منتديات الختمية - سمح الوصوفو

سمح الوصوفو
يا رب نشوفو حرمو وصرفو نعقب نطوفو
الماحى سمى ونقر دفوفو مدحا موزن فوق الحروفو
بالالف الله ربي اللطوفو بي الباء بهلو الاسرار في جوفو
بالتاء توانا مسكو العسوفو بالثاء ثنايا برقا خطوفو
بالجيم مجمل سمحات وصوفو بالحاء حيالو ضرع العجوفو
بالخاء اخلفو ينظر يشوفو بالدال دوايا للصايب وجوفوا
وبالذال ذكرا شاع فى الخيوفو.
بالراء روؤف للناس عطوفو بالزين زيا يكوى العكوفو
بالسين يساعد للكان لهوفو بالشين شفاعتو يوم الوقوفو
بالصاد صحابتوا شايلين سيفو بالضاد يضوى بين الالوفو
بالطاء مطهر قلبو الرؤوفو بالظاء يظلو الغيم رفوفو
بالعين علامتو الفوق الكتوفو بالغين غفرلو امن لخوفو
بالفاء فهيما للسر كشوفو بالقاف يقفل باب الخسوفو
بالكاف كفا ينبع سروفو باللام لماهو يارب نشوفو
بالميم معاهو يوم الوقوفو بالنون نروح لذاك اوفو
بالهاء نهاجر ونسعي ونطوفو بالواو ولامن آخر الحروفو
بالياء يمينو نبي يكرم ضيفوا.
بردف كلامى فوق المنبي طه رضاه مولاه حبا
خاتم النبوة اللاح نوروا شبا جسمو المعطر نسامو هبا
نعم النوالو ولى بلودو عبا حادى القوافل باريها خبا
طاف بالعقيقة حجا ولبي قضى الفرايض سافر لطيبة
راجع خزينو الفوقو القبه بقي في الشفاعه يعطيك وقربه
يجزيك قواربه وياخدلو شربه
يا ربي سائلك تقبلي مطلب تدينى جملا كبيري واصهب
ما يكون قصير وماهو المشقلب واصهب بشارى طالع مأدب
صدرا مفجج في شوفتو ترغب سرجا سنارى محدوب مدهب
والفروة ادنيها واركب فوقو ان رفعتا في الحين وجلب
قلت يا سلامه اخضر وقبقب ينسب دوايرو بيناتا يلعب
ولى ضيق مسافه دى الصرمه تقرب وتسمع مشيهو رجليهو طبطب
بي زمزميتو والزاد محقب في الرده تاكل في الرده تشرب
والماحي فوقو بي مدحو يطرب طيب منايا فى ام سورو وكبكب
القبه خضرا ونسامه هبب نوصل نزوروا وفي شفاعتو نكتب
يا ربي تقبل دعايا ليا وفى النوق منايا ميتين هديه
واقسم جبايا الزين مزيا خمسين قفاقن يمشن سويا
خمسين عواتى نملاها ريا خمسين حمولى نافره وقليه
فى جيبي يبقن الفين وقيه انفق لله صبحي وعشيه
والاخوان معانا تقي احمديه نوصول نواجه خير البريه
إن متا نعمه وان جيت هنيه
بختم صلاتى المقبول ثوابه والاف سلامى فايق الترابه
...............................
بيع الثوابا يقرا الكتابا نفسا هداها الماحي جابا
يا سيد عكاشه قول مرحبابه تنجينا بيها يوم العذابا