المساعد الشخصي الرقمي

مشاهدة النسخة كاملة : مكتبة أولاد حاج الماحي...


حسن مساوي
02-14-2010, 11:41 PM
نعم نعم القام منسرق
زار محمد خير الخلق
يا كريم الحال يتفق
والسان ينطق بالصدق
نذكرك كونك مستحق
الحمد فضلك منبثق
بابك المفتوح ما غلق
ونسألك تيسير الرزق
القلب يا حنان يرق
للرسول بالشوق والعشق
اثني بيك يا نبي الشرق
يا محمد خير الخلق
طه بن عدنان يا حذق
في الوجود قبل ادم خلق
الامين الما بتحمق
حاشا نبي الله ما زمق
وجهو عند الجود ينطلق
ويكرم الايتام بي رفق
وصفو واصل ما بتلحق
كم شحن في بحورو وغرق
حسنو في النبيان باقي شق
ومن جمالهو يوسف فرق
كان بين الناس ان عرق
منهو زاكي الطيب يتعبق
نور جبينو الباهر يبق
وحين يفر تبسيمو البرق
البعير قال جيت منسرق
يا محمد داير العتق
بالعطش والجوع منصفق
حلا سار مسرو منطلق
الجذع يبكي ويتخنق
بالحسار والشق متقلق
البكار قدام الخلق
لي رسولكم جات تنصبق
الكرام فرسان الزرق
ضربهم تب تب مو فلق
آل خيبر راسهم زلق
جابم الكرار في ربق
قلبي طال بالشوق متحرق
نيتي فيكم قولاً صدق
راجي ربي الحال يتفق
ونحن وانتم ما نتفرق
يا الرسول لم ناس الشرق
والغرب وابدوم لا سلق
خوة الاسلام حر و رق
يا كريم في الجاه نندلق
قال بخاف الماحي السحق
وفي الفساد والعيب متخمق
لي ذنوباً وازق وزق
ويا الرسول فيكم معتلق

اسراء معتصم
02-15-2010, 11:59 AM
صلاه عليك ياحجانا سلام عليك يالرسول منجانا
صلى الله عليه وسلم

ود حسن
02-15-2010, 12:02 PM
الله يكرمك دنيا وأخرى وتزوري الحبيب المصطفى عليه افضل الصلاة واتم التسليم

اسراء معتصم
02-15-2010, 12:04 PM
انشاء الله جمعاً يارب

حسن مساوي
02-15-2010, 07:14 PM
السلام عليكم
في هذا الموقع ستجدون الكثير من مدائح حاج الماحي
ارجو ان تستفيدوا منها
http://newsudan.7olm.org/montada-f37/topic-t173.htm

عوض الفاضل على
02-16-2010, 12:08 PM
تسلم يا محب ال البيت
بمدح المصطفى تحيا القلوب وتغتفر الخطايا والزنوب

اسراء معتصم
02-16-2010, 01:04 PM
شكرا ليك يامحب آل البيت

الفاضل على حسين
02-16-2010, 09:33 PM
الشيخ حاج الماحى من محبى ال البيت رضى الله عنه

الفاضل على حسين
02-17-2010, 12:04 AM
الله يودينا الحرم (نمشى الحرم يا حبيبى نلقى الكرم يا حبيبى)

ود حسن
02-19-2010, 03:57 PM
تسلم يا محب آل البيت

حسن مساوي
03-01-2010, 08:09 PM
يا رحمان ارحم بى جودك

يارحمان ارحم بى جودك دلى الغوث ينزل فى بلودك
سم يا فمى اذكر معبودك قول يا واحدا حى فى وجودك
يا مسعد اسعد بسعودك ونحن نصلى على مريودك
*****
يا رحمان ارحم بى برك يا حافظ فى بحرك وبرك
فى وليانك اطلق سرك خل نيشاتن اليتحرك
*****
آمين آمين يا كاشف الغمه جنب ها الدابى تصبحو رمه
تسلط واحد ايدو مدمه يعجل قتلو قبيح القمه
*****
يا الخلفا الحالكم مرضيه يا اهل البيعه العقدوا النيه
التمساح سكن الشايقيه خلو اليروح نسيا منسيا
*****
يا ابن ادريس عدل نيشانك فوق الكل عامر ديوانك
هم يا شيخ الناس حيرانك فى التمساح بين برهانك
*****
يا ابن ادريس شيخنا النورانى يا صاحب الفتح الربانى
يا ابنو العركى ويا السمانى ارمو سهامكم يا فرسانى
*****
شئ لله يا ذات التجلى صاحب السر والفتح الكلى
يا الغوث البى الكون متولى التصريف هيلك عجلى
*****
يا عبد الوهاب التازى يا اب درعا منسوب بى حجازى
التمساح تمساحا خازى درنا العوم ادونا الاجازى
*****
يا الداسوقى وشيخو رفاعى يا حسن التواع كون واعى
الشبلى وشيبان الراعى ارمو سهامكم يا شجاعى
*****
شئ لله يا اهل الدايره يا الفى الكون اسراركم سايره
ارخو السر فى السحره الغايره خلو الدايره التصبح نايره
*****
وينكم لى وينكم يا قومنا سهرانين نحسب فى نجومنا
التمساح حجر لى عومنا ان ما جيتونا عليكم لومنا
*****
وينكم وينكم يا ديله يا اهل ا لحضره الليله الليله
اجتمعوا وخلوا البهديله التمساح احموهو الشيله
*****
وينكم لى وينكم يا كمل يا لحاق فيكم بتأمل
يا الفوت البى الكون اتحمل عرض الدار روح يتهمل
*****
وينكم لى وينكم يا كسر يا لحاق فيكن بدثر
التمساح بلحيل انجسر امرو عليكن ماب يتعسر
*****
شئ لله يا حسن البصرى صهيب الروم ذا النون المصرى
يا الدباغ ابو سرا يسرى يا ابن المحجوب الناس متحسرى
*****
شئ لله يا اب جلابيه يا عثمان شيخ الختميه
يا الصلاح جمله الاولياء التمساح شوفولو اذيه
*****
شئ لله يا راجل البقعه يا اهل الحضره البعد الهجعه
يا الفكى شيخ الهام اب تسعه شيل الدابى تحتكم بدعه
*****
شئ لله يا عبد القادر محى الدين البحر السادر
يا ود زينب قوم لى مبادر يا ود حاج قول جيتكم حاضر
*****
شئ لله يا راجل البركل يا قايم الليل ماب تكسل
يا عايم بالله اتوكل قول للدود من بلدى اتفضل
*****
يا اهل الركب الفات بى ليلو ما فيكم واحدا شاد حيلو
احمد واحمد واحمد شيلو ود عدلان فوق راسو اديلو
*****
يا ياسين يا ود حميده يا اهل القبه الباقيه فريده
انتو ما ابتا طيتو اكيده ما بتغلبكم هذى الصيده
*****
يا رجاله نورى اتلموا خلو الغفله جميعكم هموا
محمد صالح قام بى عمو لطم الدود بالسر فوق فمو
*****
يابا حمدتو اب نايبا شوكه صاحب سر وايدك مبروكه
يا اب نيران الحقنا بابوكا هم يا شيخ الناس زموكا
*****
يا الفكى شيخ العبد الصالح يا لحاق فى بحر المالح
ود بيلى و عووضه القارح وين حاج عيسى القدر الطامح
*****
يا اب شارب واولاد السته امانى عليكم ليش ها السكته
اسمع يا شيخ القول ليك انت جرت الحين فى بلادكم نكته
*****
الزرق ابوات ود حاج موسى يا الكمل ما فيكن دوسه
البلد الكانت محروسه اتحجر العوم والناس محبوسه
*****
يا ود جابر ليك بنادى قوم با خوانك لا البولادى
يا العجمى اب رزقا صيادى اخدوا الشكره العادى العادى
*****
يا اولاد جابر بى عجميكن قوم الخمسه واكربوا سريكم
نادوا اب رابعه وخلوا يجيكم قتل الدود مو قاسى عليكم
*****
يا وراق يجن حوباتك فى التمساح بين آياتك
خلو يصوب من بلداتك لا يتمسخر فى زوراتك
*****
شئ لله يا رجالتنا شرف الدين فرسان المتنه
صالح السلمى اسمعوا كلمتنا احبسوا الدود لا يطل صفحتنا
يا النبى بى جاهك ثبتنا احفظنا واستر عربتنا
اكوى اعدانا وكيد شامتنا فى الدارين اكتب راحتنا
*****
البنيان يا جمله صحابى الغوث يا قطب الاقطابى
الشبلى وبدوى النشابى ارخو السر فى هذا الدابى
*****
على المحبوب صل يوت يا برا عدد مخلوق جميع لا الذره
نظملوا الماحى قصيده وجرا تنجى الامه فى يوم الحرا
*****
صلاه الله عدد ما لبا وقاف الحج وطواف الكعبه
سلاما جابوا الماحى معبا يعم السيد والال والصحبا

محمد عبده
03-01-2010, 08:58 PM
شكراً يا محب ال البيت على هذا النظم الجميل

osman alamin
03-01-2010, 10:27 PM
شئ الله يا أبو جلابية وياعثمان شيخ الختمية

أبو الحُسين
03-02-2010, 10:24 AM
شئ الله يا أبو جلابية وياعثمان شيخ الختمية

دقيقة بس... وأنزلها ليكم بالصوت...

شكراً يا محب آل البيت...

اسراء معتصم
03-02-2010, 01:36 PM
مشكور اخي محب ال البيت ونحيي اولاد حاج الماحي

حسن مساوي
03-05-2010, 10:35 PM
حاج الماحي
الاسم ،،،
الماحي بن محمد بن الشيخ بن احمد بن عبد الله .
المولد ،،، والوفاة ،،،
1194ه وفي رواية 1204 ه بقرية الكاسنجر بيمين النيل من مدينة كريمة على بضعة اميال ، وتوفي بها عام سنة 1287 ه 1871 م ..
الاولاد،،،
رزق من الذكور.. احمد والمجذوب ومحمد وعبد الله وحمزة .. ومن الاناث ..زينب وسكينة ..
وقد ذكر اولاده الذكور في قصيدته (احمد عظيم الشان ):
احفظ لي بناتي وولدي من خسران..
عبد الله واحمد يرزقوا القران ..
حمزة يكون مبارك ربي يا حنان ..
اعطهم المدد في طاعة الرحمن ..
وقد توفى ابنه المجذوب صغيرا، فرثاه بقصيدة ( طالبات النبي المحبوب ) ..
يقول فيها ...
استغفر اليك واتوب ... لا تكتب علي ذنوب
تعظم اجري في المجذوب
........
ينحدر اصله من احدى بطون الجعليين- فرع المسلماب بالعقيدة – قرب الكتياب . وهاجر اجداده الى مناطق الشايقية ..
وقد اثرت طبيعة منطقة الكاسنجر الساحرة بالوحي والالهام فالكاسنجر منطقة زراعية خصبة خضراء تحيط بها سلسلة من الجيال من جانب ومجموعة من الجزر الجميلة من الجانب الآخر وهي فوق هذا وذاك ترقد هادئة مطمئنة على صدر النيل ..وامام هذه الطبيعة يمكننا القول اننا امام صور من الابداع صامتة ، تنادي من يملك اداة التعبير ودقة المشاعر ليرسمها ويصورها لنا فناً اصيلاً ..
و اثر البيت الذي نشأ فيه حاج الماحي ساعد ايضاً على في تكوينه الفني ، فوالده كان زميلاً لشاعر الشايقية الشهير .. علي ود حليب .. اول من عرف من مداح تلك المنطقة .. فالماحي تربي اذاً في محيط يتضوع باريج موسيقى الطار وجمال الصوت والتنغيم ، وفي جو التدين بين والد اتخذ من حياة الرسول - صلى الله عليه وسلم - وسيرته منهجاً وقبساً ، ووالدة تسير على طريق زوجها في مسلك الدين. ولكننا بالرغم من ذلك كله نراه قد خالف خط ابويه في بادئ الامر ، واختط طريقا لنفسه فهو طرق باب الاغاني الغزلية ..
وفي تحوله من الغناء المدائح تحكى قصص وروايات .. لكن اكثرها شيوعا .. تلك التي تتحدث عن الرجل الصالح الذي اتى الى والدته في فجر يوم من الايام فوجدها تخش – تهز – لبناً ... اتاها هذا الرجل في ملابس بيضاء وعليه نور – في التفكير الشعبي هذا الرجل هو نبي الله الخضر – وطلب هذا الرجل من والدة حاج الماحي ان تعطيه من اللبن ، فرجته ان ينتظر حتى تمده بقليل من كسرة القمح فألح عليها في طلبه الاول ولم تجد الى ان تلبي رغبة الرجل .. فشرب قليلا منه وطلب منها ان تعطي ما تبقى من اللبن للماحي مع تفاحات بلح – اي : بلحاً رطباً – كان يحملها معه .. ويقال ما ان شرب الماحي اللبن وتذوق البلح .. وكان قد اتى من حفل عرس .. حتى شعر برعشة تهز كيانه ووجدانه ، و فلم يتمالك نفسه وكسر طنبوره وحلق شعر رأسه .. فسرت الام لهذا الانقلاب الذي طرأ على حياة ابنها ، لانها كثيرا ما انبته على مسلكه .. ويقال ان والدته اخذته الى الشيخ ../.. ابراهيم الرشيد .. مؤسس الطريقة الاحمدية بناحية الكرو ..فحبسه 3 ايام بعدها بدأ حاج الماحي في شعر المدائح .. هذه القصة تستمد شيوعها من مطابقتها لقصيدة " عيب شباب الما سرح " ..
وقد تاثر حاج الماحي بود حليب وتتلمذ عليه دون ان يعاصره واتخذه شيخا له في المديح كما صرح بذلك في شعره ..ووالد الماحي نفسه كان زميلا لي ود حليب ..وبحكم هذه الزمالة الروحية حفظ اشعاره ونقلها ورددها بين اهله .. مما جعل حاج الماحي متأثرا فيما بعد بمدائح هذا الشيخ .. شعرا ولحناً .. ولعل ذلك من الاسباب التي جعلت مدائح حاج الماحي تتميز بفن المربع .. وهو في عرف المادحين يعتد اساسا على الموسيقى الهادئة .. والشطرات المربوعة .. ويفتتح به حفل المدائح النبوية .. والناس عادة جلوس وذلك لتهيئة الجو النفسي للمستمع .. ثم الانتقال بهم الى نغمات اخرى اخف .. ثم الى حماس والناس قد وقفوا ورقصوا على موسيقى الطار ..
ففي قصائد حاج الماحي : .. وا شوقي عليك يا احمد عظيم الشان .. وطريت الماحي وحييت ليلى .. ويا اخوي حليل الدرجوا .. مجاراة لقصائد ود حليب .. وا شوقى على الحجرة ام زباداً بن .. وحليل الماحي وحليل زمنو .. ويا اخوي حليل الدرمسوا ..
كما تأثر بحاج العاقب وود تميم وغيرهم .. وقد ذكر فضل هؤلاء المادحين في قصيدة " صلوا يا حبور " ...
وكان لحاج الماحي زملاء من ذوي الاصوات الجميلة .. يشاركونه في مشاعره الدينية ..ويساعدونه في ترديد مدائحه معه ، وهم كثر وقد اشاد بهم في قصائد مختلفة راجيا لهم الفضل والشفاعة الكبرى من الرسول (ص) ..

رحمه الله ..

أبو الحُسين
03-06-2010, 01:43 PM
جزاك الله خيراً أخي حسن مساوي...

ونهديك والجميع هنا إحدى روائع حاج الماحي "رحمه الله"...

شي لله يا اب جلابية... ويا عثمان شيخ الختمية...

http://www.sudanradio.info/arabic/modules/debaser/upload/mahi/tomsah.mp3

ولك محبتنا وعبرك لكل أهلنا الطيبين بمساوي الميرغنية...

أبو الحُسين
03-06-2010, 01:45 PM
التحية للمرور الكريم...

ونهديكم مع محبتنا... يا رحمن أرحم بي جودك...

http://www.sudanradio.info/arabic/modules/debaser/upload/mahi/tomsah.mp3

والتحية والتقدير للإخوة في الإذاعة السودانية...

تاج السرفوزى
03-06-2010, 09:00 PM
يا رحمان ارحم بى جودك

يارحمان ارحم بى جودك دلى الغوث ينزل فى بلودك
سم يا فمى اذكر معبودك قول يا واحدا حى فى وجودك
يا مسعد اسعد بسعودك ونحن نصلى على مريودك
*****
يا رحمان ارحم بى برك يا حافظ فى بحرك وبرك
فى وليانك اطلق سرك خل نيشاتن اليتحرك
*****
آمين آمين يا كاشف الغمه جنب ها الدابى تصبحو رمه
تسلط واحد ايدو مدمه يعجل قتلو قبيح القمه
*****
يا الخلفا الحالكم مرضيه يا اهل البيعه العقدوا النيه
التمساح سكن الشايقيه خلو اليروح نسيا منسيا
*****
يا ابن ادريس عدل نيشانك فوق الكل عامر ديوانك
هم يا شيخ الناس حيرانك فى التمساح بين برهانك
*****
يا ابن ادريس شيخنا النورانى يا صاحب الفتح الربانى
يا ابنو العركى ويا السمانى ارمو سهامكم يا فرسانى
*****
شئ لله يا ذات التجلى صاحب السر والفتح الكلى
يا الغوث البى الكون متولى التصريف هيلك عجلى
*****
يا عبد الوهاب التازى يا اب درعا منسوب بى حجازى
التمساح تمساحا خازى درنا العوم ادونا الاجازى
*****
يا الداسوقى وشيخو رفاعى يا حسن التواع كون واعى
الشبلى وشيبان الراعى ارمو سهامكم يا شجاعى
*****
شئ لله يا اهل الدايره يا الفى الكون اسراركم سايره
ارخو السر فى السحره الغايره خلو الدايره التصبح نايره
*****
وينكم لى وينكم يا قومنا سهرانين نحسب فى نجومنا
التمساح حجر لى عومنا ان ما جيتونا عليكم لومنا
*****
وينكم وينكم يا ديله يا اهل ا لحضره الليله الليله
اجتمعوا وخلوا البهديله التمساح احموهو الشيله
*****
وينكم لى وينكم يا كمل يا لحاق فيكم بتأمل
يا الفوت البى الكون اتحمل عرض الدار روح يتهمل
*****
وينكم لى وينكم يا كسر يا لحاق فيكن بدثر
التمساح بلحيل انجسر امرو عليكن ماب يتعسر
*****
شئ لله يا حسن البصرى صهيب الروم ذا النون المصرى
يا الدباغ ابو سرا يسرى يا ابن المحجوب الناس متحسرى
*****
شئ لله يا اب جلابيه يا عثمان شيخ الختميه
يا الصلاح جمله الاولياء التمساح شوفولو اذيه
*****
شئ لله يا راجل البقعه يا اهل الحضره البعد الهجعه
يا الفكى شيخ الهام اب تسعه شيل الدابى تحتكم بدعه
*****
شئ لله يا عبد القادر محى الدين البحر السادر
يا ود زينب قوم لى مبادر يا ود حاج قول جيتكم حاضر
*****
شئ لله يا راجل البركل يا قايم الليل ماب تكسل
يا عايم بالله اتوكل قول للدود من بلدى اتفضل
*****
يا اهل الركب الفات بى ليلو ما فيكم واحدا شاد حيلو
احمد واحمد واحمد شيلو ود عدلان فوق راسو اديلو
*****
يا ياسين يا ود حميده يا اهل القبه الباقيه فريده
انتو ما ابتا طيتو اكيده ما بتغلبكم هذى الصيده
*****
يا رجاله نورى اتلموا خلو الغفله جميعكم هموا
محمد صالح قام بى عمو لطم الدود بالسر فوق فمو
*****
يابا حمدتو اب نايبا شوكه صاحب سر وايدك مبروكه
يا اب نيران الحقنا بابوكا هم يا شيخ الناس زموكا
*****
يا الفكى شيخ العبد الصالح يا لحاق فى بحر المالح
ود بيلى و عووضه القارح وين حاج عيسى القدر الطامح
*****
يا اب شارب واولاد السته امانى عليكم ليش ها السكته
اسمع يا شيخ القول ليك انت جرت الحين فى بلادكم نكته
*****
الزرق ابوات ود حاج موسى يا الكمل ما فيكن دوسه
البلد الكانت محروسه اتحجر العوم والناس محبوسه
*****
يا ود جابر ليك بنادى قوم با خوانك لا البولادى
يا العجمى اب رزقا صيادى اخدوا الشكره العادى العادى
*****
يا اولاد جابر بى عجميكن قوم الخمسه واكربوا سريكم
نادوا اب رابعه وخلوا يجيكم قتل الدود مو قاسى عليكم
*****
يا وراق يجن حوباتك فى التمساح بين آياتك
خلو يصوب من بلداتك لا يتمسخر فى زوراتك
*****
شئ لله يا رجالتنا شرف الدين فرسان المتنه
صالح السلمى اسمعوا كلمتنا احبسوا الدود لا يطل صفحتنا
يا النبى بى جاهك ثبتنا احفظنا واستر عربتنا
اكوى اعدانا وكيد شامتنا فى الدارين اكتب راحتنا
*****
البنيان يا جمله صحابى الغوث يا قطب الاقطابى
الشبلى وبدوى النشابى ارخو السر فى هذا الدابى
*****
على المحبوب صل يوت يا برا عدد مخلوق جميع لا الذره
نظملوا الماحى قصيده وجرا تنجى الامه فى يوم الحرا
*****
صلاه الله عدد ما لبا وقاف الحج وطواف الكعبه
سلاما جابوا الماحى معبا يعم السيد والال والصحبا

يا اهل الله الفكيتو حاج الماحى من التمساح فكونا من ورطة المؤتمر الوطنى

اسراء معتصم
03-07-2010, 04:14 PM
يا اهل الله الفكيتو حاج الماحى من التمساح فكونا من ورطة المؤتمر الوطنى
انشاااااااااااااااااااااااااااااااااء ياااااااااااااااااااااااااااااااااااااارب نتفكا قريييييييييييييييييييييييب

مصطفى علي
04-01-2010, 03:21 PM
تشكر الأخ الكريم على هذه المساهمة القيمة
http://www.m5znk.com/up2/uploads/images/m5znk-2115539391.gif

أمة الختم
06-18-2010, 02:45 PM
يا اهل الله الفكيتو حاج الماحى من التمساح فكونا من ورطة المؤتمر الوطنى
انشااااااااااااء يااااااااااااااااارب نتفكا قريييييييييييييييييييييييب

آااميييييييين

ود حسن
06-18-2010, 03:37 PM
اللهم بجاههم انفعنا وببركتهم عمنا ... يديك العافية محب
آل البيت ومحب المشائخ

إبراهيم ميرغني
06-27-2010, 04:20 PM
ياالنبي بجاهك ثبتنا احفظنا واستر غربتنا
اكوي عدانا وكيد شامتنا وفي الدارين اكتب راحتنا

حسن مساوي
07-23-2010, 06:26 PM
الاشقاء عوض
اسراء
الفاضل
ودحسن
مصطفي
مشكورين كتير علي مروركم الكريم

حسن مساوي
07-23-2010, 07:03 PM
صلي عليك ياحجانا

سلام عليك يا الرسول ملجانا
وقتي فى اول بدانا لحاضر ما بيغيب معانا
ورجوت يقبل جميع دعانا يزيل همونا ويكُف اعدانا
سليت بريس الجنانه محمد الفروعو من كنانه
يوم نهار يقومو الخلوق محانه قسم يمين فوقك الضمانه
في ليل ميلاده الرسول الهادي يلوح النور روب كل وادي
يوم فى جوف اليل صدح منادي ياقوم سابقاكم السعادى
الصاحب القامه العديله رسونا ود عزة القبيله
مفتاح الجنة النبي ودليله وبلاهو ما بنهبش سبيله
ود عز من جد لأبيه القواسي كانت تهون عليهو
لوجمال يوسف حكولنا بيهو ده شئ قليل لا نمن بيهو
ومعاجزوا ظاهره ولا نقيمه ولسانو معصوم من النميمه
يوم سرح مع ضمره من حليمه من الهجير كان تظلوا غيمه
كيتين للشقي وعِداوى السمان تلين تحتو ما بتقاوى
يوم بجودو حلا الرهين يلاوى يوم بمسوا كان للمريض بيداوى
بريق ام سور لاحلى من تهامه وطراني نبيا جميله ذاتو
لو ابرهن شافع العصاة يجود على الله بي لماتو
الرجال عبدوا ومدرت مسفارا على المدينة العاجبني سورا
لو نهمل الساحه والبذورة إن شاءالله قبل الممات نذوره
بشير الخير لنبيهو غنا وفى الرسول حسّن المظنه
يوم بدور حضورك نهار زعلنا وسمعنا بي موسي بيك تمنا
صلاة ربي على المهنا وسلامي كالقطر مالو ونا
عدد ثواب الفرض والسنة ليك نهدي قول قبلنا

حسن مساوي
07-23-2010, 07:05 PM
فوق سديس


نظم : الشيخ حاج الماحى
:::::::
فوق سديس لزيارة السيد ياجليس نيتى قبل الموت
ياعليم بالمخفى الدسيس يا امان الخوف يا انيس
نيتى فوق مكلوفا سديس لزياره سيد اويس
ثانى جبت القول بتفريس للرسول مشهود ما دسيس
ينسبق كالدرالنفيس كيتين للكافر التعيس
يوم نهار مكلوب الشمس والامم واقفى محابيس
جاء الرسول سيد موسى وادريس
المرقى غالى الجنس المقدس سر وتقديس
للرسل والنبيان رئيس فى جنات الفراديس
السوا الكنز الدسيس معجزاتو كثار مالا قيس
ان مرقب الوادى اليبيس ليهو تلك الحين يبقى ديس
قلبو فيهو الجود مغرس كفو كان للعطى ما بيقيس
المنير فوق ابا قبيس خرشافو الغالى ورخيس
جبر المكسور بالمسيس وفتح العميان بصرو ليس
النبى كان يبارك الزاد باللمس ويرحم العدمان ومفلس
اب جهل منعول قولو بيس الشقى الكلب المطيميس
ضل هو وقومو المعاكيس ودرم غشاهم ابليس
مرحب الصديق الجليس قام عمر بى رايو السديس
والحبر عثمان للدرسو للشدايد كرار عريس
ستاتم للرؤؤس دواويس قامو دينن ماتحانيس
ربى الم سته وسبعه كيس واشرى جملا كبيرى تيس
جانا بابور تالا السويس بى رواج نكرى الواويس
فىالشروق امره غير هلس قابل البدوان المعيس
امشى اشوف حرمو اب حراريس عند ضايف ليلة الخميس
جيه الاخوان لامويس الغرب وام دوم والرويس
قال بخاف الماحى الماحى تجريس من نكير وضربو اب فراديس
صلاه وتسليم مالا قيس بعدد علم الله النفيس
عند رقيب تكتب كراريس وتمحى سيئات المراريس
فوووق سديس لى زيارة السيد ياجليس
نيتى قبل المووووت

حسن مساوي
07-23-2010, 07:06 PM
*^* الحجاز فيهو البريدو *^* (http://www.ncsahoor.com/vb/showthread.php?t=1941)
نظم الشيخ / حاج الماحي (http://www.ncsahoor.com/vb/showthread.php?t=1941)


*^*^*^*^*
الحجاز فيهو البريدو
الله يدني لي بعيدو
*^*^*^*^*
بادي بي الله القصيدو
بي الكريم ربي المجيدو
حكمو جاري على عبيدو
جل يفعل مايريدو
*^*^*^*^*
بثني بي النبي البريدو
العظيم عند الله سيدو
فيالقيامة نهار وعيدو
و الله سووا الريسة في ايدو
*^*^*^*
سيدي يوم الهم شديدو
كفو يطفي النار بعيدو
خيرو لي المخلوق عديدو
جاهو عم الرسل هيدو
*^*^*^*
صادقاً في القول رشيدو
ومن مجالسو يستفيدو
فايق القبلو ونديدو
والخصيم يكوي و يكيدو
*^*^*^*
الوحوش في البر وصيدو
و الطيورتالفو و تريدو
النخيل شال مستقيدو
تاق و ميح بي جريدو
*^*^*^*
النبيالمصباح بريدو
للجنان مفتاح بريدو
سيدنا يا مداح بريدو
قوموا ليهو الراح بريدو
*^*^*^*
سيد الأملاك بريدو
شافع الادراك بريدو
قبرو في أم شباك بريدو
يا الامين قوماك بريدو
*^*^*^*
سيد الوراق بريدو
نورهو البراق بريدو
فيˇ قيد مشتاق بريدو
حلو يا خلاق بريدو
*^*^*^*
شوقو جالب الناس بريدو
من صليح دار الصعيدو
حرك الزول من بليدو
يفرق الابو من وليدو
*^*^*^*^*
رب سألك يا مجيدو
نيتي اجلس في مسيدو
امشي شوف شباك حديدو
في المدينة اوافي عيدو
*^*^*^*^*
عبد الماحي البليدو
خايف الموت الشديدو
يالرسول احضر وعيدو
خت يمينك فوق وريدو
اخوتي الهنا والبعيدو
من عرب حاج لي اب سعيدو
اكرم الخير حبو زيدو
و الامين فوق حقو زيدو
*^*^*^*
الصلاة بلا و عديدو
و السلام كل حين يزيدو
عد ما علم المجيدو
للنبي الحباهو سيدو
(http://www.ncsahoor.com/vb/showthread.php?t=1941)

حسن مساوي
07-23-2010, 07:07 PM
من مكة سارى
نظم الشيخ / حاج الماحي
*****


من مكه سارى للبريدو شوقى وحسارى
***
ياربى البارى ليك أفتقارى شوقى وحسارى
جود ياغفارى دوبا ومحص لوزارى
***
ثنيت مسدارى فوق الخيارى
يومانكسارى النبى أحمد جبارى
***
ليل يوم السكارى وكمان شابو الصغارى
كنزالدخارى النبى لينا بيضارى
***
ليل عند الكبارى وكمان أهل العبارى
وجهه وقارى النبى يغفى النهارى
***
لينا ماحى الوزارى وكان للغيم يبارى
نطق الجدارى وكمان صم الحجارى
***
ليل من مكه سارى وكمان شاف ناجى البارى
ود الفخارى النبى حاز وأستخارى
***
لينا قال البخارى النبى ركب الحمارى
يسعى ويشارى وكمان خاطبي الإبارى
***
ليل من شدو شارى كمان عتق بدارى
شق الغفارى فات البحارى
***
ليل نمرق نكارى وكمان عرب الشبارى
نحرم منارى وكمان أبرد حسارى
***
ليل الماحى طارى وكمان خايف الوخارى
قول أنت بارى النبى من أمشرارى
***
ليل مدحك تجارى وكمان شغلى وكارى
لولاه حارى وكان مقطوع خبارى
***
ليل صليت لسارى وكمان تسليم جارى
عدد الاقطار وكمان موت البحارى




http://www.tawtheeg.com/vb/mwaextraedit2/frames/br4.gif

حسن مساوي
07-23-2010, 07:08 PM
فوق مطايا

كلمات حاج الماحى

اداء اولاد حاج الماحى


فوق مطايا اسرى الليل لحجايا
العاجزين العرايا
عدمانين السعايه
قول ببركه حجايا
وصارت ناسا غنايا
تلك الحين للغلايا
لز الغيث السمايا
انت الساس والبنايا
انت الظل والغطايا
انت صباحى و مسايا
دافع الشروالبلايا
وللاسلام باقى تايا
ياطبى ويادوايا
ياقوتى وياشفايا
وكابى وشدة قفايا
ياحرزى من الازايا
بيك الله اراد نجايا
فى مقصودى ونوايا
اسرى الليل فوق مطايا ا نشاء الله انزل والقى الرمايا
شرقى المرمن بدايا
فى وبان الضحايا
فرض الحى نقضى غايه
اقدم لى يثربايا
ولى مروادالعمايا
سرقلبى ونور ضيايا
شوفتو بتبرد حشايا
جاب الماحى النهايا
عبدفاعل الخطايا
جيت واقع بالمعايا
بى والدى وجنايا
وجيرانى ونمسايا
والاخوان واصحبايا
والاسلام جمله غايه
قول الكل فى حمايا
الصلوات ايه ايه
والتسلين عد دمايا
عدريح الصيف والشتايا
عدالحب والنوايا
والبتا والشرايا
والمرمدوالسنايا
والحنتوت والارايا
والعيش والسعايا
صنف الطير للقطايا
مافى الارض والسمايا
علم الله لانهايا
ليك ياخير البرايا
اقبلا ورد لى جزيا
للمحبوب فوق مطايا
اسرى الليل لى حجايا

حسن مساوي
07-23-2010, 07:08 PM
صاحب النصر

حاج الماحى

:::::::::::

صلاتى لامدت العمر ضنانى شوق صاحب النصر
شرعت فى اول السطربعالم السروالجهرهوالذى ينفع ويضر
اتانافضلابلاعبرورزقن لامدت العمرنحمده ونسرى بالشكر
ثنيت بواسع الصدرشفيعنافى موقف اب هجرنهارلاينفع العذر
محبسين والعرق يخر اتى البشير سلى كالامر لواه ظل للجميع ستر
فى يوم البعث والنشروجوهنافى حاله كترعلى سراط رقيق حدر
اتى النبى اللقلوب يسر
كرقناجاهو البلا قصرشفاعتو لى شارب الخمر
مصفى هاشمى وقريشى حرسلاله العز والفخر
معظم الشان والقدروجبين لاخافى للبدر
فطامو احلى من التمرمفلجا والثنايا قر
حسين الخلق البلا قهر ونافى للظلم والفجر
حاشا مابيجور يخدم العشريمينو مهجور من الصبر
عمامه للصايبو الفقر اتالو بعد العسر يسر
معاجزو المالهن عبر بى مسو ضرع العجوف يدر
له المنير ينقسم يخردخل فى الغار لامو بابكر
نسج له العنكبوت ستر ركة الحمام كى للكفر
صاحبتو الدين نشع جهريشققو الحافى للزمر
يجاهدو لا ساعه الظهر ضنانى شوق صاحب النصر
على الصميم فى الملاذ يكر مكرما فوق وشى النصر
حسارى زاد قلل الصبروحرقنى فى جوفى كالجمر
صلاتى لامدت العمر
بشاشى الى مالقيت ختر شبابى راح مسنى الكبر
منايا احادى القطار وجرولم لى عبادى للخبر
نزلنامن قوش شرينادر
ساقن الجمال دقن الكدر ونزلنا كارينا لى ابكر
وقطعن بحرا مياهو مر
يجونا زملا البدو الحمرطلعنا بى جنبو عدسمر
وصلنا دارا تقى وطهر دخلنا دارا تقى وطهر
نزور قمر يثرب البدر مقامو نعمه وكواكبو در
عبيدك الماحى جاب شكربخاف من الغيبه والحزر
اغثنى فى حال السكراموت شهيداعظيم اجر
مع السؤال يسهل الامرحواك انثنى فى القبر
صلاه وسلام بلاعبرعددثواب ركعات الفجر
القيام مع الشفع و الوتر سباع والطيرلى اب الدبر
الفرات وسيحون ونيل مصر
صلاتى لامدت العمر
ضنانى شوق صاحب النصر

حسن مساوي
07-23-2010, 07:09 PM
عيب شبابي الما سرح

الشيخ المادح حاج الماحى

عيب شبابي الما سرح والله لأب شوقاً جرح

قام العِبيدْ من نومو صَحْ لقا جنبو لبناً في قدح
سَمّى وشِرب زيّن اتنتح حمد الإله حالو إنصلح

جَدْ في السؤال لى ربّو لَحْ قال يا كريم بابو انفتح
أعطوه تفاحات بلح حين ذاقا قال دمّاعو تح

رادلو الجليل قلبو انشرح طاب قلبو مسرور بالفرح
جاب لى شفيع الناس مدح شتمو الهبيش دق ونبح

السمعُو في جوفو انجرح من شوق حبيبو يسوي أح
قام همّل العقبات رَوَحْ في شرقوا بالوديان سرح

شاف كوكبو الضاوي إتضحْ في الروضة فوق غوفو انبطح
شاهد رجالاً غير جٌنحْ ماسكا الدلائل والسِبحْ

ثنيتو بالنبي النَصًحْ الدينو للبلدان صَلَحْ
صادق اللسان الما فَشَحْ بالحق يقول حتى إن مزح

والله مثلك ما نجح بالرسلي ميزانك رَجَحْ
يومت وجوهنا بِقتْ قَبَحْ جاهك يعم الاتفضح

نوراً قديم في الكون سَطَحْ صلى الأله ليهو ومَدَحْ
في مكة جاب لينا المِنحْ في طيبة قبرو الانطَرحْ

الدنيا خيرا يزول لِمحْ تعكس عليك بعد الفرح
يا ناسي فرضك وانسدح الموت وراك إن طِرْ سبحْ

كم من عزيز فات وإنشتح بارودو يبكي تَرحْ تَرحْ
حين يومو تَمْ قَنَت وقح ْ في غفلة جا اللفّاح لَفحْ

كم من شباب قالب الكشح فوق البريم لابسا التَلحْ
راح في التراب فوقو إنكتحْ زيو المليحْ غَبّا وانقبحْ

يا الماحي كسلك ما بيصح شوف الدقوني الفوق نَجَحْ
رحم الله للعاقب بَرحْ في وصفي انا الدون والأشح

يا ربي صلّي كما شرحْ تسليمي عد برقاً لَمحْ
عدد العنب عدد البلح للمِنْ بهامو النيل طمح

حسن مساوي
07-23-2010, 07:10 PM
الدنيا ولت

نظم : الشيخ حاج الماحى
اداء : اولاد حاج الماحى

:::::::::::::::

الدنيا ولت والله العظيم اخبارو قلت

نفس الماحى ياخوانى ولت فى الهوى واللعوب شرب وعلت
عد الشيب دنت للاخر ولت راحت شدتا الفى عضاها قلت

شوفوا الدني يخوى ولت كم هانت عزيزا ليهو ذلت
ماسك فيها بى حبلا متلت اصبح منقطع محسور مسلت

كم غشت رجالاليها زره قالت ليهها هذا شطيرى در
تم الكاس شرب عقلوا استسر فى الحين تتقلب وتبقلو مره

كم هانت صعا ليكا صناقى تشرب تبسط تضحك تقاقى
كم غشت رجال ليهن طواقى فارقوا للحبايب والسواقى

القول ليك يالشايل كتابك فى المجلس تصور لى خرابك
خاف من الله وختشى من عذابك ان لاقيت ربك شن جوابك

توب ياهذا واجلس فى مسيدك طيع الله واعبد المولا سيدك
لاخوان لا تكتر شديدك واصلن البعاديك والبريدك

عند الا صفرار بقيت عقابا ولت وادبرت وموعود خرابا
ان كان ياالعبوس عندك لبابا كنتى تدومى للنبى والصحابه

شوف الماحى من كتره حماقتو طربان فى العبوس نا خلا قاقتو
الكان مو نقاص عقلو شلاقتو وين شاف المريض بى يطب رفاقتو!!

يامولاى صلى كما امرت ان عذبتا وان شيت وغفرت
مردوف السلام لى من امرت كونو هو الشفيع وانا اعتذرت

حسن مساوي
07-23-2010, 07:11 PM
ياماشى للشروق

نظم الشيخ : حاج الماحى

اداء :اولاد حاج الماحى

:::::::::::

ياماشى للشروق شيل لى السلام مطبوق
كان قيدى مُو مغلوق والله ناوى اسوق
****
بسم الله ياشفوق ياخالق الخلوق
يسرلنا الرزوق نجمع لنا حقوق
نقوم نحادى النوق نحملن علوق
عمودنا يمشى روق
نقيم الليل نسوق نسريبا للشروق
****
اثنى الكلام مطبوق للصادق المصدوق
القلبهو شفوق الزال لناالمحوق
المسخى والفسوق الكفهو مطلوق
ما كنَّ لى حقوق
كان بابو مو مغلوق للسايح المريوق
****
فى الحرى والواقوق صافى الخلوق روق روق
شاخصة العيون لافوق يجرى العرق سبلوق
ضجت وقاف السوق العاصي صاح مغلوق
النار لسانا توق
جاه اب علامه يحوق
لولا العلينا شفوق والله مافى مروق
****
الجسمهو معبوق فوق الدلال مدفوق
تبسيمو كالبروق على البدر يفوق
يكيل صبى الموق العزو مو ملتوق
صاحب هديه النوق
سيد البراق ام طوق ياخوى عليهو الشوق
****
اصحابو ماهن جوق فرسان تنادل العوق
صديق مع الفاروق عثمان الوفا يسوق
الليث على المذموق ملاّكا جابا ربوق
باعن رفيق فى السوق
الطير كبود وحلوق قط ما صبح مريوق
*******
يا اخوانى طال الشوق يبكى المحب معشوق
فاتوا الرجال بى فوق سايحين لباسا دلوق
قيد اللبيب مغلوق صايبو الكسل موثوق
عازم يدورلو مروق
يارب يكون مطلوق
سيد المدينة ام سوق عن بابو اقيف واتوق
****
الماحى يامحموق فعلك جميعو فسوق
دينك ضعيف متلوق حالك عليك مسروق
ان كنت ماك محوق ليش ما بتحادى النوق
قاعدعلى ام فاشوق
للسخرة والماروق
سَوْ مدحو ليكَ مَتُوْق ان كان تسير معتوق
****
بختم صلاتي تفوق ثم السلام مطبوق
كالطيب عبيقو يفوق عد الزرع والسوق
****
ماقام غروب وشروق الطير قطا وغرنوق
لى شافع المخلوق واصحابو جمله تحوق

حسن مساوي
07-23-2010, 07:11 PM
متين يا عاشقين
الشيخ حاج الماحي

***************

متين يا عاشقين نحدا الجمال
على بلد النبي العتق الغزال

بديت بي ربنا النافي المثال
طرح للارض راسيها بجبال
رفع سمواتو سبحان ذو الجلال
العدم يا باقي في حقك محال

ثنيت بالاسمو ميم حا وميم ودال
قرن بي اسمو في اسم الجلال
على الرسل اجمعين ميزانو مال
يفوق داؤود ويوسف بالجمال

وضع في مكة من نطفة حلال
مركب فرعو في الناس الوصال

عفاف اماتو وابواتو الدلال
ليوث الحرب فرسان القتال
طاهر المنكبين طيب السلال
واعذب ريقو احلى من الزلال
مفلج سنه اصفى من الريال
وفر تبسيمو برقاً لاح وشال

نبياً حاشا مو سلطان كيال
نبياً لا ظلم لا فل مال

غير ذكرالله ما عندو انشغال
ظهر شاع دينه للسد والجبال
عرج للحجب داسن بالنعال
وذات المولى شافو على الكمال
ناجى الباري محمود الخصال
خطب واتانا باحكاماً عدال

صحابتو الجملة ما فيهم خيال
يسوقو الحافلة في خيلاً قلال
يهينوا المشركين اهل الضلال
يهدو اصنامم العبدو الهبال

نسيم القبلة هب لي شمال
شغف عقلي بقيت ما في بال
طريت يا اخواني نخلاً مو طوال
شراهو وسوقو لينا ان شاء الله فال

متين يا عاشقين نحدا الجمال
على بلد النبي العتق الغزال

نشوف ام قلة كيف براقا شال
نجلس الروضة واركانا الظلال
طلع نباهو في موضع بلال
شهر اذانو فسر فيهو قال

حضر الوقت قربو يا عيال
تبين ام قلة تضوي كما الهلال

نزلنا بجدة والربان قال
يقرب جملة الفي ايدو مال
مشرع لي مصاريها ام حبال
سواكن جينا بي بهجة ودلال

يقول الماحي يا صادق المقال
بخاف الموت واملاك السؤال
وقيع بالخوة والوالدين وخال
معاك سكنا في جنات بلال

بعد الابل والخيل والبغال
والطواف والحج علي عرفة ام رمال

حسن مساوي
07-23-2010, 07:12 PM
الهي صلي على الخيارا
*********
الهي صلي على الخيارا محمد الجانا بالبشارة
شرعتو مدحا باسم ربي إلهنا المنهو الجبارة
واحد الحق جلالو جل وفي غناهو العباد فقارا
ومالك الملك والملوك وجاعل الليل والنهارا
دحا الأرض بالجبال رساها رفع سماها حاكم البصارة
ثنيتا بي صاحب الرياسة محمد الأتى بالنذارا
شفيعنا يوم موقف القيامة نهار يقوموا الخلوق حيارى
ملجمين بالعرق عرايا وشاخصات العيون سكارى
من العلينا جميع بكينا محانا طال الوقاف فتارا
على الرسل جملتم شكينا بلاهو ما عندهم قدارا
وبعد ذلك أتينا عيسى وقال يا أمتو البشارة
يا قوم ذك الرسول محمد وصاحب الشامة الأمارة
مشينا زفة على المصفى جلى الوجوه بعد غبارا
حبيب لي ربو خر ساجد وقالوا قوم هيلك الخيارا
وأنت يا الشافع المشفع تنال مرادك في ذا النهارا
نعيمي بيك وخلقتو ليك على الأمم أمتك بدارة
مع عجبنا يزيد طربنا يزخرفولنا الثمان ديارا
معاهو فزنا نعيم حزنا لابس العز والافتخارا
مسك تراب الحسان شبابا صبايا عين كلهن صغارا
بناها عالي وسكونا فالى بناها لا نسوم ولا تجارة
بناتا بكر طعاما سكر عقودنا اللولي والكنارا
وجوها تضوي وحجولا تعوي وتدهشك من حسن وقارا
وقت يجنك يعجبنك مساويات ما فيهم قصارا
في كل اصبع مسوي خاتم تجيك تال ايدى بالسوارا
ولا في ضربا ولافي حربا ولافي غصبا ولا في غارة
يجيه المسلمين جميعا صليحو فاز كردفان وبارا
سواكن البر صعيد وسافل شروق غروب لعرب فزارا
بجاهك إخواني بيك تمنو اويس مع شندي والحوارا
ولد سعد ود بليل وصالح يفوزا في زفتك بدارا
لبيبك الماحي فيك ظنو عبيدك العايب الخسارا
ذنوبو خايف يجرسنو طبايعو افسل فيهن حرارة
نهار سقيم شفو أعفو عنو عند الممات لا يضوق مرارا
في قبر حور يآنسنو مطيعة ما بعرفن الضرارا
صلاتي ترضي بعد فرضي عليك يا مركز الحيارى
نبات الأرض نبق وقرض تفوق على القطرة والمحارة
تقول في عرض حوين تقضي لبيبكم عاوز الإجارة

حسن مساوي
07-23-2010, 07:13 PM
قصيدة شوقك شوى الضمير
الشيخ /حاج الماحي رحمه الله
.......................
شوقك شوى الضمير أطراك مناي أطير
أنا حابك من صغير بريدك يالبشير
***
بسم الله يا قدير يا عالي يا كبير
يا جابر الكسير دبرنا يا بصير
بي أحسن التدبير من فضلك الكثير
جود يا كريم بي الخير
أنصرنا يا نصير
ويسر لنا العسير
ثنيت بالبشير محمد النذير
شفيع القمطرير يوم موقف الهجير
والشمس تستدير يجري العرق خرير
تتفلت أم زفير جانا النبي الأمير
بي كفو حين يشير يخمد حمو العسير
***
يا فمي جيب تشكير لي الكمل أهل الخير
ناس سيدي بابكر
كان للرسول وزير
الفاروق مع الحبر
لا زالوا بي تكبير
الرابع القاهر كرار علي الظاهر
زام صدرو بالكرير بي سيفو ذو الفقير
كم رامي لي زنطير قال فاسق الحمير
أخير لنا الفرير قاليهو يا خنزير
ما بينفع التعذير جنزر كلاب النير
ملاهم جنازير
***
وين ستت التدبير السامو للعمير
ناس طلحة والزبير سعد و سعيد صفير
ياعبيدة العمير عمار بن ياسر
الكندي متبدر ضرغام ضرار شاطر
سيدي ابن عوف عاشر كاد بولس العوير
ابن الوليد نادر في حمزة يستتر
هو الحلل الكشير الصقر اب قراقير
فوق العلوج نفير
***
ياخواني لا البااقير لا قوز البسابير
مويس والسناهير السيال مع الجوير
كرقوس والمغاوير الدامر والعشير
الباوقة و البنقير مقرات مع اب سدير
بي داير المناصير جيراني الكجاجير
قريب الكواوير جريف الحواج نير
سقاي ولاد بشير عمران و السواعير
دويم ود حاج شهير تنقاسي و القرير
الدتي و الحجير حلة ولاد بصير
جزيرة ود سرير عربان الهواوير
في أبقش التجاجير لاتنس الجبابير
سوابق والبدير لا أرقو و الحفير
ابريم كنوز والدر مايشوفو زمهرير
في زفة الوزير
***
صليت ألوف تكرير سلاما غير تعبير
بي عد التفاسير عدد الدواب و الطير
الصقور و الزرازير الجراد و العصافير
ونبات و العتامير القوي والقرير
الحنطة و الشعير من عبدك المحيسير
الماحي المغيرير خايف من الكرير
يوم يقطع الفرفير داير الرسول يحضر
عن ضمة القبير يحبس سؤال نكير
في بيتو مستتر لا يومت النشير
في تاجك ننحشر

حسن مساوي
07-23-2010, 07:14 PM
الحليم

الحليمَ صاحب الخُلق العظيمَ الفي طيبه
هب نسيمه جوف الليل صرت ازيمه
اشفي قليبي السقيَم غير سوحو ما بقيمَ
احسن اقوم اتوجه لى شروقو الفى طيبه
نبي الله الحالى ذوقو رحيما بينا وشفوقو
بلودو ابطل دين اليهودو خير الله الودودو
لا حنلوا فوق خدودو
طال الاكوان نوروا جاب الخير والسرورُ
حامد ربُ وشكورُ زال الشوم والشرورُ
صاحب التاج والعمامه المخصوص بالزعامه
يوم فى الغار جو اللئما باضت فوقو الحمامه
صاحب الجود والصخاوه الجالس ليهو نامه
المسك ليهو اواى في مجلس ليهو ساوا
هاك من آيهُ الجزيله درا الشات الهزيله
جاب الامطار كفيله إلى أن قالولوا زيله
يا لسان قول يا الاصيلا اشكى حالتى العليلا
في ظل تاجك نقيله نشرب من سلسبيلا
فى بدر النصر بانت وجات الافلاك اعانة
ديل اصحابو الحسانه فرق جيش الكهانه
صلى المولي العظيمَ على المختار الحليمَ
عد ماهب النسيم بخيت محتاج فيك عشيمه

حسن مساوي
07-23-2010, 07:14 PM
سمح الوصوفو

سَمح الوصوفو يا رب نشوفو حَرَمو وسُرُوفو ..نَعقِبْ نطوفو
الماحي سَمّ ونقّر دفوفو *** مَدحاً مُوزّن ..فوق الحُروفو
بالألف. الله ربي اللطوفو
بالباء . بهلّو الأسرار في جوفو
بالتاء. توانى مِسْكو العَسوفو
بالثاء. ثنايا بَرقاً خَطوفو
بالجيم . مجمّل سمحات وصوفو
بالحاء . حُيُالو ضرع العجوفو
بالخاء . لخلقو ينظر يشوفو
بالدال . دَواياَ للصايبو جوفو
بالذال . لى ذكراً شاع في الخيوفو
بالراء . رءوفاً للناس عَطوفو
بالزين . لى زياً يوي العَكوفو
بالسين . يساعد للكان لهوفو
بالشين. شفاعتو يوم الوقوفو
بالصاد . صحابتو شايلين سيوفو
بالضاد . يضوّي بين الألوفو
بالطاء . مُطهّر قلبو الرؤفو
بالظاء. يظِلّو الغيم رفوفو
بالعين . علامتو فوق الكتوفو
بالغين . غَفَرْلو وأمّن لى خوفو
بالفاء . فصيحاَ للسر كَشوفو
بالقاف . يقفّل باب الخسوفو
بالكاف . لى كفاَ ينبع سُرُوفو
باللام . لِماهو يا رب نشوفو
بالميم . معاهو يوم الوقوفو
بالنون . نروّح لى ذاك غوفو
بالهاء . نهاجر ونسعى ونطوفو
بالواو . ولامِن آخر الحروفو
بالياء . يمينو يكرم ضيوفو

ود بدق
07-25-2010, 09:17 PM
واصل هذا العطاء محب آل البيت

bet alkhalifa
07-26-2010, 07:44 AM
حبيب لي ربو خر ساجد وقالوا قوم هيلك الخيارا
وأنت يا الشافع المشفع تنال مرادك في ذا النهارا
نعيمي بيك وخلقتو ليك على الأمم أمتك بدارة
مع عجبنا يزيد طربنا يزخرفولنا الثمان ديارا
معاهو فزنا نعيم حزنا لابس العز والافتخارا

الفاضل/محب اّل البيت
ربنا يجزيك خير كثيراً ويديك لما يرضيك .....على هذا العمل الطيب المبارك فى جمع هذه القصائدة الرائعة فى مدح المصطفى عليه الصلاة والسلام.
وربنا يجزى عنا (الحاج الماحى) خير الجزاء واسكنه الفردوس الاعلى على روائعه وابداعاته فى مدح الحبيب المصطفى عليه الصلاة والسلام.

حسن مساوي
07-26-2010, 08:40 PM
الفاضل/محب اّل البيت
ربنا يجزيك خير كثيراً ويديك لما يرضيك .....على هذا العمل الطيب المبارك فى جمع هذه القصائدة الرائعة فى مدح المصطفى عليه الصلاة والسلام.
وربنا يجزى عنا (الحاج الماحى) خير الجزاء واسكنه الفردوس الاعلى على روائعه وابداعاته فى مدح الحبيب المصطفى عليه الصلاة والسلام.


بارك الله فيك الشقيقة بت الختم علي مرورك الكريم

وردودكم وتفاعلكم هو الدافع لنا لبذل المزيد

علي الخليفة عمر
07-26-2010, 09:07 PM
نعجز والله عن الشكر ..... جزائك الله عنا خير الجزاء

حسن مساوي
07-26-2010, 09:41 PM
بارك الله فيك علي الخليفة وردودكم ومروركم يجعلنا نبذل المزيد عشانكم

عمار محمد
07-29-2010, 09:56 AM
والله يا محب آل البيت لقد أثلجت صدورنا بهذه المشاركات زادك الله محبة في آل بيت النبي وبارك الله فيك

لو ممكن طلب:- قصيدة يا محمدا ويا حبذا لو دعمها أخونا أبو الحسين بالتسجيل

حسن مساوي
07-29-2010, 12:45 PM
والله يا محب آل البيت لقد أثلجت صدورنا بهذه المشاركات زادك الله محبة في آل بيت النبي وبارك الله فيك

لو ممكن طلب:- قصيدة يا محمدا ويا حبذا لو دعمها أخونا أبو الحسين بالتسجيل



بارك الله فيك أخي عمار واليك هذه المدحة صورة وصوت

http://www.youtube.com/watch?v=ri14RCXvRKQ

عمار محمد
07-29-2010, 04:23 PM
جزاك الله خيراً أخونا محب آل البيت
لو تكرمت إذا كان هناك نص للقصيدة

عثمان أبوكنة
07-29-2010, 08:05 PM
بارك الله فيك يا محبهم ويجزيك ربنا خير الجزاء

حسن مساوي
07-30-2010, 02:19 PM
بارك الله فيك يا محبهم ويجزيك ربنا خير الجزاء

مشكور علي مرورك الطيب

حسن مساوي
07-30-2010, 02:31 PM
جزاك الله خيراً أخونا محب آل البيت
لو تكرمت إذا كان هناك نص للقصيدة

حاضر قريبا باذن الله مسافة الكتابة وأرجع ليك

حسن مساوي
08-05-2010, 12:39 PM
صلاة وسلام لي محمدا

صلا وسلام لى محمدا *** خاتم الرسل سيدي أحمدا
يا لساني قول الله واحدا *** حاشا لم يلد لالُو والدا
واجب الوجود باقي مفردا *** أنفى للشريك عَنْه وأبعدا
مالك الملوك سامع الندى *** رازق العباد فَضلو واجدا
باسط النِعَم ليهو نحمدا *** نسألو القبول والمشاهده
يشرح القلوب يجعل الهدى *** في رضاك يا ربي نعبدا
نمدح الرسول ديمه سرمدا


أثني بالرسول المؤيدا *** التقي الرؤوف الممجدا
كامل الخصال والمحامدا *** صاحب الِلواء وصاحب الرِدا
ليلة الولود خَرّ ساجدا *** طاهراً نظيفاً مُبرّدا
مكسي بالجمال وجهو يوقدا *** أفلجاً كحيل غير أثمدا
حاجبو كالهلال قارف النِدا *** نورو بَقّ في الكون ضوّا من بدا
فاق على السما حتى أصعدا


هب ريحه فاح طيبو عامدا ***زالت النحوس لينا بعدا
خيط الفتوك جملة سددا ***أصلح البلاد سيدي وأرشدا
الملائكة جاءت طائفة أحمدا ***غنت الحسان عامري المدا
كونه في قريش سيد وسيدا*** ابن عبدالله آمنة والدا
وأرضعت حليمة الله اسعدا*** يالساني جيب قولي وانشدا
لي المولي لي الرسل قائدا



خابت النجوس نارا أخمدا*** كسري طاح سناماتوا هددا
نهر ساوا غاض كي للعدا ***انتحب ابجهل خشمو لكدا
الشقي التعيس فعلو فاسدا*** مابي للرسول قلبوا حاسدا
كم من القصص شاف وشاهدا*** يوم رمي البعير قام مذاودا
ويبكي بالمقوص المرمدا*** سوي في القلب راح مكددا
اسفل الدرك ليهو مقعدا



طه من صغير عقله جامدا*** جودوا وابلا ما محددا
ان لقي اليتيم ما بينكدا*** يرفي للعدامي ويسندا
جاهو لا قصيف ولا محددا*** كونو في الرسل حظوزائدا
يوم نهار نقيف تاجو باردا *** يرغم الرسول لينا بالفداء
رب قالوا خذ يا محمدا ***الشفاعة ليك وأنت سيدا
زينة الجنان بيك موعدا




طاهر الأكفاف يا محمدا *** كامل الأوصاف يا محمدا
أنت أبي الاشراف يا محمدا *** سيد الأمة كاف يا محمدا
نورك الرفراف يا محمدا ***قلبك الراءاف يا محمدا
تَرجِب البخاف يا محمدا **** ليلية الوٌقاف يا محمدا
للكرب كشَّاف يا محمدا *** السلام أرداف لى محمدا
مِنّي ليك آلاف يا محمدا

حابّك الجليل يا محمدا *** نخبة اسماعيل يا محمدا
أنت خير الجيل يا محمدا *** صاحب الخليل يا محمدا
سيد لِوى الإكليل يا محمدا *** وجهك الجميل يا محمدا
خدك الاسيل يا محمدا *** طرفك الكحيل يا محمدا
شرعك العديل يا محمدا *** حاشا ما بتيميل يا محمدا
جيتنا بالدليل يا محمدا *** ليلة الزِلْزِيِل يا محمدا
يا التخمْد الويل يا محمدا


الجذع بكا لى محمدا *** جَاز وانتكا لى محمدا
الجماد حكى لى محمدا *** والبعير شكا لى محمدا
جَلْ ربَّكا يا محمدا *** عَلّا قدرك يا محمدا
أين مثلك يا محمدا *** الرُسلي سابكا يا محمدا
وافي وعدك يا محمد *** وافي عهدكا يا محمدا
ما في بعدك يا محمدا*** ضاوي وجهكا يا محمدا
فاق جمالكا يا محمدا*** المباركا يا محمدا
لينا أدركا يا محمدا


الجِذع رزم لى محمدا *** جَار بالبرم لى محمدا
الجمال نظم لى محمدا *** لا لسان لا فم لى محمدا
المُنير قَسَم لى محمدا *** خَرْ وانقسم لى محمدا
القَصِير أب دم لى محمدا *** قاّلو فيَّ ثم لى محمدا
ذلك الأصْم لى محمدا *** إن وِطاهُو جَمْ قول محمدا
كم وكم وكم لى محمدا *** لا عدد لا كم لى محمدا
طاهر القدم يا محمدا *** اللَّى الرسل ختم يا محمدا

صمة الكرام راية عاقده *** صاموا للعمير في المجاهدا
سيدي الصديق بالنبي اقتدي*** قام عمر في الدين بي مواكدا
سيدي عثمان للثقيل لدا *** برز الكرار سيفوا جردا
ابن طالبا ما بيراودا ***غزا قارحة في الريشة جودا
ولع الفرسان ضربو شردا ***جنزر الملوك هانا قيدا
طيع الديار لينا بردا

مرحب العدول المعاهدا*** سيدي الزبير وطلحة الهدي
ناس سعد وسعيد ابا عبيده ***سيدي ابنعوف روحو زاهدا
سيدي الفضل باقي جيدا ***سيدي العقيل المجبدا
سيدي المقداد ابن الاسودا ***الامير ضرار الموحدا
همزه والعباس نعم خالد ***ان لقي الخيول ما بهاودا
بشتن الدروع رمحوا قددا

جالب الرجال من صعايده *** هملو العقاب جات مشققا
تبكي بالدموع شوقو هردا ***نعم ياالنوي وللجمال حدا
هجرة القصير نوقو وردا*** بلج الحمول بارا من بدا
ليتي في الشروق ربي اهاودا ***نسري بالغفار ليهو قاصدا
يوصل المدينة ام فوائدا ***ينظر المقام المجددا
واجه الرسول والكرام حدا

الماحي ليك يقول يا محمدا*** عندي نية فيك وربي شاهدا
بالجهر والسر ليك رايدا*** ناوي لي زيارتك مقيدا
ناوي قبل أموت ليك اعاودا ***اصبا ذاك مقامك واشاهدا
وابلغ المراد والمقاصدا** بشكي للاخوان داير الفدا
جنة النعيم لينا مخلدا***ونكسب الحسان عين ونهدا
سالبلة الشعور سمحة اليدا *** نايرة الجسوم المزبدا

الصلاة وسلام ديمة زائدة ***الصلاة وسلام ديمة سرمدا
الصلاة وسلام مومعدده ***الصلاه وسلام لي محمدا
طه ثم يسين واحمدا ***الوسيلة محمود وحامدا
بي عدد نباتا يفرهدا *** حين طوي النخيل عشبه وددا
مارزم سحاب كر والعدي*** عدد فضائل الموالدا
وعلموا ربي من نوروما بدا*** ترضي للرسول تكفي للعدا
يقبلها الكريم بيها نسعدا

ومعزرة اذا صاحب هذا العمل بعض الاخطاء فالكمال لله وحده

ونرجو ممن وجد خطا ما تنبيهنا لتصليحه

عمار محمد
08-08-2010, 01:52 PM
الرائع حسن مساوي بارك الله فيك ومشكور على الإبداع والتوثيق ربنا يجعل العمل في ميزان حسناتك

حسن مساوي
08-22-2010, 10:48 PM
الرائع حسن مساوي بارك الله فيك ومشكور على الإبداع والتوثيق ربنا يجعل العمل في ميزان حسناتك

الاروع عمار لك التحايا النواضر

ولا شكر علي واجب

عمر ابوعشر
08-24-2010, 05:23 PM
ياسلام عليك يارائع مشكووور والله علي هذة الاعمال الرائعة

حسن مساوي
08-24-2010, 07:19 PM
ياسلام عليك يارائع مشكووور والله علي هذة الاعمال الرائعة


ويا سلام عليك يا عمر علي مرورك من هنا

وردودكم تجعلنا نبزل المزيد

samisuh
12-19-2010, 08:12 PM
thank you very much