القبول يا رب - شباب الطريقة الختمية بدائرة ود ابراهيم بأم بدة

مجموعة مدائح ختمية.. شباب الطريقة الختمية بمسجد السيد علي الميرغني ببحري


غير مسجل أهلاً ومرحباً بكم

العودة   منتديات الختمية > الأقسام العامة > النّور البرّاق

النّور البرّاق خاص بمدح النبي المصداق وثقافة الختمية

الخليفة بابكر ود المتعارض فى رثاء شيخه سيدى الحسن ابجلابية رضى الله عنه

النّور البرّاق

إضافة رد
 
أدوات الموضوع إبحث في الموضوع انواع عرض الموضوع
قديم 02-28-2017, 05:59 PM   #1
سراج الدين احمد الحاج
المُشرف العام

الصورة الرمزية سراج الدين احمد الحاج



سراج الدين احمد الحاج is on a distinguished road

افتراضي الخليفة بابكر ود المتعارض فى رثاء شيخه سيدى الحسن ابجلابية رضى الله عنه


أنا : سراج الدين احمد الحاج




واحسارى الليل طال على ........ ياكريم حنَان جيبو لى

ذو الجلال واكرام انت حى انت اشفق من والدىَ
الحبيب الغاب جيبو لى بيهو امحى الذنب العلى

فى علا الاطلاق انفرد بى قميص الماحى انحرد
فى بحور الحى بيهو ارد استريح لاحر لابرد

القى كيرا من غير عرق فيهو اقول جق ماانشرق
انشل المن سابق غرق وابرد البى النار منحرق

ياكريم مولاى تنخرق العوائد ويلمع برق
من قيود اكوان انطلق نحظى بالمختار فى الشرق

قم من العريان انتكيت من شديد الحر ما اشتكيت
فوق مديح الاستاذ حكيت للصباح حنيت وبكيت

فى هوايد الليل قمت اكوس فى هواجر حر الشموس
للحبيب الفا ق فى الجلوس فرحة الفرحان بالعروس

فى نويمتى انقطع الرجل قمت اكوس السمحة ام حجل
شفت نورا يلمع خجل يافريحة قلبى الوجل

داك بريقا شاق الغمام داك جديا يرعى التمام
داك طبيبا يشفى السقام عاد اخير ياتو يا فهام

داك عروس الملك الحلو فى جميع الحضرات بجلو
وجه بدر التم يخجلو سرو غامض ماسجلو

الحبيب الفاق جود عم فا ق جنان رضوان فى الطعم
القى شوفتو متين يازعم ننسى دنيا واخرى ونعم

احمد المحمود فى الازل فى علا الاطلاق لم يزل
فى بواطن الساذج نزل ملكه عم الكل ما انخزل

نعمه جابت لينا الغنا بى روايتو لقينا السنا
بى حبيب البارى الدنا قاب قوسين تم المنى

الغياب الطال زادنى خوف نار غرام الحب ساكنه جوف
ياكريم ياحى ياعطوف لينا اظهر ذات الرؤوف

المجالس سبعة ابتغط مستواها العال مرتبط
بجمال الشاب الغطط اصلو قال ياتى من السبط

ساذج الاطلاق العلى فى بجور الغيب ينجلى
بجمال الله الولى يخفى للبدرين واجمل

ليك حنن روحى الطرى من فراق احمد باشرى
لى ذوات العال ينحرا ليهو ساذج حضرة ارى

مالك الامداد واللواء فى بحور الغيب استوى
لى جميع الملك احتوى الحبو حرق جوفى وشوى

السعيد الشاف مطلعك قلبو ليك يحن يتبعك
بيك يدخل داخل معك طيرة العنقاء تقولو عك

ياحبيبنا الساكن ام شبك بظهور وبطون بطلبك
راغبين صفوة مشربك بيك نشاهدك فوق منصبك

ياحبيبنا الساكن ام قزاز نيتى بيك اسكن فى الحجاز
ابقى ممن فات المجاز لى حقيقة احمد بيها فاز

يانجيب نعمان الاراك السعيد العرفك طراك
فوق حضائرك مطلوق براك ترعى سعدة ليلة سراك

ياالحبيب ياخير الورى لى جود لابيع لاشرا
سو لى تدان بالضرا بيهو تسمع ذاتى وترى

عرقى فى عرقك ينشبك فى حقيقتك بيك اتلبك
فيك يروح بالمر ينسبك بالنبى المختار انحبك

ربى حنن قلب النبى احمد المختار مطلبى
بيهو لينا الله يجتبى من سواه نروح نبقى بى

ذاتو تلهج فوق الكسا خلعة الانوار لابسا
اليضوق لذة مجلسا يزهد الاولاد والنساء

بهجة الدارين والعصر طال فراقك كيف البصر
احفظ الارواح فى القصر لاصياح جبريل بالنصر

التهامى الداير الدعا بنعمة الانوار يسمعا
ذات دائر السر تزرعا بيها يشرب عين منبعا

مانسيت انوار الفتح مابجيب القول الشطح
داير انط بى فوق السطح فى مقام الزهراء انبطح

نور بطون الهادى الجهر لى عيونى وجاب لى السهر
مابفارقك طول الدهر لا زمان المهدى الظهر

فى انتهاء شوال قم خرج تانى للاوطان ماعرج
فى مشى خبيت ودرج للشريفة ام نورا سرج

داير اسارق لى شوفتين داير اشوف نور غرفتين
داير اسافر فى زفتين وانجو من اهوال وقفتين

ياصفوح زلات من جنى يا صلاتنا وصوم حجنا
شوفتك الحلى من الجنى بيها فى الانوار زجنا

يانجيب نعمان السلم نور صباحك يضوى الظلم
لامتين ياسيدى الملم فوق مجارى النون والقلم

انت ياست روحى ادخلى بت علا كل المرسل
فينا ختم الكل ينجلى نور هدى السلطان العلى

من بواطن اعلى الرفيق لاح يرفرف لى البريق
يارحيما مالا الام شفيق فيك اروح بالمر افيق

من بواطن الذات الصلاة للنبى المرفوع فى علا
احمد المختار ماانجلى نور محمد خير الملا




سراج الدين احمد الحاج غير متواجد حالياً  

التعديل الأخير تم بواسطة سراج الدين احمد الحاج ; 02-28-2017 الساعة 06:03 PM.
عزيزنا الزائر لن تتمكن من مشاهدة التوقيع إلاَّ بتسجيل دخولك
قم بتسجيل الدخول أو قم بالتسجيل من هنا
رد مع اقتباس
قديم 03-12-2017, 05:42 AM   #2
bet alkhalifa
المُراقب العام
الصورة الرمزية bet alkhalifa



bet alkhalifa is on a distinguished road

Unhappy رد: الخليفة بابكر ود المتعارض فى رثاء شيخه سيدى الحسن ابجلابية رضى الله عنه


أنا : bet alkhalifa




داير اسارق لى شوفتين @ داير اشوف نور غرفتين
داير اسافر فى زفتين @ وانجو من اهوال وقفتين
نقرتين لعرض الصورة في صفحة مستقلة

bet alkhalifa غير متواجد حالياً  
عزيزنا الزائر لن تتمكن من مشاهدة التوقيع إلاَّ بتسجيل دخولك
قم بتسجيل الدخول أو قم بالتسجيل من هنا
رد مع اقتباس
إضافة رد

مواقع النشر (المفضلة)
كاتب الموضوع سراج الدين احمد الحاج مشاركات 1 المشاهدات 5356  مشاهدة صفحة طباعة الموضوع | أرسل هذا الموضوع إلى صديق | الاشتراك انشر الموضوع


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 03:20 AM


Powered by vBulletin® Copyright ©2000 - 2024, Jelsoft Enterprises Ltd.
::×:: هذا المُنتدى لا يمثل الموقع الرسمي للطريقة الختمية بل هُو تجمُّع فكري وثقافي لشباب الختمية::×::

تصميم: صبري طه