منتديات الختمية

منتديات الختمية (https://www.khatmiya.com/vb/index.php)
-   النّور البرّاق (https://www.khatmiya.com/vb/forumdisplay.php?f=4)
-   -   شعر ختمي تراث (https://www.khatmiya.com/vb/showthread.php?t=1043)

اسراء معتصم 05-10-2010 10:31 AM

شعر ختمي تراث
 
سيدي يادخرينا

الطاهرة العمامة الزينا
الليلة لي سيدي يادخرينا

الشدولو فوق همامو
ديل السادة مابتلامو

الشدولو فوق مهريتو
الزين والعديل سويتو

سيدي الليلة قايم بلدو
يامولاي تبارك ولدو

سيدي اياهو جد السادة
ريس الحضرة بي امجادا

روقوا انفجخوا ياعبادة
غير السادة مافي سيادة

سيدي الليلة ناوي الجية
ناوي يشرف المكنية

ياعثمان متين الجية
حلات الجلسة في الحولية

سراج الدين احمد الحاج 05-10-2010 11:10 AM

رد: شعر ختمي تراث
 
غير ناس سيدى مافى سيادة

تسلمى اختنا الختمية الفاضلة اسراء
بارك الله فيك واعلا مقامك

وهذه قصيدة فى مدح السيدة /مريم الميرغية بت سيدى هاشم
رضوان الله عليهم


الله الله انا الفى غايت الهم مشتاق لى زيارة السيدة مريم


بسم الله اشرح وابدا يافم بالحى القديم الله اعلم

السر والجهر بى حالنا يعلم القادر مريد يعطى ويرحم


ثنيت بالنبى الهادى المعظم الختم الرسل ليهم مقدم

النور السبق من قبل ادم صلوا عليه صلى الله وسلم


اقرب يامريد اصنت افهم مناقب الميرغنية السيده مريم

ام جودا يفوق الوابل واليم رمشة عين تغيث اليها ينهم


يانعمه الشريفة البابا لازم يلقى رضاها عفوها اليفرج الهم
من جور الزمان ونوائبه يسلم يفوز بى جاها فى الدارين منعم

بت هاشم طويلة الباع جليلة الجود والكرم والعزة هيله
فريدة عصرها المعدوم مثيلة ذرية الرسول طه الوسيلة

بت الهاشمية السيدة مريم اجوادة وسخية السيدة مريم
مابتبخل على السيدة مريم نظرك ختى لى يالسيدة مريم

بت سيدى العظيم السيدة مريم ام قدرا جسيم السيدة مريم
بارادة الكريم السيدة مريم كم عافت سقيم السيدة مريم

البعجب نظاما السيدة مريم واليطرب كلاما السيدة مريم
رباية اليتامى السيدة مريم ركازة العداما السيدة مريم

بت بدر البدور السيدة مريم نوراً صافى نور السيدة مريم
والله اليزور السيدة مريم تسهله الامور بالسيدة مريم

بت شافع الوعيد السيدة مريم الملوك ليكم عبيد يالسيدة مريم
كل صبحاً جديد يالسيدة مريم شأن قدرك يزيد يالسيدة مريم

ذو البأس الشديد السيدة مريم ام جاهاً عريض السيدة مريم
لحاقة بعيد السيدة مريم حضرتا نور وعيد السيدة مريم

ذو الطلعه البهية السيدة مريم متواضعة وطيه السيدة مريم
الطاهرة التقية السيدة مريم تفوق قمر العشية السيدة مريم

الزاهدة الدنية السيدة مريم الذاكرة ونقية السيدة مريم
فكته من جنية السيدة مريم صاحب البندقية السيدة مريم

بت هاشم طويلة الباع حبابا بالجود ماانسد بابا
من خلانى فى خدام جنابا انظر حضرتا واسمع خطابا


اليابى الرسول وابناه يندم غطى الران طمس لى قلبه دمدم
التبسه اللعين وكساه ثوب غم شقى ولاشك فى النيران مجحم


بت بدر البدور المو لفيفة تراتى وتسند الهزلان ضيعفة
وسيلتنا الامان من شر وخيفة سريعة النهمة للضايقين خفيفة

يقول ود صالح الياس الخليفة متوسلبكم حد الحليفة
رفعت يدى سائل الله اللطيف قبل الموت ازورك يالشريفة

الصلاة والسلام الاف مردم عدد علم الاله الهويعلم
من عبداً حقير قاصر ابلم اقبلها ياكريم اغفرله وارحم

منن عثمان 05-10-2010 11:25 AM

رد: شعر ختمي تراث
 
اقتباس:

المشاركة الأصلية كتبت بواسطة اسراء معتصم (المشاركة 7784)
سيدي يادخرينا

الطاهرة العمامة الزينا
الليلة لي سيدي يادخرينا

الشدولو فوق همامو
ديل السادة مابتلامو

الشدولو فوق مهريتو
الزين والعديل سويتو

سيدي الليلة قايم بلدو
يامولاي تبارك ولدو

سيدي اياهو جد السادة
ريس الحضرة بي امجادا

روقوا انفجخوا ياعبادة
غير السادة مافي سيادة

سيدي الليلة ناوي الجية
ناوي يشرف المكنية

ياعثمان متين الجية
حلات الجلسة في الحولية

سيدي الليلة قايم بلدو..يامولاي تبارك ولدو__ ربنا يبارك في أسيادنا جميعا"_ تسلمي ياست البنات..

اسراء معتصم 05-10-2010 11:25 AM

رد: شعر ختمي تراث
 
تسلم ياخليفة سراج وربنا يجازيك كل الخير بجاه ستي مريم
وانا رفعت يدي اسأل الله اللطيف قبل الموت ازورك يالشريفة

اسراء معتصم 05-10-2010 11:29 AM

رد: شعر ختمي تراث
 
الله يخليك يامنن ويبارك فيك

أبو الحُسين 05-10-2010 12:52 PM

رد: شعر ختمي تراث
 
روقوا انفجخوا ياعبادة
غير السادة مافي سيادة



اسراء معتصم 05-10-2010 01:25 PM

رد: شعر ختمي تراث
 
واجيد لينا بي سيدي

واجيد لينا بي سيدي
إن شاء الله يطول عمر سيدي

ياجيد لينا بي جيتو
اب نوراً علي ليلتو

المتباشرة ختمتو
إن شاء الله نشوفها ذريتو

يامولاي تتفضل
وبي فضلاً ولو معبر

جات البوستة لافه البر
وبيك اتشرفت بربر

يامولاي حن حنين
وياجيد لينا فرحانين

ودعناك ببراءة ويس
وكل الشافو قال امين

اب نعمان جا بي حالو
بي نسوانو وبي رجالو

من كرقس لقو خبارو
ومرقو علي ابحمد زارو

يامولاي ياحنان
ياقادر ولاعجزان

بابور السرور عجلان
وشال ناس سيتي في امدرمان

ياجيد لينا يا امه
وجيد لي الفي الطرق لمه

يعود سيدي القصد تمه

سراج الدين احمد الحاج 05-10-2010 01:40 PM

رد: شعر ختمي تراث
 
جات البوستة لافه البر
وبيك اتشرفت بربر

بارك الله فيك اختنا الفاضلة اسراء
وسلام خاص لاحبابنا الختمية ببربر
واخص الخليفة الصادق/ عبدالرحمن السيد بتحية خاصة
ودى وتقديرى

خالد ود الشريف 05-10-2010 04:14 PM

رد: شعر ختمي تراث
 
بيتو جم بيت الله جم جم ومن عتبتو تدخل الحرم

أزهري محمد سليمان 05-10-2010 04:27 PM

رد: شعر ختمي تراث
 
اقتباس:

المشاركة الأصلية كتبت بواسطة اسراء معتصم (المشاركة 7798)
تسلم ياخليفة سراج وربنا يجازيك كل الخير بجاه ستي مريم
وانا رفعت يدي اسأل الله اللطيف قبل الموت ازورك يالشريفة

الشقيقه اسراء معتصم
تحققت امنيتك بزيارة الشريفه مريم ارجو الاتصال بى على الايميل
azharisul@hotmail.com
تحياتى ومودتى

سراج الدين احمد الحاج 05-11-2010 10:25 AM

رد: شعر ختمي تراث
 
ديل نسل الكرام والله ساداتنا االعظام والله

فى مبدى النظام والله بالحى الدوام والله
الخلق العظام والله والروح فى الجسام والله

ثنيت الكلام والله فوق طه الختام والله
يوم الازدحام والله امن كل هام والله

اولاد الامام والله حسن الجاه عام والله
مثبوت الكلام والله احى المات وقام والله

اشراف اصلهم والله والنبى جدهم والله
والمابنهم والله يتلفوا قلهم والله

اشرافاً اصال والله بل حازوا الكمال والله
ياناس شى محال والله ماليهم مثال والله

امدح يالسان والله صاحب الوقت بان والله
سيدى احمد عيان والله مامور الزمان والله

يامنكر تراك والله اعرض للهلاك والله
والقفر الوراك والله بيبنلك براك والله

اصلك مستطيب والله وفعلك كلو عيب والله
تنضم ياكليب والله يرموك فى ام لهيب والله

يامنكر تعب والله والله عليك غضب والله
تنضم ياكلب والله لاشك تتنكب والله

ذرية الحسين والله اشراف صالحين والله
اقسم باليمين والله ماليهم وزين والله

ابن الياس روى والله فوق اهل اللواء والله
بالاحباب سوى والله واقعين فى الحوى والله

صليت والسلام والله الاف بالدوام والله
لى طه الختام والله شفاع الزحام والله

ملاحظة: والله تقرأ بكسر الهاء

اسراء معتصم 05-11-2010 10:42 AM

رد: شعر ختمي تراث
 
تسلم ياخليفة والله قصيدة في غاية الروعة ربنا يخليك ومزيداً من القصائد

سراج الدين احمد الحاج 05-11-2010 10:58 AM

رد: شعر ختمي تراث
 
بارك الله فيك أختنا الفاضلة /اسراء
ومنتظرين منك قصائد التراث من الختمية الصادقين

علي الخليفة عمر 05-11-2010 12:03 PM

رد: شعر ختمي تراث
 
ماشاءالله يا خليفه سراج قصيده جميله والله لكن يا ريت لو سجلتموها صوت وصوره يكون افضل وفي انتضار المزيد

سراج الدين احمد الحاج 05-12-2010 10:27 AM

رد: شعر ختمي تراث
 
تسلم ابننا الغالى /على (شيخ الشيوخ)

نسأل الله ان يوردنا الحوض مع المصطفى صلى الله عليه واله وسلم
ومع ساداتنا الكرام رضى الله عنهم

سراج الدين احمد الحاج 05-12-2010 10:50 AM

رد: شعر ختمي تراث
 
قصيدة حليل السادة ياحليل حضرتن

حليل السادة ياحليل حضرتن منانا ان شاء الله نسكن جيرتن

بسم الله اول كلمتن بى ربى العلا دنيا واخرتن
سقاهم سر وصفى سريرتن جعل فى ذكره والحب غيرتن

ثنيت بى رسولنا وسيلتن ابوالزهرا المشرفة جدتن
يوم يبكو العصاة فى حيرتن يحشرنا الاله فى زمرتن

من المختار رسولنا سلالتن وفرضاً فوق رقابنا محبتن
الا الاعدا مولاى ساختن فيا ابو السادة انهى شفاعتن

لحاقين همام فى نهمتن رمشة عين سريعة اغاثتن
عند الله قريبة اجابتن للضايقين يفرجو كربتن

اسم الله الاعظم حربتن فى المنكر تنوسر ضربتن
الجاهل شئونن وحرمتن يكشف فى قبيره عقوبتن

همام السيد على الغوث لوعتن يأمن للياخافو يثبتن
قدومك فاقه للناس راحتن نظرتك لحظة تكشف غمتن

اكتب يالهى سلامتن ووقف ياالهى جبارتن
يابارئنا تستر غربتن تحفظهم وترفع كلمتن

نسمع بالسلامة اشارتن ونفرح بالقدوم وبشارتن
للسودان يعودوا بنصرتن نورن يضوى تعجب هئتن

الختمية بالحب لاقتن النساء والرجال بى دهشتن
نقابلهم ونحظى برؤيتن تعم بلدانا بالخير رحمتن

ابن الياس عبيد وخليفتن وقيع بالسادة جمعاً وجملتن
يوم الناس فى هولن ولوعتن نكون إن شاء الله نحن فى صحبتن

الصلوات من الله تحيتن ترضى لجدهم لى جدتن
ترضى السادة مفتاح جنتن وخلفاهم واهل طريقتن

اسراء معتصم 05-12-2010 11:13 AM

رد: شعر ختمي تراث
 
ياسلام ياخليفة دئماً تأتينا بالروائع . ربنا يخليك لينا

سراج الدين احمد الحاج 05-12-2010 11:24 AM

رد: شعر ختمي تراث
 
تسلمى ..تسلمى ياالختمية الاصيلة
وزادنا واياك محبة فى ساداتنا المراغنة رضوان الله عليهم

سراج الدين احمد الحاج 05-18-2010 10:35 AM

رد: شعر ختمي تراث
 
قصيدة السادة بنادى ليكم


السادة هوى بنادى ليكم دنيا واخرى الحمول عليكم


بادى بسم الله قولى بيكم وبالرسول جدكم وابيكم
يوم يصيح ضايق المابيكم قصدنا ان شاءالله ننجى بيكم

ياالاساس سيدى عبدالله واسع الجاه وقدره باهى
يعلم اللا لهو اشتباهى حبكم فى قلوبنا ناهى

سيدى عثمان صاحب الطريقة يالختم عروتى الوثيقة
لليصيح ساعة المضيقة اغاثتك اعجل قبل دقيقة

سيدى الحسن اللذيذ قصيدك ياالعبدت الاله سيدك
المدد كونو انت بيدك وغير شك ينصلح مريدك

يالطيار سيدى ليك بنادى ياالذكركم عم كل وادى
بيك يطيب وينصلح فؤادى وتكفينى شر حاسداً معادى

سيدى محمد الامير باهى الوجنة المنيرة
اياك ضمين مصرا وغفيرة تجود لى بفضلك الكثيرة

سيدى هاشم سميك جدك يابحر الدين مابيقيسوا حدك
المدد كونو انت بيدك ياالشريف مد لينا يدك

سيدى تاج السر فوق بحر سواكن عالى الرتبة فى الاراكن
يعلم اللالهو اشتراكن حبكم فى قلوبنا ساكن

سيدى محجوب اللذيذ مقالك يالعظيم سيدى وين مثالك
كل يوماً يزيد جمالك ياالغرقان ختلينا بالك

سيدى ابراهيم قلبى مابينساك فى سنكات انتقال اعضاك
مابيخيب ظنو من يرجاك من المدد شربه قولى هاك

سيدى بكرى فارس اللطامة حربى مابهدك الجزاما
اصلكم انت اهل كراما وجدكم شافع القيامة

يالرقيق سراج زمنا ياالعظيم جدك المهنا (سيدى أحمد)
مابيخيب من هو فيك ظنا دنيا واخرى التزم حملنا

سيدى الكرار فارس الحرابا ياسيف الدين سيدى مرحبابا (سيدى على)
من سميه الشجاعة جابا وخاض فى الدم للركابا

ذو الدول عثمان سيدى المسمى دا العظيم الجاهو ليناعما (سيدى عثمان)
جدكم شافع المهمه وتنجونا من وقفة الملما

صل ياواهب العطية والسلام بكرة وعشية
ابن الياس قولو يانبيا لاذنوب لا عليك سيا

اسراء معتصم 05-18-2010 10:48 AM

رد: شعر ختمي تراث
 
تسلم يا خليفة والله ماقصرت اتحفتنا بروائع السادة . ربنا يخليك ويبارك فيك بجاهم عند الله

سراج الدين احمد الحاج 05-18-2010 11:03 AM

رد: شعر ختمي تراث
 
الله يحفظك اختنا الفاضلة /اسراء
ويكرمك ويعلى درجاتك فى الدنيا والاخره بجاه السادة المراغنة العظام

أمة الختم 05-19-2010 11:42 PM

رد: شعر ختمي تراث
 
اقتباس:

المشاركة الأصلية كتبت بواسطة سراج الدين احمد الحاج (المشاركة 8860)
الله يحفظك اختنا الفاضلة /اسراء
ويكرمك ويعلى درجاتك فى الدنيا والاخره بجاه السادة المراغنة العظام

آمين وإياك وكل الذين اثروا هذا البوست ربي يكرمكم جميعا ويعلي درجاتكم

حسن مساوي 05-20-2010 12:13 AM

رد: شعر ختمي تراث
 
مشاء الله
جزاكم الله خيرا اسراء معتصم
والعم سراج وانتم تتحفونا بهذه النفحات

سراج الدين احمد الحاج 05-23-2010 10:24 AM

رد: شعر ختمي تراث
 
بسم الله الرحمن الرحيم وبه الاعانه بدءاً وختما
وصلى الله على سيدنا محمد وعلى اله وصحبه ذاتاً ووصفاًوأسماً


يامنادى ناد عثمانا الختمى اهل العرفانا

بسم الله فى مبدانا بالله الحاضر معانا
جل الخلق سوانا محرك حرك اعضانا

ثنيت بى حجانا طه اب جاهاً حوانا
يوم ضجوا الناس محانا يخمد حمو النيرانا

ليلة ميلادو بانا جاء نظيفاً مو وسخانا
النور ضوى الكيانا للروم ولى كنعانا

أتكسر الايوانا وانهدم البنيانا
والنهر غاض فى الآنا والنار خمد دخانا

اعظم معاجزه كفانا شاف الاله عيانا
بفرائضه الخمسة جانا فرتك دين الكهانا

يا اهل الاساس بشرانا شيخ الطريقة جانا
سيدى الختم عثمانا الختمى اهل العرفانا

السيد عثمان لاشكا ابواتك اشراف مكه
النور من نور مزكا بيك عند الضيق نتفكا

السيد عثمان حقيقة مثبوت شيخ الطريقة
بس صيحلو عند الضيقة يلفاك قبال دقيقة

عثمان سيدى المسمى ذو البركة وجاهو عما
اولاد شفيع الامه شافعنا يوم الطمه

عثمان الخلفوه فى مكان جده وابوه
فى الحضرتين ولوه والامر سلموه

سير ياعشوق قوماكا لى حسن الساكن التاكا
زور الضريح هناكا تبلغ جميع مناكا

يا اهل الامر كليه افرادا للغوثية
ناس حسن ابجلابية تصريفو من العلية

ساداتنا الميرغنية اهل الدرجة العلية
فى الحضرة النبوية ليهم رفعه وخاصية

ابن الياس الحسينا متوسل بى نبينا
ياالله يابارينا تغفر ذنباً علينا

اسمه الخليفه احمد متوسل بى محمد
ياحياً باقى مفرد تغفر لى ذنبه يسعد

صلوات من الرحمن عدد اليكون والكانا
ترضى النبى وترضانا ويرجح بها الميزانا


اسراء معتصم 05-23-2010 12:12 PM

رد: شعر ختمي تراث
 
مشكور ياخليفة وانت تنفح علينا بالنفحات الطيبة والمباركة . ربنا يحفظك ويخليك لينا يا اصيل .

تاج السرفوزى 05-23-2010 12:39 PM

رد: شعر ختمي تراث
 
ماشاءالله يا ابن الخالة الخليفة سراج الليلة طالع من علبك ربنا يحفظك فى حالة جذب وصفاء روحى تام شكلك

سراج الدين احمد الحاج 05-23-2010 12:40 PM

رد: شعر ختمي تراث
 
ساداتنا الميرغنية اهل الدرجة العلية
فى الحضرة النبوية ليهم ميزة وخاصية

اللهم ياواسع اليدين بالعطية خص أختنا الفاضلة اسراء بالنفحات الميرغنية

تاج السرفوزى 05-23-2010 12:43 PM

رد: شعر ختمي تراث
 
اقتباس:

المشاركة الأصلية كتبت بواسطة اسراء معتصم (المشاركة 7798)
تسلم ياخليفة سراج وربنا يجازيك كل الخير بجاه ستي مريم
وانا رفعت يدي اسأل الله اللطيف قبل الموت ازورك يالشريفة

والله يا شقيقتى اسراء قدر ما أمر على مشاركاتك القيّمة يتأكد لى عظمة محبتك الصادقة للسادة تسلمى وإن شاء الله تزورى الشريف وتزورى الحرمين بجاه سيدى رسول الله

اسراء معتصم 05-23-2010 12:46 PM

رد: شعر ختمي تراث
 
اقتباس:

المشاركة الأصلية كتبت بواسطة تاج السرفوزى (المشاركة 9988)
والله يا شقيقتى اسراء قدر ما أمر على مشاركاتك القيّمة يتأكد لى عظمة محبتك الصادقة للسادة تسلمى وإن شاء الله تزورى الشريف وتزورى الحرمين بجاه سيدى رسول الله

آميييييييييييييييييييييييييييييييييييييييييييييييي يييييييييييييييييييييييييييييييييييييييييييييييييي يييييييين يارب جمعاً إن شاء الله

اسراء معتصم 05-23-2010 12:50 PM

رد: شعر ختمي تراث
 
اقتباس:

المشاركة الأصلية كتبت بواسطة سراج الدين احمد الحاج (المشاركة 9987)
ساداتنا الميرغنية اهل الدرجة العلية
فى الحضرة النبوية ليهم ميزة وخاصية

اللهم ياواسع اليدين بالعطية خص أختنا الفاضلة اسراء بالنفحات الميرغنية

اللهم آميييييييييييييييييييييييييييييييييييييييييييييييي ييين يارب العالمين . تسلم تسلم ياخليفة والله انا عاجزة عن شكرك . ربنا يحفظك يارب

سراج الدين احمد الحاج 05-23-2010 12:50 PM

رد: شعر ختمي تراث
 
اقتباس:

المشاركة الأصلية كتبت بواسطة تاج السرفوزى (المشاركة 9986)
ماشاءالله يا ابن الخالة الخليفة سراج الليلة طالع من علبك ربنا يحفظك فى حالة جذب وصفاء روحى تام شكلك

اخى الغالى جداً سيدى تاج السر
كنا يوم الخميس فى حضرة و فى بيت مولانا سيدى عثمان بمكة المكرمة
وكان الحضور كبيراً وكنا نردد هذه المدحة ووالله العظيم كل الحضور شعر واحس بامدادات
عالية واننى اسأل الله ان يجمعنى واياك فى مثل هذه الحضرة وان نزور السيدة/خديجة الكبرى
رضى الله عنها والامام الختم رضى الله عنه وابنائه الكرام معاً انه سميع مجيب

لك محبتى الخالصة


سراج الدين احمد الحاج 05-24-2010 12:17 PM

رد: شعر ختمي تراث-قصيدة السلام ياغنية مريم الميرغنية
 
قصيدة السلام ياغنية مريم الميرغنية

السلام ياغنية مريم الميرغنية

ربى بالميرغنية قبل داعى المنية
اروى شرباً هنية من يد الميرغنية

مريم الطال باعا يالها من بضاعة
خسر الشالا باعا بى عروض الدنيه

انت مابيشبهوك والختم والد ابوك
فى البلاد يندهوك حين نزول البلية

ياملاذ كل عاشم انتى بت سيدى هاشم
عنك حاد كل غاشم ياحصنا القوية

انت ام المراغنا حبنا ليك ساقنا
كل من اعاقنا يرزى اكبر رزية

انت ام الارامل الضعاف والهوامل
كل من فيك آملٍ يعطى اكبر عطية

انتى يارحمة الله انتى يانعمة الله
انتى عطية الله ونعم تلك العطية

الرجال والحريما تهوى ذاتك تريما
كم ملبس جريما بى دعاك صار بريا

اهل بربر اجادوا كلهم ليك نادوا
الا من فى عنادوا واشقاوته القوية

الشباب جاك زائر ياعناصر المفاخر
نرجوا فى اليوم الاخر نكون معاك سويا

سرختم جا بى بابكم قائداً لى شبابكم
ذوقوه شرابكم وحسنوله المطية

ابن عبد الوهابو ناوى ليك الذهابو
صوبى يله شهابو واقبلى دى الهديه

الصلاة ريحا عاطر والسلام ندو قاطر
عدا ماصب ماطر لى جميل المحيا

اسراء معتصم 05-24-2010 12:25 PM

رد: شعر ختمي تراث
 
ربنا يخليك ياخليفة والله ماقصرت إن شاء الله ربنا يعطيك حتى يرضيك بجاه السيدة مريم وجميع المراغنة رضوان الله عليهم

سراج الدين احمد الحاج 05-24-2010 12:41 PM

رد: شعر ختمي تراث
 
اهل بربر اجادوا كلهم ليك نادوا
الا من فى عنادوا وا شقاوته القويه

بارك الله فيك اختنا الفاضلة الختمية الصادقة/اسراء معتصم
واكرر سلامى وتحياتى لاهلى واحبابى الختمية الصادقين
بمدينة بربر وجمعنا الله بهم فى حولية الشريفة
مريم رضى الله عنها
ودى وتقديرى

اسراء معتصم 05-24-2010 12:48 PM

رد: شعر ختمي تراث
 
اقتباس:

المشاركة الأصلية كتبت بواسطة سراج الدين احمد الحاج (المشاركة 10198)
اهل بربر اجادوا كلهم ليك نادوا

الا من فى عنادوا وا شقاوته القويه

بارك الله فيك اختنا الفاضلة الختمية الصادقة/اسراء معتصم
واكرر سلامى وتحياتى لاهلى واحبابى الختمية الصادقين
بمدينة بربر وجمعنا الله بهم فى حولية الشريفة
مريم رضى الله عنها

ودى وتقديرى

إن شاء الله ياخليفة ربنا يجمعنا

تاج السرفوزى 05-24-2010 03:02 PM

رد: شعر ختمي تراث
 
اقتباس:

المشاركة الأصلية كتبت بواسطة سراج الدين احمد الحاج (المشاركة 9987)
ساداتنا الميرغنية اهل الدرجة العلية
فى الحضرة النبوية ليهم ميزة وخاصية

اللهم ياواسع اليدين بالعطية خص أختنا الفاضلة اسراء بالنفحات الميرغنية

اللهم آمييييييين يا خليفة سراج والشقيقة إسراء تستاهل كل خير من فرط حبها للسادة ربنا يجمعها بهم فى عالى الجنان جوار جدهم رسول الله

اسراء معتصم 05-24-2010 03:40 PM

رد: شعر ختمي تراث
 
اقتباس:

المشاركة الأصلية كتبت بواسطة تاج السرفوزى (المشاركة 10221)
اللهم آمييييييين يا خليفة سراج والشقيقة إسراء تستاهل كل خير من فرط حبها للسادة ربنا يجمعها بهم فى عالى الجنان جوار جدهم رسول الله

آميييييييييييييييين يارب

اسراء معتصم 05-31-2010 01:10 PM

رد: شعر ختمي تراث
 
قصيدة بمناسبة زواج السادة

عثمان الختم السيرة لي
والجديد يتم عجبنا لي
النورو مو غماز
والضو مو من جاز
ده ود ام قزاز
رئيس الدولة فاز
شحنوا اللواري
السيرة لي
وبالحرير الغالي
لي سنكات طوالي
لي اب نوراً يلألي
السيرة لي

سراج الدين احمد الحاج 05-31-2010 01:16 PM

رد: شعر ختمي تراث
 
ياالله سى فوق البلال سيد الحسن دابى رنده سار

تسلم يداك اختنا الفاضلة /اسراء
وادام الله افراح السادة المراغنه وثبتنا على محبتهم وودهم
ودى وتقديرى

اسراء معتصم 05-31-2010 01:26 PM

رد: شعر ختمي تراث
 
اقتباس:

المشاركة الأصلية كتبت بواسطة سراج الدين احمد الحاج (المشاركة 11809)
ياالله سى فوق البلال سيد الحسن دابى رنده سار

تسلم يداك اختنا الفاضلة /اسراء
وادام الله افراح السادة المراغنه وثبتنا على محبتهم وودهم
ودى وتقديرى

تسلم يا خليفة وربنا يثبتا علي محبتهم ساداتنا الاولياء البيهم توسلنا


الساعة الآن 02:08 AM

Powered by vBulletin® Copyright ©2000 - 2024, Jelsoft Enterprises Ltd.
دعم وتطوير نواف كلك غلا