسن باريك بي تسليم
يا الريس يمين والمولي حلفو عظيم ديل ياهن قفاك الساندو ابراهيم

ديل صيف العبور خاضوهو كانوا رجال واهوال الجنوب خاضوها في الادغال
ما تسمع كلام ( الرخمة ) والقوال - ديل ياهن رفاقتك والحصل بطال

اذكّر زمان وكت البلد مخنوقة معصورة ومحاصرة وانكسر واسوقا
وكتين كت دارش في المحاصة وسوقا ما لاقوكا ديل خلو الصقور بي فوقا؟

غيرك ما بقدر قيمة الانسان وما بطرا القديم في سابق الازمان
ديل الايدوك في دولة القران والقادو الجيوش شان رفعة السودان

مابنو حكمك وانت فيك الخير المابنو كان تحكم بغاث الطير
ياريس عليك المولي وانت بصير بس عالج الامور بالحكمة والتقدير

ما تكسر الضراع المن زمان حامياكا ماتبكي النخيل تحزن جبال التاكا
يا ريس يمين في الحارة نحن معاكا بس أعفالنا ديل والناس جميع راجياكا

ما انقطع العشم اصل العشم في ساسنا ما بنتابع الفتنة و نفرتك ناسنا
قيلن يا الكريم الناس يمين فراسنا وإت ياكا الكبير إت عزنا وات راسنا

قيلن بي فخار وانت الاصيل و حليم وطبعك مو عنيف انت البعرفو كريم
قيل صحب الزبير الحاقي لي التكريم قيل فيهن وداعة وصحبة ابراهيم

اطرا الام هناك رجياك تنظر ليكا اطرا الزوجها امبارح بساند فيكا
سو حق الرجال انت الفضل راجيكا مولاي الكريم بي رحمتو بيغطيكا

اطرا الشافع الفاقد الابو وراجيهو اطرا الصاحي في الظلمات يهدهد فيهو
ما سالت دموم انت البلد حاميهو قيلن من سكات كل الحصل خليهو



عثمان أبونورة الإنقريابي

عثمان عوض الكريم غير متواجد حالياً  
عزيزنا الزائر لن تتمكن من مشاهدة التوقيع إلاَّ بتسجيل دخولك
قم بتسجيل الدخول أو قم بالتسجيل من هنا
رد مع اقتباس
إضافة رد

مواقع النشر (المفضلة)
كاتب الموضوع عثمان عوض الكريم مشاركات 0 المشاهدات 6308  مشاهدة صفحة طباعة الموضوع | أرسل هذا الموضوع إلى صديق | الاشتراك انشر الموضوع


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 05:57 PM


Powered by vBulletin® Copyright ©2000 - 2024, Jelsoft Enterprises Ltd.
::×:: هذا المُنتدى لا يمثل الموقع الرسمي للطريقة الختمية بل هُو تجمُّع فكري وثقافي لشباب الختمية::×::

تصميم: صبري طه