|
نجاة ابنة الخليفة بابكر محمد أحمد ترثي والدها
:j85::j85:رثاء:j85::j85: كتبت نجاة ابنة الخليفة بابكرمحمد أحمد ترثي والدها: ميتك فجأة وأتفاجأنا وماظن تاني نتفاجأ قدرمحكوم ومابنقدر نقول حاجة بس بنقول حليلك انت يا يابا حليل الطيبة والطيبين حليلك انت راجل الدين حليل الزاوية والآذان حليل الحلة والجيران حليل السادة والختمية حليلك انت في الحولية حليلك انت في الريفاب حليلك انت للجابراب حليلك انت يا العالم حليلك انت يا العلام حليلك انت جِد مقدام حليلك يا حبيب الكل وحليلك يا شجرة الضل منو الزيك منو البقدر يقول قولك لابتتلام ولابتعرف تجيب اللوم مسامح مابتعاتب زول مجامل مابتقول تعبان حليم وصبور عليم وعظيم منو الزيك؟ومابنقدر نكون زيك فراقك حار وماقدرنا نتحمل بكينا... الله يغفر لينا زرفنا كتير دموع الدم وما بنساك...وكيف انساك؟ بتفقدني وبتسألني وبترشدني وتوجهني وكلامك لسه في أذني ومابنساك مهما كان لكن نسأل المنان ونمد ايدينا للرحمن وندعو ليك الله يغفر ليك ويمطر ليك...وينزل ليك سحابة كبيرة فوق قبرك تظلل ليك لأنك انت ماهين ولأنك انت متبين ولسه كمان بندعو ليك...وندعوليك وندعوليك ابنة المرحوم/ نجاة بابكر |
رد: نجاة ابنة الخليفة بابكر محمد أحمد ترثي والدها
اللهم آمين... ونحن كمان بنرفع إيدينا معاك،،، نسألك يا الله يا علي يا قدير يا رحمن يا رحيم... أن تغفر للحاج بابكر محمد أحمد وترحمه وتكرم نزله وتسكنه الجنة مع الأبرار... بقدر ما قدم وأفنى حياته في خدمة الإسلام والمسلمين... شكراً أخي سالم... وعبرك التحايا لمحمد الحسن ود الشيخ ليهُو مدة ما ظهر ما من عوايدو... عساه طيب... |
Re: نجاة ابنة الخليفة بابكر محمد أحمد ترثي والدها
بس بنقول حليلك انت يا يابا
حليل الطيبة والطيبين حليلك انت راجل الدين حليل الزاوية والآذان حليل الحلة والجيران حليل السادة والختمية حليلك انت في الحولية حليلك انت في الريفاب حليلك انت للجابراب حليلك انت يا العالم حليلك انت يا العلام حليلك انت جِد مقدام حليلك يا حبيب الكل وحليلك يا شجرة الضل هى كلمات معبرات من القلب ...جبر الله كسركم السيدة الفاضلة نجاة ..واخوانها .......... لا رحم الله العم العزيز الخليفة الحاج بابكر وجعل البركة فى ابنائه وذريته .... الاستاذ ابو الحسين لكم الشكر والتقدير على السؤال عنا ... والانشغال بسبب ظروف انعقاد مؤتمر عالمى يخص جهة عملنا بالدوحة هذه الايام ....تحياتى لكم .. |
| الساعة الآن 09:50 PM |
Powered by vBulletin® Copyright ©2000 - 2024, Jelsoft Enterprises Ltd.
دعم وتطوير نواف كلك غلا