توجيه معنوي 169 معركة الكرامة مُكتملة الأركان
 

*#توجيه_معنوي 169*

*معركة الكرامة مُكتملة الأركان* 🦏🇸🇩🦅

* سألني أحد الإخوة...
الفرق شنو بين حرب الكرامة الدائرة ليها سنة دي وبين حرب الجنوب الإستمرت سنواااااات وسنوات ديك؟؟
قلت ليهُو:
حرب الجنوب كانت بين فئة سودانية لها مطالب (إتفقنا ولة إختلفنا معاها) بتحارب عشان تحققها وحربها كانت ضد نظام الدولة الحاكم، سوى كانت حكومة عسكرية أو حزبية...

أما حربنا الدائرة الآن دي، فدا مشروع خارجي متكامل ضد الشعب السوداني لتركيعه والإستحواذ على مقدراته، الأداة المُستخدمة فيهُو هُم عيال دلقو ديل ومرتزقتهم... وهُم بيحاربُوا في الشعب السوداني مُباشرةً عكس جون قرنق وجيشه... والدليل الأوضح من الشمس هُو ما نراه الآن في مهاجمتهم لقُرى الجزيرة الآمنة المُطمئنة التي لا تُوجد بها أي مظاهر حكومية/عسكرية سوى بيوتهم وبقالاتهم وحواشاتهم التي يسترزقون منها!!!

* طيب ليه الحرب دي لقت زخم أكتر من حرب الجنوب؟؟؟
زي ما قلت ليك لأنها حرب ضد الشعب السوداني مباشرةً.. والدليل:
تتذكر أيام حرب الجنوب، كانت قلة قليلة جداً (المؤمنين بقضية المعركة حينها) هي البتستنفر مع الجيش السوداني وكثير من الشباب يزاكِكُوهُم بالشوارع ماب يمشوا...

وأكَنَّك براك لاحظ الآن فالوضع يختلف.. الشباب في كل قرية وحلة يطالبُون الحكومة بتسليحهم للإنضمام إلى كتائب المتحركات للقضاء على هذا السرطان الخبيث...
ألم أقُل لكم إنها حرب كرامة مُكتملة الأركان؟؟
.
.
.
عناية المُرتزق اللايِص إلى الآن بقرى وحلاَّل الجزيرة الخضراء، بعد شرك أم زريدُو المُحكم عليكم دا.. لا حل أمامك، سوى رفع الراية البيضاء والإستسلام وبس...
*شعبي النبيل:*
*أرفع رأسك وأدعم جيشك وأفرح وأفرح بإنتصار قواتك المُسلحة لامِنْ تتعشرق من الفرح.. ودع الأبالسة (بين قوسين عيال المُتمرِّد الهالك) يصرخوووووون!!!* ✌️🇸🇩✌️
*اللهم نصرك الذي وعدته لقوات شعبنا المُسلحة وشعبنا السوداني النبيل...*💝🌹❤️
*ألا لعنةُ الله تترى على المتمردين/الحرامية/المرتزقة وأذنابهم من الخونة والعُملاء*😡...
...
..
.
#الجزيرة_لازم_ترجع
#منطقة_وادي_سيدنا_العسكرية
#أمدرمان_أمان
#المقاومة_الشعبية_السودانية
#شباب_السودان_خلف_الجيش
#الدعم_السريع_مليشيا_إرهابية
#جيشٌ_واحد_شعبٌ_واحد
#النصر_صبر_ساعة
#الخرطوم_مقبرة_الغُزاة

ملحوظة:
الفيديو المُرفق من المدينة عرب وهي خالية من المتمردين/الحرامية/المُرتزقة...

*جمال أحمد الحسن*

رد: توجيه معنوي 169 معركة الكرامة مُكتملة الأركان