Ya Mirghani
05-23-2021, 06:49 PM
*فضيحة (سيادية)*
*أسامه عبد الماجد*
*اذا عرف السبب*
*السبت 22 مايو 2012*
* (منع سفر أعضاء مجلس السيادة إلى الخارج، إلا بإذن مسبق، من رئيس المجلس عبد الفتاح البرهان) .. خبر أوردته صحيفة الشرق عالية المصداقية .. خاصة بشأن الاخبار المتعلقة بمجلس السيادة .. وهو أمر يدعو للحيره - ان لم يكن الريبة - اذا ماعلمنا أن الصحيفة ليست سودانية.
* على كل ' مشكورة الصحيفة والصحفية صاحبة الخبر.. ليعرف الرأي العام كيف يعمل السيادي.. بطريقة فيها مساس بهيبة الدولة.. وانتقاص لسيادتها.. وأن سفر الاعضاء طيلة الفترة المنصرمة كان عشوائيا.. وربما كان يعتمد على (المهارات الفردية) لا (المؤسسية).. وعلى (العلاقات الشخصية) لا (المكاتبات الرسمية).
* مؤكد أن الحكومة ستفقد احترامها خارجيا .. وقد تفسر أي دولة استقبلت عضو سيادي أن المباحثات التي أجراها مع مسؤوليها مجرد (طق حنك).. وربما بعيده عن أعين السفاره السودانية.
* الغريب أن التعديل الزم عضو السيادي الذي يعتزم السفر للخارج .. أن يبين في طلبه وجهته وسبب سفره.. وينص التعديل على الآتي (حال كانت الدعوة رسمية، علي العضو متلقئ الدعوة أن يناقش طلب الزيارة في اجتماع للمجلس، وأمام جميع الأعضاء).
*وهذا يعني أن جذء ثمين من اجتماع المجلس المنوط به حفظ الأمن والدفاع .. وصون العلاقات الخارجية .. وغيرها من المهام المتعلقة بمصير البلاد سيهدر في مناقشة سفر أحد الأعضاء.
* فلتت رحلة عضو المجلس عائشة موسى الأخيرة إلى السعودية من القرار .. هب أنها كانت قبل التعديل.. يسألها التعايشي بطريقة لجنة التمكين التي غيبت النيابة والقضاء مسافرة لشنو ؟
* فترد عائشة (انا طولت ماسافرت .. وليه مابتسألوا حميدتي وهو كل اسبوع ماشي الخليج) .. يرد عليها حميدتي : ( هوي يا عشة كدي عيونا مع بعض واضانا مع بعض .. أي زول .. أي زول مايقول كلام ساي .. سألك التعايشي العندو جواز خواجات.. لانه مابحب الا السفر لأوربا).
* ويأتي الرد الصاعق من التعايشي .. ويبدو عليه الغضب :(هو نحن لاقين فرقة في أوربا مع حمدوك الناطي كل شوية) .. ويندب ود الفكي هو الأخر حظه: ( كلامك صاح المفروض يزور الولايات .. ذي شرق دارفور البقت فيها غرامة طعنة السكين بي 300 الف جنية و 6 شهور سجن).
* تصحو القانونية رجاء نيكولا من سباتها السياسي وتتسأل وهل قرار الوالي دا قانوني؟ .. يرد الهادي ادريس (دا قرار بتماشى مع اتفاقية السلام) .. ويعلق ياسر العطا (بالمناسبة دي ياناس الثورية شايف تيار عريض بقول تعيين مناوي حاكم لدارفور مابتماشى مع قانون الحكم اللامركزي)
* يقاطعه الفكي ( دا قرار حمدوك قلت ليكم حقو يركز مع الولايات .. ويخلي الخليج لي وحميدتي) .. وقبل ان تغمر الابتسامة وجه حميدتي يتصدى ابراهيم جابر لود الفكي (حميدتي عرفناه انت مع شنو) .. ويجيبه (انا كنت شغال في قطر) ويضيف (انت طوالي مسافر الدول الافريقية طلبت منك تقلل سفر).
* وبذكاء يسأل كباشي ود الفكي (قاصد شغلك الاول ولا التاني) ولا ينتظر رد الفكي الذي صمت ويذكر كباشي الحضور بأهمية بقية اجندة الاجتماع.. ويفتح الله على العضو المنسي/ شيخ ادريس بكلمه: (ياجماعه باركوها وخلوها تسافر على الأقل تعمل ليها عمره).
* يعتدل مالك عقار في جلسته: (عشان كده نحن مع فصل الدين عن الدولة.. هي مسافرة شغل رسمي عمره شنو).. ويباهي بزيارة لوزير الأوقاف مفرح للسعودية .. لم يؤد خلالها
شعيرة العمرة.
* وينصح الطاهر حجر ' عائشة ويهمس لها (قولي ماشه تشوفي بواخر الماشية برجعوها لشنو) .. ترد بغضب ( انت ماعارف شئ دي صلاحيات مجلس الوزراء وشكلو لجنة تحقيق زمان لكنها لحقت لجنة نبيل اديب).. وتتفحص ببصرها الحضور.
* وبعد ساعة ونصف من الجدل يحسم البرهان الذي يرتب لزيارة دون عم أحد الأمر ويمنح عائشة اذن السفر .. وتشكره وتقول (صدق حمدوك وهو يشيد بتناغم العسكر والمدنيين).. والطاهر حجر عندما لم يجد مايقوله يصفق.
* ينفض الاجتماع ويؤجل بقية الأجندة .. وعائشة (تخمخم) ثوبها يقول لها حميدتي (خليني اشوفك قبل تسافري) .. ويلحقها شيخ ادريس (بالله في الكعبة ادعو لاهلنا في الشرق أنه ينصفوهم) .. ويرمقه عقار بنظره.
* موظف صغير بالقصر يقول لزميله (ايام النظام السابق سفر الخارج كان مسؤولية لجنة صغيرة تعمل في صمت برئاسة وزير دولة).
*أسامه عبد الماجد*
*اذا عرف السبب*
*السبت 22 مايو 2012*
* (منع سفر أعضاء مجلس السيادة إلى الخارج، إلا بإذن مسبق، من رئيس المجلس عبد الفتاح البرهان) .. خبر أوردته صحيفة الشرق عالية المصداقية .. خاصة بشأن الاخبار المتعلقة بمجلس السيادة .. وهو أمر يدعو للحيره - ان لم يكن الريبة - اذا ماعلمنا أن الصحيفة ليست سودانية.
* على كل ' مشكورة الصحيفة والصحفية صاحبة الخبر.. ليعرف الرأي العام كيف يعمل السيادي.. بطريقة فيها مساس بهيبة الدولة.. وانتقاص لسيادتها.. وأن سفر الاعضاء طيلة الفترة المنصرمة كان عشوائيا.. وربما كان يعتمد على (المهارات الفردية) لا (المؤسسية).. وعلى (العلاقات الشخصية) لا (المكاتبات الرسمية).
* مؤكد أن الحكومة ستفقد احترامها خارجيا .. وقد تفسر أي دولة استقبلت عضو سيادي أن المباحثات التي أجراها مع مسؤوليها مجرد (طق حنك).. وربما بعيده عن أعين السفاره السودانية.
* الغريب أن التعديل الزم عضو السيادي الذي يعتزم السفر للخارج .. أن يبين في طلبه وجهته وسبب سفره.. وينص التعديل على الآتي (حال كانت الدعوة رسمية، علي العضو متلقئ الدعوة أن يناقش طلب الزيارة في اجتماع للمجلس، وأمام جميع الأعضاء).
*وهذا يعني أن جذء ثمين من اجتماع المجلس المنوط به حفظ الأمن والدفاع .. وصون العلاقات الخارجية .. وغيرها من المهام المتعلقة بمصير البلاد سيهدر في مناقشة سفر أحد الأعضاء.
* فلتت رحلة عضو المجلس عائشة موسى الأخيرة إلى السعودية من القرار .. هب أنها كانت قبل التعديل.. يسألها التعايشي بطريقة لجنة التمكين التي غيبت النيابة والقضاء مسافرة لشنو ؟
* فترد عائشة (انا طولت ماسافرت .. وليه مابتسألوا حميدتي وهو كل اسبوع ماشي الخليج) .. يرد عليها حميدتي : ( هوي يا عشة كدي عيونا مع بعض واضانا مع بعض .. أي زول .. أي زول مايقول كلام ساي .. سألك التعايشي العندو جواز خواجات.. لانه مابحب الا السفر لأوربا).
* ويأتي الرد الصاعق من التعايشي .. ويبدو عليه الغضب :(هو نحن لاقين فرقة في أوربا مع حمدوك الناطي كل شوية) .. ويندب ود الفكي هو الأخر حظه: ( كلامك صاح المفروض يزور الولايات .. ذي شرق دارفور البقت فيها غرامة طعنة السكين بي 300 الف جنية و 6 شهور سجن).
* تصحو القانونية رجاء نيكولا من سباتها السياسي وتتسأل وهل قرار الوالي دا قانوني؟ .. يرد الهادي ادريس (دا قرار بتماشى مع اتفاقية السلام) .. ويعلق ياسر العطا (بالمناسبة دي ياناس الثورية شايف تيار عريض بقول تعيين مناوي حاكم لدارفور مابتماشى مع قانون الحكم اللامركزي)
* يقاطعه الفكي ( دا قرار حمدوك قلت ليكم حقو يركز مع الولايات .. ويخلي الخليج لي وحميدتي) .. وقبل ان تغمر الابتسامة وجه حميدتي يتصدى ابراهيم جابر لود الفكي (حميدتي عرفناه انت مع شنو) .. ويجيبه (انا كنت شغال في قطر) ويضيف (انت طوالي مسافر الدول الافريقية طلبت منك تقلل سفر).
* وبذكاء يسأل كباشي ود الفكي (قاصد شغلك الاول ولا التاني) ولا ينتظر رد الفكي الذي صمت ويذكر كباشي الحضور بأهمية بقية اجندة الاجتماع.. ويفتح الله على العضو المنسي/ شيخ ادريس بكلمه: (ياجماعه باركوها وخلوها تسافر على الأقل تعمل ليها عمره).
* يعتدل مالك عقار في جلسته: (عشان كده نحن مع فصل الدين عن الدولة.. هي مسافرة شغل رسمي عمره شنو).. ويباهي بزيارة لوزير الأوقاف مفرح للسعودية .. لم يؤد خلالها
شعيرة العمرة.
* وينصح الطاهر حجر ' عائشة ويهمس لها (قولي ماشه تشوفي بواخر الماشية برجعوها لشنو) .. ترد بغضب ( انت ماعارف شئ دي صلاحيات مجلس الوزراء وشكلو لجنة تحقيق زمان لكنها لحقت لجنة نبيل اديب).. وتتفحص ببصرها الحضور.
* وبعد ساعة ونصف من الجدل يحسم البرهان الذي يرتب لزيارة دون عم أحد الأمر ويمنح عائشة اذن السفر .. وتشكره وتقول (صدق حمدوك وهو يشيد بتناغم العسكر والمدنيين).. والطاهر حجر عندما لم يجد مايقوله يصفق.
* ينفض الاجتماع ويؤجل بقية الأجندة .. وعائشة (تخمخم) ثوبها يقول لها حميدتي (خليني اشوفك قبل تسافري) .. ويلحقها شيخ ادريس (بالله في الكعبة ادعو لاهلنا في الشرق أنه ينصفوهم) .. ويرمقه عقار بنظره.
* موظف صغير بالقصر يقول لزميله (ايام النظام السابق سفر الخارج كان مسؤولية لجنة صغيرة تعمل في صمت برئاسة وزير دولة).