منتديات الختمية
صفحة 2 من 4 1 2 34
عرض 40 مشاركات من هذا الموضوع لكل صفحة

منتديات الختمية (https://www.khatmiya.com/vb/index.php)
-   المنتدى العام (https://www.khatmiya.com/vb/forumdisplay.php?f=2)
-   -   إبتسم... أضحك... نكتة رباطابية تستاااااهل... (https://www.khatmiya.com/vb/showthread.php?t=954)

مأمون الشيخ 05-14-2010 03:27 PM
رد: إبتسم... أضحك... نكتة رباطابية تستاااااهل...
 
اقتباس:
المشاركة الأصلية كتبت بواسطة أبو الحُسين (المشاركة 8046)
دي ماااب تحلِّك... أماني ما وقَعَت بِت!!!:p:p:p


أها اللَّديكُن دي...

واحد من أهل حبوبتك دي... قالُولُو تدفع 1000 جنيه عشان عاوزين نبنِي حوش للمقابر...


قال ليهم والله من عيننا دي ما فتَّحت فيها الدنيي دي... ما شُفْنَالْنا ميتاً من تُرُبْتُو قام شرَدْ!!!:d:d:d

دي والله ياأبو الحسين أخير منها جزلان إسراء..حلوة خالص

مأمون الشيخ 05-14-2010 03:31 PM
رد: إبتسم... أضحك... نكتة رباطابية تستاااااهل...
 
اقتباس:
المشاركة الأصلية كتبت بواسطة أبو الحُسين (المشاركة 8046)
دي ماااب تحلِّك... أماني ما وقَعَت بِت!!!:p:p:p


أها اللَّديكُن دي...

واحد من أهل حبوبتك دي... قالُولُو تدفع 1000 جنيه عشان عاوزين نبنِي حوش للمقابر...


قال ليهم والله من عيننا دي ما فتَّحت فيها الدنيي دي... ما شُفْنَالْنا ميتاً من تُرُبْتُو قام شرَدْ!!!:d:d:d

دي ياأبو الحسين أخير منها جزلان إسراء..حلوة شديد

سراج الدين احمد الحاج 05-15-2010 11:54 PM
رد: إبتسم... أضحك... نكتة رباطابية تستاااااهل...
 
اقتباس:
المشاركة الأصلية كتبت بواسطة اسراء معتصم (المشاركة 8008)
http://sphotos.ak.fbcdn.net/hphotos-..._5944622_n.jpg

مع الاعتذار ياجماعة


اقتباس:
المشاركة الأصلية كتبت بواسطة امين حسن على عسوم (المشاركة 8042)
أصُبري يا إسراء وارجي الراجيكي لامِن يجُوكي الشوايقة:j51:




انا المحيرنى جبتو صورة جزلانى دة من وين:sad_1: حسبى الله باين على اتنشلتا ياجماعة :j4: لكين وين المفتاح معاى :j38::j38::j38::j38:
اختنا العزيزة اسراء .. اكيد ما قمت بتنزيله من باب الدعابة .. والفكاهة البريئة .. ولكن كرم اهلنا الشوايقة مشهود به .. عندنا نحن الختمية .. اهلنا الكوارته وقصتهم المشهورة في ذبح كبيرهم لثوره ومشغل ساقيته لسيدي الحسن ..وجنائن سيدي علي توجد في ارضهم الغناء ..وغيرها الكثير من الشواهد ...ودي وتقديري لكل احبابنا الختمية من كل القبائل

اسراء معتصم 05-23-2010 05:45 PM
رد: إبتسم... أضحك... نكتة رباطابية تستاااااهل...
 
مسطول إتشاكل مع أمو قام طلع وجا راجع شايل برميل فيهو لبن
قال ليها: دا البيني وبينك

اسراء معتصم 05-23-2010 05:47 PM
رد: إبتسم... أضحك... نكتة رباطابية تستاااااهل...
 
مسطول دخل مسابقة اسرع رسام
عمل نقطة وجمع الورقة قالو ليهو دة شنو قال دة فيل جايي من بعييييييييييييييييييد

اسراء معتصم 05-23-2010 05:49 PM
رد: إبتسم... أضحك... نكتة رباطابية تستاااااهل...
 
مسطول مشي يخطب بت .. قدمو ليه كباية شاي فيها (كيس لبتون) قال لي صاحبو : اها من قولة تيت ساوين لينا عمل

اسراء معتصم 05-23-2010 05:50 PM
رد: إبتسم... أضحك... نكتة رباطابية تستاااااهل...
 
مسطول في نهار رمضان عاملين معاهو لقاء

قالوا لييه تحب تسمع شنو

قال لييهم يا رييييت مقطع من آذان المغرب

علي الشريف احمد 05-23-2010 08:01 PM
رد: إبتسم... أضحك... نكتة رباطابية تستاااااهل...
 
اقتباس:
المشاركة الأصلية كتبت بواسطة أبو الحُسين (المشاركة 8046)
دي ماااب تحلِّك... أماني ما وقَعَت بِت!!!:p:p:p

أها اللَّديكُن دي...

واحد من أهل حبوبتك دي... قالُولُو تدفع 1000 جنيه عشان عاوزين نبنِي حوش للمقابر...

قال ليهم والله من عيننا دي ما فتَّحت فيها الدنيي دي... ما شُفْنَالْنا ميتاً من تُرُبْتُو قام شرَدْ!!!:d:d:d
تفتكرو ده يكون جنسه شنو

اسراء معتصم 05-24-2010 10:15 AM
رد: إبتسم... أضحك... نكتة رباطابية تستاااااهل...
 
اقتباس:
المشاركة الأصلية كتبت بواسطة علي الشريف احمد (المشاركة 10120)
تفتكرو ده يكون جنسه شنو
انا غايتو مااااااااااعااااااااارفاااااا اهو . يحول السؤال للسيد المدير العام

أمة الختم 05-24-2010 10:59 AM
رد: إبتسم... أضحك... نكتة رباطابية تستاااااهل...
 
قالوا الجعلي ساكن في حلة كلها شايقية يوم زهج مشى قعد جنب البحر طلعلوا مارد قالوا شبيك لبيك اطلب كل ما تريد الجعلي ما صدق قالوا طلبي واحد الحلة دي ما تخلي لي فيها شايقي واحد رد عليه المارد
هوووو ياالجعلى سوينالك شن ؟

(ملوحظة النكتة دي ارسلها لي واحد بديري لكن ما بعيد يكون قريب اسراء)

اسراء معتصم 05-24-2010 11:08 AM
رد: إبتسم... أضحك... نكتة رباطابية تستاااااهل...
 
بري ابرا واستبرا يا اختي

الزبير بشير 05-24-2010 11:18 AM
رد: إبتسم... أضحك... نكتة رباطابية تستاااااهل...
 
حلووين
ربنا اروح عليكم ، كما ارحتونا .

تاج السرفوزى 05-24-2010 02:54 PM
رد: إبتسم... أضحك... نكتة رباطابية تستاااااهل...
 
اقتباس:
المشاركة الأصلية كتبت بواسطة اسراء معتصم (المشاركة 10077)
مسطول في نهار رمضان عاملين معاهو لقاء

قالوا لييه تحب تسمع شنو

قال لييهم يا رييييت مقطع من آذان المغرب
الشقيقة الغالية إسراء ربنا بجاه سيدى رسول الله يزيح عنك كل الهموم روحتى عننا شوية بقفشاتك الحلوة ودا بدخل فى بند الكلمة الطيبة صدقة طالما أضحك باكٍ وفرّج عن مهموم
لا أبكى الله لك عين ولا حمّلك هم

علي الشريف احمد 05-24-2010 06:50 PM
رد: إبتسم... أضحك... نكتة رباطابية تستاااااهل...
 
اقتباس:
المشاركة الأصلية كتبت بواسطة اسراء معتصم (المشاركة 10077)
مسطول في نهار رمضان عاملين معاهو لقاء

قالوا لييه تحب تسمع شنو

قال لييهم يا رييييت مقطع من آذان المغرب
دي
قويه جدا

أمة الختم 05-24-2010 10:55 PM
رد: إبتسم... أضحك... نكتة رباطابية تستاااااهل...
 
اقتباس:
المشاركة الأصلية كتبت بواسطة اسراء معتصم (المشاركة 10180)
بري ابرا واستبرا يا اختي
مالك تبري الشوايقة عملوا معاك شنو رد على الجزلان خلوك تبري وتستبري عزيزتي

تاج السرفوزى 05-24-2010 11:48 PM
رد: إبتسم... أضحك... نكتة رباطابية تستاااااهل...
 
اقتباس:
المشاركة الأصلية كتبت بواسطة أمة الختم (المشاركة 10268)
مالك تبري الشوايقة عملوا معاك شنو رد على الجزلان خلوك تبري وتستبري عزيزتي
يا شقيقتنا أمة الختم إستبراء الشقيقة إسراء من البديرى الجاب القوالة

رنا كمال 05-24-2010 11:55 PM
رد: إبتسم... أضحك... نكتة رباطابية تستاااااهل...
 
اقتباس:
المشاركة الأصلية كتبت بواسطة أمة الختم (المشاركة 10178)
قالوا الجعلي ساكن في حلة كلها شايقية يوم زهج مشى قعد جنب البحر طلعلوا مارد قالوا شبيك لبيك اطلب كل ما تريد الجعلي ما صدق قالوا طلبي واحد الحلة دي ما تخلي لي فيها شايقي واحد رد عليه المارد

هوووو ياالجعلى سوينالك شن ؟

(ملوحظة النكتة دي ارسلها لي واحد بديري لكن ما بعيد يكون قريب اسراء)
زعلااااااااانه:j101::j101:

أمة الختم 05-25-2010 12:59 AM
رد: إبتسم... أضحك... نكتة رباطابية تستاااااهل...
 
اقتباس:
المشاركة الأصلية كتبت بواسطة رنا كمال (المشاركة 10281)
زعلااااااااانه:j101::j101:
الحمدلله واحدة شايقية ظهرت عشان ما ازعل براي لكن ما سمعتي بالمثل (المابتلحقوا جدعوا ) عشان كدى الناس ديل يا رنا مامخلينهم نكتة ما الفوها فينا لكن نحن رواسي سامقين زي شجر النخيل هيلنا يجدعونا بالحجار ونرميلون التمر

اسراء معتصم 05-25-2010 10:22 AM
رد: إبتسم... أضحك... نكتة رباطابية تستاااااهل...
 
كلام اخونا تاج السر صاح ابرا من البديرية

سراج الدين احمد الحاج 05-26-2010 10:31 AM
رد: إبتسم... أضحك... نكتة رباطابية تستاااااهل...
 
المداح معروفين بحب العشاء الدسم بعد الليلية
واحد قام عزم المداح فمدحوا مديح شديد لى آخر الليل
يمدحوا . بعد الليليه قام جابلهم العشاء وكان (فطير بى لبن)
اتعشوا لكن ناموا زعلانين شديد لانهم متوقعين اللحم المحمر
والكمونية والدمعه اللذيذة واصناف اللحوم.
وفى الصباح واثناء شراب الشاى صاحب الليلية عندو حمل صغير
كل مرة يمر قدام المداح ويرجع فقام واحد من المداح مسك الحمل الصغير
وقالو ( والله العظيم انت سويت العليك لكن باقى لى الا تطير فوق وتكسر
رقبتك براك زول ضابحك مافى)

تحياتى للجميع

حسن مساوي 05-26-2010 10:56 AM
رد: إبتسم... أضحك... نكتة رباطابية تستاااااهل...
 
الناس دي شغالين في الشايقية شغل جد ونحنا ما جايبين خبر

http://sphotos.ak.fbcdn.net/hphotos-..._5944622_n.jpg

يا أخوانا الشايقية مشهورين بالكرم والجود

بلادي يابلادي اهلا يا بلادي

الف تحية ليكي من الفؤادي

بلادي بلادي اهلا يا بلادي

صدورنا حماية ليكي من الاعادي

بلادي انا بلاد ناسا مواريثم في اول شي كتاب الله

وخيل مشدود وسيف مسلول حداهو درع

تقاقيبن تسد الليل مع الحيران وشيخا في الخلاوي ورع

والله كم نخلاتا تهبهب في جروفا الساق

بقرة حلوبة تتضرع وليها ضرع

وساقية تصحي الليل مع الفجراوي

يبكي الليل ويدلق في جداولو دمع

يخدر في بلادي سلام

خدرة شاربة موية النيل

تزغرد في البوادي زرع

بلادي سهول بلادي حقول

بلادي الجنة للشافوها او للبرّة بيها سمع

بلاد ناسا تكرم الضيف

حتى الطير يجيها جعان ومن اطراف تكيها شبع

تشيل الناس وكل الناس وسع بي خيرو لينا يسع

وتدفق مياه النيل على الخيران

بياض الفضة في وهج الهجير بيشع

بلادي الصفقة والطنبور

داراتا تنح باليل

بنوتا تحاكي الخيل

تشابن زي جدي الريل

وشبالا مكنتل في الطريفو ودع

بلادي بلاد من التاريخ

من تيرهاقا لا عن ميسنا

حتى ان جاي خيرو تروع

بلادي امان بلادي حنان وناسا حُنان

يكفكفوا دمعة المفجوع

يحبوا الدار

يموتو عشان حقوق الجار

يخوضو النار عشان فد دمعة

كيف الحال لو شافوها سايلة دموع

ديل اهلي ديل اهلي

يبدو الغير علي زاتم

يقسموا اللقمة بيناتم

يدو الزاد حتى ان كان مصيرم جوع

ديل اهلي البقيف في الدارة وسط الدارة واتنبر كل الدنيا ديل اهلي

عرب ممزوجة بي دم الزنوج الحارة

ديل قبيلتي لمن ادور افصل ديل فصلي

اصحاب روحي والاحساس وسافر في بحار شوقم زمان عقلي

اقول بعضي الاقيهم تسربو في مسارب الروح

يقو كلي

محل قبلت القاهم معاي معاي زي ضلي

وكان ما جيت من زي ديل واسفاي وا ماساتي وا زّلي

تصور كيف يكون الحال لو ماكنت سوداني

واهل الحارة ما أهلي

اها رايكم شنو

osman alamin 05-26-2010 01:30 PM
رد: إبتسم... أضحك... نكتة رباطابية تستاااااهل...
 
والله انت كده :sm1::sm1::sm1:

أمة الختم 05-26-2010 02:01 PM
رد: إبتسم... أضحك... نكتة رباطابية تستاااااهل...
 
اقتباس:
المشاركة الأصلية كتبت بواسطة أبو الحُسين (المشاركة 10321)


خساااااااارة ما عندكم بحر في الرياض:p:p

[/RIGHT]
ما تزعلى
:j7:
من كلام الشايقى دا بسيطة امشي بحر الزول دا :sm98:
من بدأ المنتدى ما شفنالن سمكة واحدة ولاخلى الصيد وشاركنا بموضوع ولا مشاركة يا جماعة الصياد دا يكون منو ؟؟؟

تاج السرفوزى 05-26-2010 04:51 PM
رد: إبتسم... أضحك... نكتة رباطابية تستاااااهل...
 
اصحاب روحي والاحساس وسافر في بحار شوقم زمان عقلي
يا اخوانا نحنا مش بنقول البلد دى من سنة 89وجاى لو ما الأدب الشايقى خاطب وجدان الناس وخفف عليهم الهموم اللى هم فيها كان بقت عليهم واحد من اتنين لا تالت لهما يا فاتوا يا ماتوا

أبو الحُسين 05-26-2010 05:00 PM
رد: إبتسم... أضحك... نكتة رباطابية تستاااااهل...
 
اقتباس:
المشاركة الأصلية كتبت بواسطة سراج الدين احمد الحاج (المشاركة 10447)
المداح معروفين بحب العشاء الدسم بعد الليلية
واحد قام عزم المداح فمدحوا مديح شديد لى آخر الليل
يمدحوا . بعد الليليه قام جابلهم العشاء وكان (فطير بى لبن)
اتعشوا لكن ناموا زعلانين شديد لانهم متوقعين اللحم المحمر
والكمونية والدمعه اللذيذة واصناف اللحوم.
وفى الصباح واثناء شراب الشاى صاحب الليلية عندو حمل صغير
كل مرة يمر قدام المداح ويرجع فقام واحد من المداح مسك الحمل الصغير
وقالو ( والله العظيم انت سويت العليك لكن باقى لى الا تطير فوق وتكسر
رقبتك براك زول ضابحك مافى)

تحياتى للجميع
:j38::j38: يجازي محنك يا الخليفة سراج :j38::j38:

خليتني أفتفت في المكتب متل الماني طيبي... الله يقرف الحمل الأحرج سيد البيت:winddk::winddk:

اسراء معتصم 05-26-2010 05:04 PM
رد: إبتسم... أضحك... نكتة رباطابية تستاااااهل...
 
مسطول كسلان شاف ولده يغرق قال إنقذني قال له أبوه ماداير تموت شهيد ؟

اسراء معتصم 05-26-2010 05:06 PM
رد: إبتسم... أضحك... نكتة رباطابية تستاااااهل...
 
في بت ماشة المدرسة ناقشة شعرها امها قالت ليها ليه ناقشة شعرك كدة قالت لها اسبوع الشجرة

اسراء معتصم 05-26-2010 05:14 PM
رد: إبتسم... أضحك... نكتة رباطابية تستاااااهل...
 
في اربعة رباطاب مشوا امريكا مشوا مطعم قالوا للجرسون عايزين بيبسي قال ليهم فور ؟ قالوا ليه لا جانجويد

اسراء معتصم 05-26-2010 05:17 PM
رد: إبتسم... أضحك... نكتة رباطابية تستاااااهل...
 
ياجماعة مايكون معانا رباطابي يحجرنا الكلام

سراج الدين احمد الحاج 05-26-2010 06:41 PM
رد: إبتسم... أضحك... نكتة رباطابية تستاااااهل...
 
اقتباس:
المشاركة الأصلية كتبت بواسطة أبو الحُسين (المشاركة 10569)

:j38::j38: يجازي محنك يا الخليفة سراج :j38::j38:


خليتني أفتفت في المكتب متل الماني طيبي... الله يقرف الحمل الأحرج سيد البيت:winddk::winddk:

الاخ الحبيب الاستاذ /جمال
المداح معروفين ايضاً بخفة الظل والدعابة
عليك الله سمعنا حاجة منهم
ودى وتقديرى

محمد عثمان عمر السنجك 05-27-2010 12:06 PM
رد: إبتسم... أضحك... نكتة رباطابية تستاااااهل...
 
ولد مشى لى سيد الدكان .. و قال ليه:" عندك
"حلاوة؟
"..سيد الدكان قال ليه:" أيوة
! "الولد قال ليه طيب أدينا ببسى
الولد مشى و جاء راجع تانى ..و قال ليه :" عندك
"طحنية ؟
".. قال ليه:" أيوة فى
! "الولد قال ليه:" طيب أدينا سكر
سيد الدكان زعل و مشى كلم أبو الولد
و قال ليه:" ولدك دة عذبنا.. يسأل من حاجة و
".. يقول داير حاجة تانية
أبو الولد زعل و قال ليه:" دة ولد قليل أدب
"و لازم يتجلد .. عندك بسطونة ؟
".. سيد الدكان قال ليه:" أيوة موجودة
"أبو الولد قال ليه:" طيب أدينا سوط عنج

اسراء معتصم 05-27-2010 12:14 PM
رد: إبتسم... أضحك... نكتة رباطابية تستاااااهل...
 
:j67::j67::j67::j67::j67:

محمد عثمان عمر السنجك 05-27-2010 12:21 PM
رد: إبتسم... أضحك... نكتة رباطابية تستاااااهل...
 
قال ليك واحد مسطول زار ناس كدة و قاعد يسأل فى بتهم الصغيرة اسمك منو ياشاطرة قالت ليهو : أسماء
قال ليها يعنى مافى اسم محدد










مسطول وقف تاكسى .. و قال للسواق: " يا إبن
"..العم .. تودينى وين .. و أدفع ليك كم ؟
.. بتاع التاكسى زاتو طلع مسطول
".. فقال ليه : " أنزل هنا و أدفع البتدفعه


واحد قام من نومه نص الليل على صوت
الجيران بيصرخوا
قالوا في تسمم في خزانات الموية
رجع البيت سألته زوجته
الحاصل شنو !!
قال ليها مافي حاجة .. إشربي ليك
موية ونومي



شايقي ورباطابي مسافرين
الشايقي شايل اكل كتير
بالليل الرباطابي شايل معاهو
بطانيه اتغطي وخلي الشايقي في
البرد
الشايقي اتغاظ وقعد يقول والله
انا عندي قراصه سمحه وفطير مافي
زيو وبلح كتير لكن ما جعان هسي
اعمل بيهم شنو
الرباطابي قال ليهو اعمل بيهم
سويتر

عوض الفاضل على 05-27-2010 12:56 PM
رد: إبتسم... أضحك... نكتة رباطابية تستاااااهل...
 
الشايقي عندو لوري شاحنو نبق وهو في الطريق قابلوهو رباطة فتشوهو ما لقو معاهو ولا قرش رئيس الرباطة قال ليهم فلقوهو بي نبقو ده نبقة نبقة ، مع كل نبقة الشايقي يموت من الضحك قالو ليه ليه بتضحك ونحن بنفلق فيك قال ليهم اتذكرت الجعلي الجايي وراي شاحن دوم

اسراء معتصم 05-27-2010 12:58 PM
رد: إبتسم... أضحك... نكتة رباطابية تستاااااهل...
 
مسطول شايل تلجة ويقلب فيها كل مرة قال غريبة اصلو ماعرفت بتطلع الموية من ويييييييييييييين

أمة الختم 05-27-2010 05:09 PM
رد: إبتسم... أضحك... نكتة رباطابية تستاااااهل...
 
اقتباس:
المشاركة الأصلية كتبت بواسطة عوض الفاضل على (المشاركة 10705)
الشايقي عندو لوري شاحنو نبق ........... قال ليهم اتذكرت الجعلي الجايي وراي شاحن دوم
قيل نحنا قتيتيييييييين (على قول المصريييين داري على شمعتك تقيد ) إلا الحسادة والشماتة ما هيلنا ..
:006: عِلا يا عوض اخوي باقيلي التشوف قصتك دي هيل منو:006:

علي الشريف احمد 05-28-2010 12:06 AM
رد: إبتسم... أضحك... نكتة رباطابية تستاااااهل...
 
شايقي جاهو ملك وقا ليهو تمنى اي حاجه مني بنفزه ليك بس بشرط بدي صاحبك الدنقلاوي ضعف طلبك ففكر الشايقي وقال للملك قد لي عيني دي ((اجعلني أعور)) واشار لعينو الشمال
شوفو الراجل ده ...:j67::j67::j67:

Mohamed othman omer 05-28-2010 12:46 AM
رد: إبتسم... أضحك... نكتة رباطابية تستاااااهل...
 
اقتباس:
المشاركة الأصلية كتبت بواسطة عوض الفاضل على (المشاركة 10705)
الشايقي عندو لوري شاحنو نبق وهو في الطريق قابلوهو رباطة فتشوهو ما لقو معاهو ولا قرش رئيس الرباطة قال ليهم فلقوهو بي نبقو ده نبقة نبقة ، مع كل نبقة الشايقي يموت من الضحك قالو ليه ليه بتضحك ونحن بنفلق فيك قال ليهم اتذكرت الجعلي الجايي وراي شاحن دوم
اقتباس:
المشاركة الأصلية كتبت بواسطة علي الشريف احمد (المشاركة 10815)
شايقي جاهو ملك وقا ليهو تمنى اي حاجه مني بنفزه ليك بس بشرط بدي صاحبك الدنقلاوي ضعف طلبك ففكر الشايقي وقال للملك قد لي عيني دي ((اجعلني أعور)) واشار لعينو الشمال
شوفو الراجل ده ...:j67::j67::j67:
:rofl:دي حملة قامت على الشوايقة ولا الحاصل شنو يا جماعة والبوست دة عنوانو نكتة رباطابية امسكو في جماعتكم وخلونا...لا لا لا نجهز كوم نكت ونبقى جاهزين للرد السريع هلموا يا معشر الشوايقة :j25:امسكوا قبيلة قبيلة:j48:

محمد عثمان عمر السنجك 05-28-2010 07:18 PM
رد: إبتسم... أضحك... نكتة رباطابية تستاااااهل...
 
اقتباس : المشاركة الأصلية كتبت بواسطة محمد عثمان عمر السنجك [ مشاهدة المشاركة ]


شايقي ورباطابي مسافرين
الشايقي شايل اكل كتير
بالليل الرباطابي شايل معاهو
بطانيه اتغطي وخلي الشايقي في
البرد
الشايقي اتغاظ وقعد يقول والله
انا عندي قراصه سمحه وفطير مافي
زيو وبلح كتير لكن ما جعان هسي
اعمل بيهم شنو
الرباطابي قال ليهو اعمل بيهم
سويتر



يجازي محنك يا السنجك
:j38::j38::j38::j38::j38::j38:





انا ما نسيت يا ابو الحسين ما اقع علينا كمان الوقع علي جزلان اختنا اسراء :j67::j67::j67:

علي الشريف احمد 05-28-2010 07:37 PM
رد: إبتسم... أضحك... نكتة رباطابية تستاااااهل...
 
يجازي محنك يا السنجك
:j38::j38::j38::j38::j38::j38:


الساعة الآن 03:21 PM
صفحة 2 من 4 1 2 34
عرض 40 مشاركات من هذا الموضوع لكل صفحة

Powered by vBulletin® Copyright ©2000 - 2024, Jelsoft Enterprises Ltd.
دعم وتطوير نواف كلك غلا